Pag-aadalan na Edisyon

KATUYOHAN KAN ARTIKULONG PAG-AADALAN

ARTIKULONG PAG-AADALAN 1 PAHINA 3-7

Pinahalagahan na marhay ni Hadeng David kan suanoy na Israel an ngaran asin katuyohan ni Jehova. Nasabotan man nia an mga prinsipyo na yaon sa Ley nin Dios asin namibi na tokdoan sia na gibohon an Saiyang kabotan, arog kan ipinapahiling kan artikulong ini. Tatabangan man kita kaini na maaraman kun taano ta maninigo na pirme niatong mansayon an mga bagay-bagay arog kan pagmansay ni Jehova.

ARTIKULONG PAG-AADALAN 2, 3 PAHINA 10-19

Bilang mga parasunod ni Jesus, aram kan mga tunay na Kristiano na kaipuhan nindang magin mapakumbaba. Sisiyasaton sa enot na artikulo an halimbawa nin kapakumbabaan na itinao ni Jesus tanganing maingat niato siang masundan. Ipapahiling kan ikaduwang artikulo kun paano ta makukultibar an espiritu nin pagigin mas hababa asin ikakapahiling iyan sa satong buhay.

ARTIKULONG PAG-AADALAN 4, 5 PAHINA 21-30

Tatabangan kita kan mga artikulong ini na apresyaron an pagigin andam ni Jehova na magpatawad dawa pa magabaton an mga kasalan. Kun beses, huli sa mga kamugtakan, tibaad depisil para sa sato na magin andam na magpatawad. Minsan siring, an mga prinsipyo sa Biblia makakatabang sa sato na mapangganahan an siring na negatibong saboot.