Ɲanmiɛn i sufuɛ nanwlɛfuɛ’m be suan ajalɛ nga Ɲanmiɛn fa be’n, be bo.

Ɲanmiɛn i sran’m be klunklo su, be yoli ninnge fanunfanun be fa suannin Ɲanmiɛn i sulɛ kpafuɛ’n i bo.

10:29-31, 33-40; 11:1, 2

• Nvle’n i nunfuɛ’m be siesieli be wun kpɛkun be dili kpata bo tranlɛ cɛn’n kɛ ng’ɔ nin i fata’n sa.

• Cɛn kwlakwla nvle’n i nunfuɛ’m be yiali be tieli mmla fluwa’n i nun kannganlɛ’n. I sɔ’n mannin be aklunjuɛ dan.

• Nvle’n i nunfuɛ’m be kokoli be sa tɛ mun, be srɛli Zoova yɛ be seli i kɛ ɔ yra be su.

• Nvle’n i nunfuɛ’m be nuan sɛli su kɛ bé súan ajalɛ kwlaa nga Ɲanmiɛn fa be’n, be bo titi.

Ɲanmiɛn i ajalɛ ng’ɔ fa be’n i bo suanlɛ titi’n, i wie yɛle kɛ:

• 

  Be ja sran ng’ɔ su Zoova.

• 

  Be man sika.

• 

  Be di Wunmiɛn delɛ cɛn’n.

• 

  Be bu yie be kɔ lika nga be yi tɛ lɔ’n.

• 

  Be fa be fie’m be su ninnge klikli’n, ɔ nin be nnɛn’m be nun klikli’n be man Zoova.