Mga Opinyon na Ipinahayag Apabor sa Paniniwala
MANTANG natatapos an nakaaging siglo, an mga opinyon na nagsusuportar sa siensia, pilosopiya, asin sekularismo nagkaigwa nin nakadadanyar na epekto sa paniniwala sa Dios asin sa pagkapasabong sa Biblia.
Pero bako sana iyan an mga opinyon na ipinahayag. Nasabotan kan dakol na parasiyasat na dakol an puwedeng sabihon bilang pagsuportar sa paniniwala sa Dios imbes na sa ateismo. An saindang mga pag-adal naghayag man nin bastanteng ebidensia na an Biblia ipinasabong na Tataramon nin Dios.
An sarong may prominenteng opinyon iyo si C. T. Russell. Minilyon an nakabasa kan saiyang tomo kan 1886 na The Divine Plan of the Ages. An sarong mapuwersang kapitulo dian iyo an “The Existence of a Supreme Intelligent Creator Established” (sa Bicol, “Pinatunayan an Pag-eksister nin Sarong Supremong Intelihenteng Kaglalang”).
Sa suminunod na mga dekada, nagsurat si Russell nin mga artikulo, tract, asin libro na nagtao nin mapuwersang mga dahelan na maniwala sa Dios asin sa Biblia. Ipinublikar an mga ini kan Watch Tower Bible and Tract Society. An ikaduwang presidente kaiyan, si J. F. Rutherford, isinurat an Creation (1927) asin an iba pang mga libro na orog pang nagsuportar sa opinyon na ipinahayag apabor sa paniniwala.
An sosyedad na iyan dai pa sana nahaloy na nag-andam nin dagdag pang napapanahon na impormasyon manongod sa mga bagay na ini. Puwedeng itao iyan kan mga Saksi ni Jehova para sa saindong paghorophorop.
Kun gusto nindo nin dugang na impormasyon o gusto nindong songkoon kamo nin saro na makikipag-adal sa saindo sa Biblia nin daing bayad, tabi sumurat sa Watch Tower, P.O. Box 2044, 1099 Manila, o sa angay na direksion na nalilista sa pahina 2.
[Mga ritrato sa pahina 32]