Pagtiripon na Matabang Sato na Gumibo nin Disipulo
SEMANA NIN HUNYO 12-18
10 min: Lokal na mga paisi asin Mga Paisi hale sa An Satong Ministeryo sa Kahadean. Idemonstrar an duwa o tolong haralipot na presentasyon nin magasin na magigin angay sa lokal na teritoryo, an kada saro nagtatampok nin saro sanang artikulo.
20 min: “Apurahan na Ipahayag an mga Paghokom ni Jehova.” Hapot-simbagan na orolay kan artikulo. Ipaaram sa kongregasyon an oras asin lugar kan anoman na dagdag na pagtiripon sa paglilingkod durante kan kampanya nin librong Revelation sa Hunyo. Ipademonstrar sa eksperiyensiadong parahayag an presentasyon basado sa impormasyon sa parapo 5. Pag-olayan an sinitar na mga kasuratan kun itinotogot nin panahon.
15 min: Mga Hobenes na Nagdanay sa Integridad. Sarong nagdadagkang pahayag na nagtatampok nin mga eksperiyensia sa 1989 Yearbook manongod sa pagtubod nin mga hobenes sa Austria. Iiba an mga pahina 111-12, 118-19, asin 123-5.
Kanta 160 asin pantapos na pamibi.
SEMANA NIN HUNYO 19-25
10 min: Lokal na mga paisi. Report sa kuwenta. Komendaran an kongregasyon para sa itinaong materyal na tabang, asin ipaisi an surat nin apresasyon para sa inakong donasyon kan Sosiedad. Sambiton an areglo nin paglilingkod sa langtad sa maabot na semana asin dagkahon an mga pamilya na makikabtang sa pagharong-harong sa enot na Domingo nin Hulyo.
20 min: “Pag-aatubang kan Maogmang Bareta—Paagi sa Lubos na Paggamit kan Librong Reasoning.” Hapot-simbagan. Idemonstrar an introduksion na pinalataw sa parapo 3 asin an suhestion tanganing mapangganahan an pagkontra na binanggit sa parapo 4.
15 min: “Padagos na Hanapon siring sa Natatagong Kayamanan.” Pahayag basado sa artikulo sa Marso 15, 1989 Watchtower, mga pahina 4-6. Gumamit nin aktual na mga halimbawa na itinao sa artikulo tanganing ipaheling an halaga nin paggamit kan gabos na mga publikasyon nin Sosiedad kun nag-aadal o naghahanap nin simbag sa mga hapot sa Biblia.
Kanta 180 asin pantapos na pamibi.
SEMANA NIN HUNYO 26–HULYO 2
8 min: Lokal na mga paisi asin “Hapot” sa pahina 4. Sabihon an areglo sa paglilingkod sa langtad sa masunod na semana, pagirumdomon an gabos sa gibong pagmamagasin sa ikaduwang Sabado kan Hulyo.
20 min: “Pagbugtak kan Pagboot nin Dios ‘Sa Kairaroman kan Satong Sadiri.’” Hapot-simbagan na orolay sa enot na apat na parapo. An tugang na mangengenot kan kabtang na ini mag-imbitar nin duwang marahay-na-halimbawang parahayag sa plataporma para sa tolohan na orolay sa parapo 5-7. Puwedeng maghagad nin halipot na kapahayagan nin apresasyon para sa mas bagong mga publikasyon. An grupo puwedeng magsaysay kun paano sinda o an iba nakinabang sa personal na pag-adal asin pagsiyasat.
17 min: Aroaldaw na mga Pagirumdom sa Pagpaposog sa Espirituwalidad. Ipakipag-olay nin sarong kuwalipikadong tugang na lalaki sa duwa o tolong parahayag kun paano sinda bilang indibiduwal asin bilang pamilya nakinabang sa aroaldaw na pagirumdom siring kan panaroaldaw na teksto, taonan na teksto, asin impormasyon sa kalendario. Kaipuhan niato an pagirumdom hale ki Jehova. (Sal. 119:2; Gibo 17:11) Ipaheling kun paanong an parateng pagirumdom nakakadagka sato asin nagin kapakipakinabang sa ministeryo.
Kanta 91 asin pantapos na pamibi.
SEMANA NIN HULYO 3-9
8 min: Lokal na mga paisi asin Teokratikong mga Bareta.
20 min: “Ginagamit Daw Nindo an Maninigong Introduksion?” Hapot-simbagan na orolay sa artikulo. Dagkahon an gabos na gumibo nin paghihingoa sa pagpaoswag nin mga introduksion. Makipag-ensayo sa iba, na ginagamit an mga suhestion sa librong Reasoning. Mantang pinag-oolayan an mga parapo 4-6, gumibo nin halipot na demonstrasyon an talagang-kuwalipikadong mga parahayag na masusundan nanggad an mga introduksion sa librong Reasoning.
12 min: Lokal nga mga pangangaipo, o tabangan nin sarong may kakayahan na konduktor sa Pag-aadal sa Libro kan Kongregasyon an grupo nin duwa o tolong parahayag na pumili nin marhay na introduksion na gagamiton kun nag-aalok kan brosyur na The Government That Will Bring Paradise sa Hulyo asin Agosto. Gamiton an pahina 9-15 kan librong Reasoning sa angay na suhestion, lalo na manongod sa Kahadean. Ipalataw man kan grupo an mararahay na puntong pag-oolayan sa brosyur na magigin epektibo sa pagpasakamot kaiyan.
5 min: Mga eksperiyensia. Pumili nin duwa o tolong parahayag na magsabi kan saindang eksperiyensia manongod sa resulta kan pag-alok kan librong Revelation kan Hunyo, orog na sa nagkaigwa nin marahay na interes huli kan mensahe kaiyan.
Kanta 92 asin pantapos na pamibi.