Pagtiripon sa Paglilingkod Para sa Abril
Semana nin Abril 3-9
10 min: Lokal na mga paisi asin piniling Mga Paisi sa An Satong Ministeryo sa Kahadean. Repasohon an “Mag-andam Para sa Memorial.”
15 min: “Nagpapasalamat sa Kun Ano an Igwa Kita.” Hapot-simbagan.
20 min: “An Torrengbantayan Asin Awake!—Mga Magasin Para sa Satong Apuradong mga Panahon!” Ipakipag-olay sa mga nagdadangog. Hagadon sa duwang parahayag na ipaheling kun paano maandam nin pag-atubang na ginagamit an mga suhestion na itinao, dangan ipademonstrar sa sainda paagi sa pagtao kan saindang mga pag-atubang sa kada saro.
Kanta 219 asin pantapos na pamibi.
Semana nin Abril 10-16
10 min: Lokal na mga paisi. Report sa kuwenta. Teokratikong mga Bareta. Pagirumdomon an gabos na tabangan an mga interesado na makaatender sa Memorial. Dagkahon an gabos na gumibo nin espesyal na paghihingoa na makikabtang sa paglilingkod sa langtad ngonyan na Sabado asin Domingo.
15 min: “Pagpapadanay sa Satong Pagkasararo sa Kahadean.” Ipakipag-olay sa mga nagdadangog.
20 min: “Dakol an Gigibohon sa Gibohon kan Kagurangnan.” Hapot-simbagan na pagkobre kan paraataman sa paglilingkod. Repasohon an mga areglo sa pagwaras sa harong-harong kan espesyal na Kingdom News. Pag-olayan an mga plano sa pagtapos kan gabos na iinasignar na teritoryo kan kongregasyon. Ipaliwanag an maninigong gibohon tanganing matabangan an mga bagohan na makikabtang sa paglilingkod sa kaenot-enote. (Helingon an Marso 1995 An Satong Ministeryo sa Kahadean, pahina 1.)
Kanta 150 asin pantapos na pamibi.
Semana nin Abril 17-23
13 min: Lokal na mga paisi. Isaysay an tampok na mga kabtang kan pagselebrar kan Memorial, asin repasohon kun paano ikakatao an orog pang pagtabang sa mga bagohan na nag-atender. Dagkahon an gabos na umatender sa espesyal na pahayag sa Abril 23 asin siring man tabangan an bagohan na mga interesado na bumalik. Repasohon an mga areglo sa paglilingkod sa langtad para sa pagwaras kan Kingdom News.
15 min: “May Naheheling daw Kamong Pangangaipo?” Hapot-simbagan. Isaysay sa halipot an presenteng mga pasohan na pinagmamaigotan kan mga magurang na maabot sa saindang pagpapastor. Ipaliwanag an puwedeng magibo nin mga indibiduwal tanganing makatabang.
17 min: “Hanapon an mga Madaling Tokdoan.” Ipakipag-olay sa mga nagdadangog. Ipademonstrar sa halipot an saro o duwang pag-atubang.
Kanta 197 asin pantapos na pamibi.
Semana nin Abril 24-30
15 min: Lokal na mga paisi. Repasohon an nagigibong pagwaras kan Kingdom News sa teritoryo. Agdahon an mga parahayag na isaysay an mga eksperyensia na nakakamtan sa pag-alok kan Kingdom News.
12 min: “Hapot.” Hapot-simbagan.
18 min: Regular na Pangenotan an Saindong Pampamilyang Pag-adal. Ipinapahayag nin mag-agom an paghadit dapit sa kakulangan nin espirituwal na pag-oswag kan saindang mga aki. Minidbid kan agom na lalaki na nagin siang pabaya mapadapit sa pangengenot sa pampamilyang pag-adal; kun beses pirang semana an minalihis na mayo nin ano man na pagtotokdo sa pamilya. Rerepasohon ninda an giya sa School Guidebook, pahina 37-8, parapo 12-14. Kapwa minaoyon na ipaorog an pampamilyang pag-adal kada semana, na dai tinotogotan na makaolang an ibang aktibidad.
Kanta 142 asin pantapos na pamibi.