‘Ay, Kun Nagin Arog Kutana Ninda an Gabos!’

Ini an mga tataramon nin sarong kolumnista sa diaryo sa Luxembourg na Letzebuerger Journal. Dapit kiisay sia nagtataram?

Nagduman sia sa Polandia tanganing umatender sa sarong selebrasyon kan ika-50 anibersaryo kan katalingkasan nin Auschwitz asin narisa nia na an sarong grupo na nagtios nin makuri duman dai noarin man nasambitan. Sa saiyang artikulo kan Pebrero 2, 1995, ipinamidbid nia an grupong ini na an Mga Saksi ni Jehova asin sia nagsurat: “Maski an pinakamasakit na bilanggoan o kampo de konsentrasyon, o an huma na makaheherak na magadan sa kuartel nin mga ginugutom o paagi sa patok o gilotina dai nakapangyari sa sainda na isikwal an saindang pagtubod.” Nagpadagos sia: “Minsan an maringis na mga guardiang SS naghanga sa kapusoan kan Mga Saksi ni Jehova sa pag-atubang sa saindang kagadanan.”

An Mga Saksi ni Jehova dai nagmawot nin kagadanan. Alagad, arog kan mga Kristiano kan enot na siglo, an rinibo sa sainda pinili an kagadanan imbes na ikompromiso an Kristianong mga prinsipyo. An siring na pagtubod nagpamidbid sa sainda na nangongorog kanapapalaen sa mamondong mga aldaw kan gobyernong Nazi.

An kolumnista nagkonklusyon: “Ay, kun nagin arog kutana kan Mga Saksi ni Jehova an gabos na tawo!” Kun iyo, nungka kutanang nangyari an ikaduwang guerra mundial.