‘Naghinanyog Ako Sainda nin Dinosenang Beses’
SA ANO? Sa mga drama nin kasaysayan sa Biblia sa mga cassette tape. An mapag-apresyar na parahinanyog na taga Albuquerque, New Mexico, nagsurat:
“Hininanyog ko an tape na ‘Beware of Losing Faith by Drawing Away From Jehovah’ sa sakong kotse na dai makulang sa 25 beses. Nagtao iyan sako nin dakol na mga bagay na paghorophoropon. Tinabangan ako kaiyan na maheling an mga isyu sa sakong buhay nin orog kaklarado paagi sa paghinanyog sa orolay kan mga Israelitas—sinda tunay na mga tawo, asin risang gayo kun ano an saindang dapat o dai dapat gibohon.
“An manlaenlaen na pananaram, siring baga kan ‘sadit man lang na bagay iyan’ o ‘ginigibo mong literal na gayo an pagboot . . . an saimong pagmansay piot asin limitado,’ oro-otrong nagsasabong sa sakong isip. Ginibo akong maogma kaiyan huli ta natabangan ako na manindogan nin posog (siring ki Moises, Aaron, asin Josue) para sa ano man na tama—na dai nagmamawot na makikompromiso, sa siring nagpopoon na magrayo ki Jehova.”
Kamo man, makikinabang sa nakakaogma alagad nagtotokdong mga drama sa Biblia sa cassette tape. Igwa nin duwang drama sa cassette, an Beware of Losing Faith by Drawing Away From Jehovah asin Jehovah’s Name to Be Declared in All the Earth. An lambang saro halagang ₱30 sana, asin an kada saro igwa nin lawig na labing sarong oras tanganing hinanyogon. Akoon an mga cassette paagi sa pagllenar asin ipadara ining kupon.
Tabi ipadara, na bayad na an selyo, an (mga) cassette na may tsek sa ibaba. Ilinakip ko an ₱30 para sa kada saro.
[ ] Beware of Losing Faith [ ] Jehovah’s Name to Be Declared