Pagtiripon sa Paglilingkod Para sa Oktubre
Semana nin Oktubre 6-12
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Magkakaminorootmootan Pa daw an Gabos na Tawo?” Hapot-simbagan. Repasohon an tampok na mga kabtang kan Kingdom News Num. 35. Sabihon an mga dahelan kun taano an mga tawo sa teritoryo ta makikinabang sa materyal na ini. Idoon an pangangaipo na gumibo na nin mga plano ngonyan na lubos na makikabtang sa pagdistribwir kaiyan asin magin mahigos sa pagkultibar kan gabos na interes na nanompongan.
20 min: “Mahiwas na Idistribwir an Kingdom News Num. 35.” Pambukas na pahayag kan paraataman sa paglilingkod. Pag-olayan an parapo 5-8 paagi sa hapot-simbagan. Repasohon an lokal na mga areglo para sa pinahiwas na aktibidad. Ipakipag-olay an mga paagi tanganing masierto na makokobrehan an gabos na teritoryo. An Kingdom News Num. 35 magagamit kan mga parahayag kun nagpapatotoo sa mga tawo sa mga pondohan nin auto, sa saradit na lugar nin negosyo, sa mga paradahan, asin sa iba pang lugar. Magtao nin mga suhestion kun paano matatabangan an mga bagohan na gusto nang pumoon sa paghuhulit. Iiba an impormasyon sa suplemento kan Abril 1995 An Satong Ministeryo sa Kahadean, parapo 11. Sa nagkapirang teritoryo tibaad kapakipakinabang na maghulit nin solo asin dai magdara nin portpolyo kun nagdidistribwir kan Kingdom News. Idemonstrar an duwa o tolong halipot na pag-atubang.
Kanta 126 asin pantapos na pamibi.
Semana nin Oktubre 13-19
12 min: Lokal na mga paisi. Report sa kuenta. Repasohon an mapag-oolayan na mga punto sa bagong mga luwas kan An Torrengbantayan asin Awake! Pagirumdomon an gabos na durante kan aktibidad sa Sabado asin Domingo, itatampok an mga magasin kaiba kan Kingdom News Num. 35. Maninigo niatong kultibaron an gabos na interes.
15 min: Lokal na mga pangangaipo.
18 min: “Ano an Saindong Reaksion sa Pagkaindiperente?” Pag-oolay nin duwang magurang sa kongregasyon. Iiba an mga komento sa materyal na nasa irarom kan subtemang “How You Can Attack Apathy” sa Hulyo 15, 1974 Watchtower, pahina 445-6.
Kanta 130 asin pantapos na pamibi.
Semana nin Oktubre 20-26
15 min: Lokal na mga paisi. Repasohon an nagkapirang eksperyensia sa 1996 Yearbook, pahina 6-8, manongod sa “Global Distribution of Kingdom News.” Itampok an indibiduwal na paghihingoa kan mga parahayag sa nakaaging pagdistribwir kan Kingdom News. Enkaminaron an gabos na lubos na makikabtang sa pagdistribwir kan Kingdom News Num. 35.
15 min: Mga tampok na kabtang kan artikulong, “Kun Paano Nakaabot sa Sato an Biblia, Kabtang 1” sa An Torrengbantayan na Agosto 15, 1997, pahina 8-11. Pag-oolay nin duwang magurang sa kongregasyon manongod sa mga rason kun taano an Biblia ta maninigong estudyaran niato. Iinandam an artikulong ini tangani na tabangan an mga tawo na tibaad edukadong marhay alagad dikit an aram manongod sa Biblia. Imbes na pagmaigotan na kombensiron sinda na ipinasabong nin Dios an Biblia, an mga katunayan mismo an pinapagtataram kan artikulo. Boot niatong gamiton an mga punto sa artikulong ini sa pag-enkaminar sa mga tawong inaadalan niato na basahon an saindang Biblia aroaldaw.
15 min: “Kamo daw Bilog na Panahon na Saksi?” Pahayag nin sarong magurang sa kongregasyon.
Kanta 133 asin pantapos na pamibi.
Semana nin Okt. 27–Nob. 2
12 min: Lokal na mga paisi. Repasohon kun ano na an nangyayari sa pagdistribwir kan Kingdom News Num. 35. Agdahon an mga nagdadangog na isaysay an nakaparirigon sa boot na mga eksperyensia. Ibareta kun gurano kadakol na teritoryo an nagibo na asin kun ano an kakaipuhanon tanganing matapos an pagkobre pag-abot kan Nobyembre 16. Oras na biyo nang magibo an teritoryo, iaalok niato an librong Kaaraman durante kan natatada pang mga aldaw kan bulan. Idoon an pasohan na makapoon nin mga pag-adal sa mga pagdalaw liwat kun saen igwa nin marahay na pag-ako sa Kingdom News.
15 min: “Kun Paano Makanonompong nin Paglaom sa Tahaw nin Pagkadesesperar.” Pahayag nin sarong magurang sa kongregasyon basado sa Mayo 15, 1997 Torrengbantayan, pahina 22-5.
18 min: Pasiranga an Saindong Liwanag. Pahayag asin orolay sa librong Our Ministry, pahina 84-8. Iareglo nin patienot an mga parahayag na makomento nin espesipiko sa minasunod na mga hapot: (1) Taano an Mga Saksi ni Jehova ta naghuhulit sa harong-harong? (2) Gurano kahiwas na ginamit an paaging ini kan enot na siglo? (3) Taano ta may apuradong pangangaipo na padagos na maghulit sa harong-harong ngonyan? (4) Anong mga kamugtakan an tibaad magpadepisil sa sato na makikabtang nin regular? (5) Paano kita makakukua nin tabang tanganing makapadagos? (6) Paano kita binebendisyonan paagi sa pagpasirang kan satong liwanag? (7) Ano an magigibo niato tangani na orog na magin mapanggana sa pakikipag-olay sa mga tawo? Iilustrar paagi sa pagpasaysay sa tolo o apat na parahayag nin nakaparirigon sa boot na mga eksperyensia na nakamtan mantang naghuhulit sa mga tindahan o nagpapatotoo sa tinampo.
Kanta 136 asin pantapos na pamibi.