Iskedyul sa Pagtiripon sa Paglilingkod
Semana nin Setyembre 11
10 min: Lokal na mga paisi. Piniling Mga Paisi sa An Satong Ministeryo sa Kahadean. Iiba an “‘Mga Paraotob kan Tataramon nin Dios’ na Pandistritong mga Kombension.”
15 min: “An Bendisyon ni Jehova Nakapayayaman sa Sato.” Hapot-simbagan.—Helingon an Insight, Tomo 2, pahina 804, parapo 6-7.
20 min: “Gamiton an mga Pangyayari sa Presente sa Pagpukaw nin Interes.” Pakikipag-olay sa mga nagdadangog asin mga demonstrasyon. Sambiton an nagkapirang pangyayari sa presente na nagin interesante sa lokal. Ginagamit an librong Reasoning, pahina 10-11, magtao nin nagkapirang suhestion kun paano aandamon an introduksion na magbubunga nin pag-orolay sa Biblia. Magkaigwa nin duwang iinandam na marhay na demonstrasyon.
Kanta 224 asin pantapos na pamibi.
Semana nin Setyembre 18
10 min: Lokal na mga paisi. Report sa kuenta.
15 min: Ano an Nagibo Niato kan Nakaaging Taon? Pahayag kan paraataman sa paglilingkod. Repasohon an tampok na mga kabtang sa report kan kongregasyon para sa 2000 na taon nin paglilingkod. Komendaran an marahay na mga bagay na nagibo. Sabihon an mga langtad kun saen tibaad nangangaipo nin pag-oswag. Magkonsentrar sa kun ano an nagibo kan kongregasyon sa pag-atender sa mga pagtiripon, pagpoon asin pagkondukta nin mga pag-adal sa Biblia, asin pagigin regular sa paglilingkod sa langtad. Sabihon an praktikal na mga pasohan para sa maabot na taon.
20 min: “Mga Buhay an Nakataya!” Pakikipag-olay sa mga nagdadangog. Itampok an mga teksto na sinitar sa artikulo.
Kanta 30 asin pantapos na pamibi.
Semana nin Setyembre 25
15 min: Lokal na mga paisi. Repasohon an “Hapot.”
15 min: Lokal na mga pangangaipo.
15 min: An mga Magasin Niato Dai Nawawaran kan Halaga Kaiyan. Ano an ginigibo nindo kun natitipon an haloy nang mga luwas kan An Torrengbantayan asin Awake!? May mga parahayag na may tendensiang iapon iyan, na iniisip na an mga tema bako nang bago. Imbes, an An Satong Ministeryo sa Kahadean na Oktubre 1993, pahina 7, nagsasadol sa sato na magdara nin nagkapirang haloy nang luwas asin ialok iyan kun angay. Puede kamong pumili nin napapanahon na mga artikulo na puedeng makaakit sa mga lalaki, babae, propesyonal, may edad na, asin mga tinedyer. Idemonstrar kun paano puedeng pilion asin iatubang an mga artikulo.
Kanta 115 asin pantapos na pamibi.
Semana nin Oktubre 2
15 min: Lokal na mga paisi. Ipatalastas sa kongregasyon an manongod sa espesyal na pagdistribwir na plinano para sa Kingdom News Num. 36, na mapoon sa Lunes, Oktubre 16, asin ipagpapadagos sagkod sa Biernes, Nobyembre 17. Sadolon an gabos, kaiba an mga hoben asin bagohan, na maghingoa na lubos na makikabtang. Maninigo na pumoon na ngonyan an mga namamayo sa pag-adal na enkaminaron asin organisaron an gabos sa saindang grupo na magpartisipar nin maigot sagkod sa mapupuede. Iiba an nakaparirigon na mga eksperyensia sa nakaaging pagdistribwir kan Kingdom News.
15 min: “Maninigo daw Akong Bumalyo?” Pahayag nin sarong magurang sa kongregasyon. Ipaliwanag kun taano ta nangangaipong gumamit nin pakamansay sa pagdesisyon na bumalyo sa ibang lugar. Pag-olayan kun paano iaaplikar an hatol na makukua sa Talinhaga 22:3. Iiba an mga komento manongod sa mga pagmamaan na makukua sa Watchtower na Agosto 15, 1988, pahina 22.
15 min: Mga Eksperyensia sa Pagpoon nin mga Pakikipag-olay. Sa programa kan Pagtiripon sa Paglilingkod sa semana nin Setyembre 11, irinekomendar na gumibo kita nin mga introduksion dapit sa mga pangyayari sa presente na makapupukaw nin interes asin makapopoon nin mga pakikipag-olay sa ministeryo. Ipasaysay sa mga nagdadangog an marahay na mga resulta na nakamtan ninda sagkod ngonyan paagi sa pag-aplikar kan mga suhestion na ini.
Kanta 205 asin pantapos na pamibi.