‘Tinatawan Kaiyan nin Kaliwanagan an Misteryo’
An Trinidad inapod na misteryo, pero an sarong parabasa na taga-Australia nagsasabi na an pulyetong Should You Believe in the Trinity? “tinatawan nin kaliwanagan an misteryo asin tinatapos iyan.”
Sa Nueva York an sarong dating maestra sa programang Confraternity of Christian Doctrine kan Iglesya Katolika Romana nagsabi na kutana yaon na an pulyetong ini kaidtong mga dekada na an nakaagi. Sa laog nin 15 taon, sabi nia, nagtindog sia sa atubangan nin mga klaseng kompuwesto nin 30 sagkod 35 estudyante, 7 sagkod 12 anyos an mga edad, “na dinodrowing an may tolong dahon na shamrock sa pagtokdo sainda manongod sa Trinidad—tolong petalo para sa tolong laen-laen na Persona, kada saro Dios, sa saro sanang sanga, na nagigin saro sanang Dios! Alagad ta iyan an sinabi samong gibohon kan mga madre asin padi,” an isinurat nia.
“Kaidto nariribok na an isip ko manongod dian,” an padagos nia. “Ngonyan yaon na sako an tunay na mga simbag asin katunayan hale sa mismong Tataramon nin Dios. Kanigoan an kamawotan ko na matipon an gabos na aking tinokdoan ko asin ipaheling sainda an katotoohan manongod sa gabos na bagay na ini!”
Dakol an inapresyar na gayo an intelektuwal, dokumentadong marhay na pulyetong ini manongod sa Trinidad, na nagdadanay na pundamental na katokdoan kan kadaklan na iglesya sa Kakristianohan. Kaiba sa dakol na kotasyon kan pulyeto iyo an hale sa The New Encyclopædia Britannica, na nagkomento: “An terminong Trinidad o an klarong doktrina dai minalataw sa Bagong Tipan.”
Kun boot nindo nin dugang na impormasyon o nin daing bayad na pag-adal sa Biblia, tabi sumurat sa Watch Tower, P.O. Box 2044, 1099 Manila.