Pagtiripon sa Paglilingkod Para sa Hunyo
Semana nin Hunyo 1-7
8 min: Lokal na mga paisi. Mga Paisi sa An Satong Ministeryo sa Kahadean, na espesyalmenteng pinagigirumdom an mga kongregasyon na pumedido kan bagong brosyur na magagamit durante kan kampanya sa Hulyo asin Agosto. Teokratikong mga Bareta.
15 min: “Andam Nanggad Para sa Lambang Marahay na Gibo.” Hapot-simbagan. Magkomento nin halipot sa Pebrero 15, 1989 Watchtower, pahina 22-4.
22 min: “Pagpapatotoo sa ‘Gabos na Klase nin Tawo.’” Pinag-oolayan nin sarong magurang sa kongregasyon asin nagkapirang eksperyensiadong parahayag an isinuherir na mga pag-atubang para sa pag-alok kan mga librong Greatest Man asin Mankind’s Search for God. Repasohon sa halipot an laen-laen na relihion na nanonompongan sa lokal, asin ipaliwanag kun taano ta maninigo kitang magkaigwa nin nagkapirang topiko sa isip tangani na makapoon nin pakikipag-olay sa kada situwasyon. Magkaigwa nin saro o duwang halipot na demonstrasyon.
Kanta 112 asin pantapos na pamibi.
Semana nin Hunyo 8-14
10 min: Lokal na mga paisi. Report sa kuenta.
15 min: “Pag-asikaso sa mga Rogaring kan Kagurangnan.” Pahayag nin sarong magurang sa kongregasyon, na kinokobrehan an suplemento.
20 min: “Kaipuhan Kita Gabos Tangani na Matapos an Gibohon.” Hapot-simbagan. Ipaliwanag kun taano an kamagurangan ta nagdedepende sa dakol na gikan sa boot na boluntaryo tanganing mahaman an kinakaipuhan na mga bagay. Repasohon an lokal na mga pangangaipo, siring baga kan paglinig sa asin mantension kan Kingdom Hall, pagtabang sa mga may helang asin may edad na, patin pagkobre nin teritoryo. Agdahon an kamagurangan na magkomento sa kun gurano ninda kainaapresyar an gikan sa boot na tabang na itinatao nin dakol. Idoon kun gurano kakinakaipuhan an paghihingoa kan kada saro.
Kanta 153 asin pantapos na pamibi.
Semana nin Hunyo 15-21
10 min: Lokal na mga paisi.
20 min: “Maghingoa Kamo nin Maigot.” Pahayag basado sa Hulyo 1, 1986 na Torrengbantayan, pahina 8-12 (w86-E 1/15 p. 10-14). Ipakipag-olay an kahalagahan nin paglilingkod bilang regular payunir, na ineenkaminar an pagpalista pag-abot kan Setyembre 1.
15 min: “Pagpapatotoo Paagi sa Marahay na Gawe-gawe.” Hapot-simbagan. Interbiohon an nagkapirang arogan na hoben. Iineestorya ninda kun paano an iba naghanga sa saindang Kristianong gawe-gawe. Isaysay an saro o duwang eksperyensia sa Enero 1, 1995 Watchtower, pahina 24-5.
Kanta 170 asin pantapos na pamibi.
Semana nin Hunyo 22-28
10 min: Lokal na mga paisi. Sabihon kun kasuarin natapos an pagsiyasat sa kuenta kan kongregasyon.
15 min: Kun Paano Makapopoon nin Ruta sa Magasin. Sumaryohon an kinakaipuhan: irekord an gabos na napasakamotan, bumalik sa laog nin duwang semana, mag-atubang nin bagong mga ideya hale sa bagong mga magasin tangani na mapagdanay na buhay an interes. Isuherir na iiba an mga kataed, katrabaho, despatsador sa tindahan, katabang sa gasolinahan, asin iba pa. Mag-alok nin anom na bulan na suskripsion sa mga nagpapaheling nin padagos na interes. Imbitaran an saro o duwang parahayag na magsaysay nin marahay na eksperyensia manongod sa mga ruta sa magasin.
20 min: An mga Payunir Nagtatabang sa Iba. Pahayag kan paraataman sa paglilingkod, na rinerepaso an areglo para sa personal na pagtabang kan mga payunir sa iba. Ipaliwanag kun paano pinonan an mga programa nin pagtabang kan nakaagi. (jv-E 100; km-BI 7/79 1, 3) Nangangaipo nin pagsasanay an labing sarong milyon na bagohan na nabautismohan kan nakaaging tolong taon. An programang “An mga Payunir Nagtatabang sa Iba” ginagamit an eksperyensia asin pagsasanay kan mga regular asin espesyal payunir na nag-eskuela sa Paadalan sa Paglilingkod Bilang Payunir. An pasohan iyo na tabangan kan kada payunir an duwang parahayag kada taon na magin mas eksperto sa ministeryo asin maghingoang magkaigwa nin mas dakulang pakikikabtang. Dai kaipuhan na mahandal an mga tinatabangan; an pagdodoon yaon sa pagtao nin mamomoton, maboot na pamparigon sa boot. An bagong programang ini nagtatao nin potensial para sa ginatos na ribo na magin orog na epektibong mga ministro.
Kanta 207 asin pantapos na pamibi.
Semana nin Hun. 29–Hul. 5
10 min: Lokal na mga paisi. Pagirumdomon an gabos na itao an mga report nin paglilingkod sa langtad para sa Hunyo. Ipakipag-olay an alok sa Hulyo, na rinerepaso an mapag-oolayan na mga punto sa bagong brosyur na Sarong Libro Para sa Gabos na Tawo.
15 min: Nagluwayluway Na daw Ako? Pahayag nin sarong magurang sa kongregasyon basado sa Disyembre 15, 1987 Watchtower, pahina 18-19, parapo 14-16. Enkaminaron an mga nagin aktibo sa laog nin nagkapirang taon na horophoropon an kualidad asin kadakolan kan saindang sagradong paglilingkod.
20 min: Kita Gabos Makapagpapatotoo nin Impormal. Pahayag asin orolay kaiba kan mga nagdadangog basado sa Oktubre 15, 1987 Watchtower, pahina 22-7. Ipaheling kun paano an mga an panahon okupado nin sekular, pampamilya, o personal na mga paninimbagan makanonompong nin dakol na oportunidad aroaldaw na ihiras sa iba an maogmang bareta. Iiba an nagkapirang lokal na eksperyensia.
Kanta 76 asin pantapos na pamibi.