Sarong Seguradong Paglaom Para sa Presenteng Kapag-arakian
“Kun maliliwat mo an kinaban, ano an gigibohon mo?” An ibang hobenes masimbag na kapareho ni Swen, sarong tin-edyer na Aleman na naghohona na “imposible an mangarap na magkaigwa nin lubos na kapangyarihan na liwaton an mga bagay.”
An iba man nagsasabi kun ano an gigibohon ninda kun sinda may kakayahan na gumibo nin mga pagliliwat para sa ikararahay. An mga solusyon ninda sa ibang problema nin katawohan parate na haranihon sa mga sinasabi kan Biblia.
An Gigibohon nin mga Hobenes An Ipinanunuga nin Dios
Kawiliwiling Trabaho Para sa Gabos
An desisiete anyos na si Jacky, Magkakaigwa nin nakakokontentong
na tagaparteng amihanan nin Pransia, trabaho para sa gabos, asin
lilimitaran an “teknolohiya paagi sa kakamtan nin mga tawo an bunga
pag-ina sa mga robot tanganing kan saindang pagpapagal. “Sinda
matawan nin trabaho an mga tawo.” siertong magtotogdok nin mga harong
Si Susanne, sarong tin-edyer asin mag-oontok sinda dian . . .
na taga-Hamburg, Republika Dai sinda magtotogdok asin iba an
Pederal nin Alemania, boot na mag-oontok; dai sinda matanom
makaheling nin sarong kinaban asin iba an makakan. . . . An
nin mga trabaho sanang kinakamot ginibo kan saindang mga kamot
—mga sapatero, paratogdok, lubos na gagamiton kan sakuyang
paramoli, panday, asin iba pa. mga pinili. Dai sinda magpapagal
na mayong kapakanan, ni mangangaki
man sinda para sa karibokan.”
Katoninongan sa Daga
Kapareho nin dakol na hobenes, si “Madia kamo, banwaan, helinga nindo
Carla, sarong daragita na 14 anyos na an mga ginigibo ni Jehova, kun
taga-Republika Pederal nin Alemania, paano sia nagbugtak nin mga ngangalasan
“hahaleon an mga bomba asin guerra.” sa daga. Pinaoontok nia an mgaralaban
Si Jun, sarong solterito na taga- sagkod sa kaporoporohi kan daga.”
Hapon, “tatawan nin katoninongan —Salmo 46:8, 9.
an gabos.” Asin si Delphine, na
taga-Pransia, “paoontokon man an
mga guerra sa bilog na kinaban.”
Sararong Kinaban
Si John, sarong barobata na taga- “Asin sa saiya [ki Jesus] itinao an
Canada, “pagsasararoon an kinaban paghade asin kamahalan patin kahadean,
sa saro sanang komunidad.” Si tanganing an mga banwaan, mga nasyon
Mikiko, sarong daragita na taga-Hapon, asin mga tataramon gabos
nagpapaliwanag kun paano sa paghona maglingkod sa saiya.” “Dakol na nasyon an
nia magkakaigwa nin pagkasararo: maduruman asin masarabi: ‘Madia kamo,
Gigibohon ko an sarong daga na mga banwaan, asin magturukad kita sa bukid ni
marahay sanang tawo an nag-iistar.” Jehova . . . asin totokdoan nia kita
Asin si Milton, na taga-Brazil, nagtatao mapadapit sa saiyang mgadalan, asin
nin dugang pang ideya: “Boot kong magraralakaw kita sa saiyang mga dana.’”
maheling an sararong kinaban, na saro —Daniel 7:14; Miqueas 4:2.
sana an gobyerno asin saro sana
an relihiyon.”
Arog kan ipinaheling kan mga pagkokomparar sa enotan, an ngapit na ipinanunuga nin Dios iyo an minamawot nin dakol na hobenes. An ngapit na ini magigin sarong katunayan, huli ta an salmista, sa pakikipag-olay ki Jehova, nagtatao kan garantiya: “Binibiklad mo an saimong kamot asin pinaninigoan an mawot nin lambang bagay na may buhay.” (Salmo 145:16) Alagad noarin daw maootob an mga panugang ini? Helingon niato an simbag nin ibang hobenes.
Harani Na an Panahon nin Pagkaliwat!
Si Carole, na taga-Pransia, igwa nin “makangangalas na paglaom” asin may tinatanaw, para sa harani nang ngapit, na “bagay na makangangalas—bako nanggad na arog kan kinaban na iniistaran niato.” Si Samuel, 15 anyos na barobata sa nasyon man na iyan, nagtutubod man sa biyong pagkaliwat: “Para sa taon 2000, natatanaw ko an sarong kinaban na ginibong magayon na paraiso! Pero sa paghona ko an presenteng kinaban o an mga namomoon dian dai mabubuhay tanganing maheling an aldaw na iyan. . . . Kita nabubuhay sa huring mga aldaw kan palakaw na ini nin mga bagay.” Si Ruth, sarong 16 anyos na daragitang Aleman, nagpapahayag man kan saiyang pagsarig sa mga pagkaliwat na ini: “Aram ko na bako akong madonong tanganing liwaton an kinaban asin itanos an mga bagay. Solamente si Jehova, an satong Kaglalang, an makahihimo asin talagang magibo kaiyan sa madali na.”
Alagad taano an mga nahuring ininterbiong hobenes ta seguradong gayo sa kapakipakinabang na mga pagkaliwat sa madali nang ngapit? Huli ta naaraman ninda an mga panuga nin Dios paagi sa saiyang Tataramon, an Biblia. Bilang mga Saksi ni Jehova, nagsasarig sinda sa sarong bagay na mas marahay—sarong kinaban na may hustisya asin katoninongan na duman, sono sa panuga nin Dios, pati an helang asin kagadanan mawawara na.—2 Pedro 3:13; Kapahayagan 21:3, 4.
An maingat na pagsiyasat sa mga hula sa Biblia nagpatunay sa mga hoben na Saksing ini na kita ngonyan nabubuhay sa mapalad na panahon sa kasaysayan, huli ta nag-abot na an panahon na an Dios mangunlabot sa mga gibo-gibo nin tawo asin haleon sa bilog na daga an karatan. Inaapod kan Kasuratan an halipot na panahon bago an pangunlabot nin Dios na “panahon kan katapusan” asin sinierto na iyan dai malawig nin lihis sa sarong “kapag-arakian.” Iyan ipamimidbid man nin mga guerra, linog, epidemya, takot, asin nag-oorog na kadaihan nin katiwasayan—na gabos nangyari sa kinaban poon kan 1914. Mantang an “kapag-arakian” nin 1914 gurang na ngonyan, an panuga nin Dios sa katotoohan napapanahon na bareta para sa mga hobenes ngonyan.—Daniel 12:4; Mateo 24:3, 7-14, 34.
Pag-andam sa Saindong Ngapit
Kun siring, ano an maninigong magin kaisipan niato manongod sa ngapit? Pinapipili an gabos. Arog kaini an pagkasabi dian nin sarong peryodistang Pranses: “May duwang paagi nin pagpaheling nin interes sa ngapit: An saro iyo an pagprobar na imahinaron iyan, kapareho nin sarong nakasakay sa tren na pinagheheling an inaagihan na mga lugar; an saro pa iyo an pag-andam para kaiyan.” Arin an mas gusto nindo?
Imbes na matakot sa madiklom na ngapit, tibaad boot nindong siyasaton an tinutubod kan hoben na mga Saksi tanganing aramon kun may marigon na pasisikadan an saindang paglaom. Taano ta dai ponan an pag-adal sa Tataramon nin Dios kaiba an saro sa mga Saksi ni Jehova? Imbes na halaton na sana an ngapit nin daing ginigibo, makakanood kamong mag-andam para kaiyan. Puwedeng mapasaindo an makangangalas na paglaom sa ngapit.
[Kahon sa pahina 8]
Kapareho daw Ngonyan an Ngapit?
Kun iniimahinar an ngapit, parate na an mga tawo may tendensiang isipon iyan bilang kasumpay kan saindang presenteng pamumuhay. An bantog na pisikong Amerikano na si Robert Oppenheimer, saro sa mga ama kan bomba atomika, nagpaliwanag kun taano ta sa paghona nia an ngapit dai puwedeng matanaw sa paaging iyan: “Igwa nin katimbang na peligro sa pagtanaw sa ngapit asin pagprobar na ihula iyan. Parate na kita kombensido na an mga sorpresa kan nakaagi iyo an madeterminar sa mangyayari sa ngapit. . . . Alagad sa ikararahay man o ikararaot, an ngapit bagong bagay. Iyan bagong bagay nin pagkanorongod, mga bagay na nag-iiriba sa paagi na dai ikahuhula. . . . Kaya iyan nagigin ngapit ta dai iyan ikahuhula ngonyan; iyan dai ipinaririsa ngonyan.”
Mantang sa sadiri niang abilidad dai kayang aramon nin tawo an ngapit, kaipuhan na makihumapot sia sa sarong Persona na may superyor na intelihensia. An Biblia ilinaladawan an Dios bilang igwa kan kinakaipuhan na kakayahan na iyan sa mga tataramon na ini: “Ako . . . an Saro na nagpapaisi kan mangyayari sa huri poon sa kapinonan, asin kan mga bagay na dai pa nahahaman poon pa kan kasuanoy.” Kaya sa saiya sana makadodolok an tawo tanganing maaraman an maabot sa ngapit.—Isaias 46:9, 10.