Mga Paisi

◼ Alok sa Setyembre: An librong Life​—How Did It Get Here? By Evolution or by Creation? Oktubre: Mga magasin na An Torrengbantayan asin Awake! Kun interesado an mga dinadalaw liwat, puedeng mag-alok nin mga suskripsion. Poon sa huring kabtang kan bulan, ididistribwir an Kingdom News Num. 36. Nobyembre: Ipapadagos an pagdistribwir kan Kingdom News Num. 36. An mga kongregasyon na natapos an saindang teritoryo paagi sa pagpaabot sa gabos na nakaistar sa balang harong nin kopya kan Kingdom News Num. 36 puedeng mag-alok kan librong Kaaraman o kan brosyur na Kahagadan. Disyembre: Puedeng ialok an brosyur na Sarong Libro Para sa Gabos na Tawo kaiba an New World Translation of the Holy Scriptures.

◼ Poon sa Oktubre, an mga paraataman sa sirkito matao nin pahayag-publiko na may temang “An Tunay na Armagedon​—Taano? Noarin?” kun dinadalaw an mga kongregasyon.

◼ Pinagigirumdom an kamagurangan na padagos na sundon an mga instruksion na itinao sa pahina 15-17 kan Mayo 1, 1991 Torrengbantayan (w91-E 4/15, p. 21-3), mapadapit sa siisay man na tiwalag o nagdis-asosyar na tibaad may inklinasyon na makabalik.