An Pinakamahalagang Pangyayari sa Kasaysayan

Taano man? An pangyayari iyo an kagadanan ni Jesu-Cristo.

Iyan nagserbi tanganing mabindikar an soberaniya nin Dios asin nagpatunay na an tawo puwedeng makapagdanay nin sangkap na integridad sa Dios. Binuksan kaiyan sa katawohan an paglaom na mag-ako nin buhay na daing katapusan sa paraisong mga kamugtakan. Pinonan mismo ni Jesus an memorial nin saiyang kagadanan kan banggi bago sia magadan.

Idto simpleng seremonya. Durante kaiyan, sinabi ni Jesus sa saiyang mga disipulo: “Padagos na gibohon nindo ini sa paggirumdom sa sako.” (Lucas 22:​19, 20) Gigirumdomon daw nindo? Iniimbitaran kamo kan mga Saksi ni Jehova na umiba sainda sa paggirumdom kan pinakamahalagang pangyayaring ini sa kasaysayan. Ngonyan na taon an petsa Martes, Abril 6, pakasolnop nin aldaw.

Tabi maghapot sa Kingdom Hall na harani saindo para sa eksaktong oras asin lugar. Mayo nin bayad, asin iniimbitaran an mga bisita na magdangog sa nakapagtotokdong pahayag asin helingon an simpleng selebrasyon.