PAG-AADALAN NA EDISYON

ARTIKULONG PAG-AADALAN

▪ Kusugi an Buot Mo—Si Jehova Nasa Kaibanan Mo!

Dakul na indibidwal na nasambitan sa Kasuratan an nagpahiling nin pagtubod asin kusog nin buot. Paagi sa pagsiyasat sa nagkapira sa mga eksperyensiya ninda, mapapakusog an satong pagtubod asin matatabangan kitang maglingkod ki Jehova nin may kusog nin buot. Itinatampok kaini an satong teksto para sa taon 2013.

▪ Dai Pagtugutan an Ano Man na Irayo Ka ki Jehova

▪ Padagos na Rumani ki Jehova

Dakul na bagay sa buhay an dai ta puwedeng pilion, kaiba na an satong mga magurang, mga tugang, asin kun sain kita mamumundag. Bakong arog kaiyan kun dapit sa pagigin dayupot ki Jehova. Makakapili kita kun baga magigin dayupot sa saiya o dai. Tutukaron sa mga artikulong ini an pitong aspekto nin buhay na diyan dai ta maninigong tugutan an ano man na irayo kita ki Jehova.

▪ Naglilingkod na Mayong Pinagbabasulan

Gabos kita nakagibo nin mga bagay na gusto ta kutanang balikan asin baguhon. Pero, dai niyato kaipuhan na pagtugutan an siring na mga pagbasol na makaulang sa sato ngunyan sa paglilingkod sa Diyos. Sa artikulong ini, makakanuod kita sa halimbawa ni apostol Pablo kun paano kita padagos na makakapaglingkod ki Jehova na mayong pinagbabasulan.

▪ Mga Elder—‘Mga Kapwa Trabahador Para sa Satong Kagayagayahan’

Sa ikaduwa niyang surat sa mga taga Corinto, ipinaliwanag ni Pablo na siya asin an saiyang dayupot na kairiba ‘mga kapwa trabahador para sa saindang kagayagayahan.’ (2 Cor. 1:24, NW) Ano an maninigong magin epekto kan mga tataramon na iyan ni Pablo nangurogna sa Kristiyanong mga elder? Asin paano makakakontribwir an kada saro sa sato sa espiritu nin kagayagayahan sa laog kan kongregasyon? Pag-uulayan sa artikulong ini an simbag sa mga hapot na iyan.