Sie ɔ ti mɔ a fa bu akunndan’n kpa

1. Sie ɔ awlɛn’n kpa, ɔ nguan ɔn,

Nán fa atin tɛ’n su.

Ɲanmiɛn nian e awlɛn’n bo lɔ,

Ɔ wun e sran wafa’n.

Ɔ ju wie’n, e awlɛn’n yo tɛ,

Ɔ maan ɔ kwla mlin e.

I ti’n maan akunndan’n sie e,

Naan Zoova sie e.

2. Kpɛ ɔ ɲin Ɲanmiɛn su, srɛ i.

Tu ɔ klun srɛ tankaan.

Mɛnmɛn i naan lɛ i ase.

Fa ɔ su sa’n kwlaa mɛn.

Ninnge nga Zoova kle e’n,

Maan e nanti be su.

I liɛ’n e awlɛn’n ɔ́ yó kpa,

Maan e yo i klun sa’n.

3. Nán bu akunndan tɛ kaan sa.

Kunndɛ nanwlɛ ndɛfuɛ’n.

Maan Ɲanmiɛn Ndɛ’n kan ɔ awlɛn’n,

Naan ɔ bo i uflɛ.

Zoova klo i sufuɛ kpa mun.

E lafi su kpa sɔ.

E liɛ’n ɔ ti e janvuɛ ti’n,

E tu e klun e sui.