Pagtiripon na Matabang Sato na Gumibo nin Disipulo
SEMANA NIN OKTUBRE 9-15
7 min: Lokal na mga paisi asin Mga Paisi hale sa An Satong Ministeryo sa Kahadean. Magpakosog para sa gibohon na pagmamagasin sa Sabado.
18 min: “Naghuhulit daw Kamo na may Katuyohan?” Hapot-simbagan na pag-orolay sa materyal. Pakatapos na pag-olayan an parapo 5, ipademonstrar sa parahayag kun paano an pag-alok nin suskripsion puwedeng gibohon sa dinadalaw liwat, na ginagamit an isyu na Oktubre 8.
20 min: “Pag-aatubang kan Maogmang Bareta—Paagi sa Mapusong Pagpatotoo sa Komersial na Teritoryo.” Hapot-simbagan na pag-orolay kan materyal paagi kan paraataman sa paglilingkod. Magpakosog para sa mas dakulang pakikabtang sa pag-abot sa mga negosyante sa teritoryo. Pakatapos na konsideraron an parapo 6 asin 7, idemonstrar an pag-alok nin magasin asin suskripsion sa komersial na teritoryo.
Kanta 92 asin pantapos na pamibi.
SEMANA NIN OKTUBRE 16-22
10 min: Lokal na mga paisi. Report sa kuwenta. Sambiton an pagpasalamat sa mga donasyon. Komendaran an mga tugang sa pagigin alisto sa pinansiyal na mga pangangaipo kan kongregasyon asin kan panbilog na kinaban na gibohon na paghuhulit asin kan proyekto sa konstruksion.
22 min: “Pakakua nin Kagayagayahan Paagi sa Dugang na Ikinawaras na mga Magasin.” Hapot-simbagan. Ikomparar an promedyong ikinawaras na mga magasin kan kongregasyon sa nakaaging taon. Kun kinokonsiderar an parapo 6, pag-olayan nin duwang payunir an nagkapirang tampok na punto hale sa suplemento kan Mayo, 1984 na An Satong Ministeryo sa Kahadean. An lambang payunir maninigong mag-atubang nin 30 sagkod sa 60 segundong presentasyon kan magasin.
13 min: “Hapot.” An nangengenot na paraataman an mangengenot sa pag-orolay sa nagdadangog, na ipinababasa an mga parapo.
Kanta 128 asin pantapos na pamibi.
SEMANA NIN OKTUBRE 23-29
10 min: Lokal na mga paisi. Ipakipag-olay an angay na mga introduksion hale sa librong Reasoning na puwedeng gamiton kairiba kan isinuherir na Topikong Mapag-oolayan. Itampok an Teokratikong mga Bareta sagkod sa itinotogot kan panahon.
15 min: “An Topikong Mapag-oolayan.” Pahayag na may pakikabtang an nagdadangog. Interbiohon an duwang payunir, na hinahapot kun arin na mga topiko an ginamit nindang epektibo sa teritoryo kan kongregasyon.
20 min: “Imbitado Kamo sa 1989 ‘Diosnon na Debosyon’ na Pandistritong Kombension!” An sekretaryo kan kongregasyon an magkokondukta sa hapot-simbagan na pag-orolay sa parapo 1-13 asin repasohon sa halipot an “Mga Pagirumdom sa Pandistritong Kombension.”
Kanta 156 asin pantapos na pamibi.
SEMANA NIN OKT. 30–NOB. 5
10 min: Lokal na mga paisi asin pagkonsiderar kan teksto kan aldaw. Sambiton sa halipot an alok na literatura sa Nobyembre na New World Translation kairiba an brochure na Uya! asin magtao nin nagkapirang puntong ipakikipag-olay na puwedeng gamiton kun nag-aalok kaini sa publiko.
20 min: “Imbitado Kamo sa 1989 ‘Diosnon na Debosyon’ na Pandistritong Kombension!” An nangengenot na paraataman an makikipag-olay sa mga nagdadangog kan parapo 14-27. Idoon an paninimbagan nin indibiduwal asin magurang tanganing malikayan na magtaong rason para sa kritisismo sa banwaan ni Jehova. Pakosogon an mga padre de pamilya na repasohon an sadol sa suplemento kairiba kan pamilya saro o duwang aldaw bago mag-atender sa kombension.
15 min: Lokal na pangangaipo o pag-orolay sa mga tampok na punto hale sa Hulyo 1, 1989 na “Mga Hapot Hale sa mga Parabasa,” na pinakokosog an hoben na mga lalaki na aboton an orog pang mga pribilehiyo nin paglilingkod.
Kanta 152 asin pantapos na pamibi.