“An Pinakapambihirang Paagi sa Pagtotokdo”

Iyan an isinabi nin sarong taga-Springfield, Oregon, E.U.A., manongod sa mga cassette tape kan librong Listening to the Great Teacher. “Tunay na ini an pinakapambihirang paagi sa pagtotokdo sa kiisay man,” an isinurat nia. “An madonong na sadol sa mga magurang asin sa kaakian pambihira nanggad na itinatao! Mayo akong ibang maisip kundi ‘pambihira’ sa pagladawan sa paagi nin pagbasa sa libro, sa paagi kan pagsaysay kan mga estorya! Salamat hale sa kairairaromi kan samong puso! Tabi padarahan pa ako nin duwang set. Tabi akoon an ilinakip na tseke para sa mga tape.”

An album igwa nin apat na cassette tape asin librong Listening to the Great Teacher. An lawig kun patotogtogon labi nin dikit sa limang oras. An libro dinesenyo sa pagbasa sa kaakian, alagad an bilog na pamilya makikinabang sa iribang paghinanyog sa mga tape. O an kaakian puwedeng magpatogtog kan mga tape na sinda sana asin an saindang mga kairiba.

Kabtang ini kan panbilog na kinaban na gibohon sa pagtotokdo nin Biblia na sinusuportaran paagi sa boluntad na mga donasyon.

Mawot kong mag-ako kan de-kolor na vinyl na album na may apat na cassette tape asin nin librong Listening to the Great Teacher. (Sa luwas kan Pilipinas, magsurat sa lokal na sangang opisina kan Watch Tower para sa impormasyon.)