Repaso sa Teokratikong Paadalan sa Pagmiministro

Serado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Enero 1 sagkod Abril 23, 2001. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Minsan ngani maninigo na nungka tang togotan an sentimiento sana na butahon kita sa grabeng salang ginibo, puede niatong arogon an halimbawa ni Jose paagi sa maheherakon na pagpapatawad sa nagsosolsol na indibiduwal na nagkasala tumang sa sato. (Gen. 42:​21; 45:​4, 5) [w99-BI 1/1 p. 31 par. 2-3]

2. Apuera sa lista kaiyan na mga kasaysayan nin linahe, an 1 Cronica igwa sana nin pag-otro kan materyal na yaon sa mga librong Samuel asin Mga Hade. [si p. 75 par. 1]

3. An Biblia nagtataram manongod sa saro sanang “anticristo,” na malataw sa maabot na panahon. [rs p. 32]

4. Ipinaheling ni Jesus an saiyang kapakumbabaan paagi sa pag-ako kan daing kaagid na asignasyon na magdigdi sa daga hale sa langitnon na rona asin magin sarong hamak na tawo, na mas hababa kisa mga anghel. (Fil. 2:​5-8; Heb. 2:7) [w99-BI 2/1 p. 6 par. 3]

5. An pagsalakay ni Sisac sa Juda asin an pagsamsam kan ‘mga kayamanan kan harong ni Jehova asin kan mga kayamanan kan harong kan hade’ pinatutunayan nin arkeolohiya. (2 Cron. 12:9) [Semanal na babasahon sa Biblia; helingon an w88-E 2/1 p. 26 par. 4.]

6. An pagbautismo sa omboy dai ginibo nin mga Kristiano kan enot na siglo. [rs p. 55]

7. An saro maninigong maglingkod sa Dios na dai iniisip an balos na nasa enotan. [w99-BI 4/15 p. 16 par. 1]

8. Sa pagtaram manongod sa mga “ginibo” ni Jehova, na nasusurat sa Salmo 103:​2, an nasa isip ni David iyo an pisikal na mga linalang ni Jehova. [w99-BI 5/15 p. 21 par. 5-6]

9. An templong itinogdok ni Salomon, Zorobabel, asin Herodes, siring man an tabernakulong itinogdok ni Moises, gabos naglaladawan nin saro sanang bagay. [si p. 87 par. 16]

10. An mga kasaysayan nin linahe na yaon sa 1 Cronica mayo nin dakulang pakinabang para sa enot na Kristianong kongregasyon. [si p. 78 par. 23]

Simbagon an minasunod na mga hapot:

11. Taano ta nagin magabat an paghokom ni Jehova sa pamilya ni Acab? (1 Hade 16:​31; 2 Hade 9:​7, 26) [si p. 74 par. 34]

12. Siring kan ipinaheling sa Mateo 24:​45-​51, ano an karakteristiko kan mga nagigin apostata? [rs p. 35]

13. Anong nakapapepensar na leksion dapit sa mga kakosogan an manonodan niato sa kamugtakan ni Hadeng Uzias kan Judea? (2 Cron. 26:​15-​21) [Semanal na babasahon sa Biblia; helingon an w99-BI 12/1 p. 26 par. 1-2.]

14. Imbes na mag-introdusir nin sarong ritual, anong mapuersang leksion an itinao ni Jesus para sa sato paagi sa paghanaw kan mga bitis kan saiyang mga apostol? (Juan 13:​4, 5) [w99-BI 3/1 p. 31 par. 1]

15. Taano an pagkasaysay sa 1 Cronica 14:​8-​17 ta nakaiinteres kan kaaldawan ni Isaias, asin taano ta maninigo na iyan magin nakaiinteres para sa Kakristianohan ngonyan? (Isa. 28:21) [Semanal na babasahon sa Biblia; helingon an w91-BI 7/1 p. 8 par. 2-3 (w91-E 6/1 p. 21 par. 2-3).]

16. Anong mga aspekto nin pagsamba ki Baal an nagpangyari dian na magin nakaaakit sa dakol na Israelita? [w99-BI 4/1 p. 29 par. 3-6]

17. Anong praktikal na leksion an manonodan sa ginibo ni Ezequias na protehiran asin dugangan an suplay na tubig sa Jerusalem? (2 Cron. 32:​3, 4) [Semanal na babasahon sa Biblia; helingon an w96-BI 8/15 p. 6 par. 1-2.]

18. Paano an halimbawa ni Josias makaparirigon sa boot kan mga hoben ngonyan na maglingkod sa Dios asin manindogan nin marigon tumang sa falsong pagsamba? (2 Cron. 34:​3, 8, 33) [Semanal na babasahon sa Biblia; helingon an w90-BI 8/1 p. 5 par. 2.]

19. An gabos daw na Judio na nawalat sa Babilonya bakong fiel, asin anong praktikal na leksion an manonodan digdi? (Esd. 1:​3-6) [Semanal na babasahon sa Biblia; helingon an w86-E 1/15 p. 8 par. 4, 7.]

20. Sa pagkasaysay sa 2 Cronica 5:13, 14, ano an nagpaparisa na si Jehova naghihinanyog sa awit nin pag-omaw kan saiyang banwaan asin na sia naoogma man kaiyan? [Semanal na babasahon; helingon an w94-BI 5/1 p. 10 par. 7.]

Ibugtak an termino o frase na kaipuhan tanganing makompleto an kada saro sa minasunod na mga pahayag:

21. An saro na nagtatao nin hatol sa kapwa Kristiano dapat na seguradohon na ibasar an sinasabi sa diosnon na ․․․․․․․․, bakong sa ․․․․․․․․ asin ․․․․․․․․ nin tawo. (Col. 2:8) [w99-BI 1/15 p. 22 par. 1]

22. Dai puede na magkaigwa nin ․․․․․․․․ na kamugtakan durante kan ralaban sa ․․․․․․․․. (Mat. 12:​30; 2 Tes. 1:8) [rs p. 48]

23. Arog sa mga tonok na puedeng makaolang sa mga banhi na tumalubo nin husto, an dai kinokontrol na ․․․․․․․․ asin an mapandayang kapangyarihan nin ․․․․․․․․ puedeng makaolang sa saro na umoswag sa espirituwal na pagkamaygurang. (Mat. 13: 19, 22) [w99-BI 3/15 p. 22 par. 5]

24. An pagigin ‘binautismohan sa katuyohan na magin mga gadan,’ na sinabi ni Pablo sa 1 Corinto 15:​29, nangangahulogan nin pagigin binautismohan sa dalan nin pamumuhay na mapasiring sa ․․․․․․․․, arog kan ki Cristo dangan sa ․․․․․․․․ sa espiritung buhay arog nia. [rs p. 57]

25. Tangani na an sarong tunay na Kristiano magin mapanggana kun saen si Salomon nagkulang, dapat niang haleon an gabos na ․․․․․․․․ o ․․․․․․․․ sa saiyang pagsamba asin sunodon an mga tataramon ni ․․․․․․․․ na ‘kamotan si Jehova na saiyang Dios sa bilog niang puso.’ (Mat. 22:​37; 1 Cron. 28:9) [Semanal na babasahon sa Biblia; helingon an w86-E 6/1 p. 19 par. 17-​18.]

Pilion an tamang simbag sa kada saro sa minasunod na mga pahayag:

26. An pagkasaysay sa 2 Hade 17:​5, 6 nag-eestorya kun paano sinakyada ni (Tiglat-pileser; Salmaneser V; Esar-hadon) an amihanan na sampulong tribong kahadean kan Israel asin pinonan an tolong taon na pagsalikop sa Samaria, na sa katapustapusi buminagsak sa mga Asirio kan (740; 607; 537) B.C.E. [Semanal na babasahon sa Biblia; helingon an w88-E 2/15 p. 27 par. 1.]

27. Paagi sa pagsaysay sa mga nangyari sa Jerusalem pagpoon kan pagkadistiero sa Babilonya, an 2 Hade kapitulo 25 indirektang nagtotokdo ki (Daniel; Ezequiel; Jeremias) bilang an kagsurat kan libro asin nagsasabi man na natapos an pagsurat kan mga (580; 537; 455) B.C.E. (2 Hade 25:27) [Semanal na babasahon sa Biblia; helingon an si p. 64 par. 3.]

28. Siring kan sinasabi sa Exodo 4:​11, si Jehova Dios ‘an naggigibo sa pula, sa bongog, sa malinaw an pagheling, asin sa buta’ huli ta sia an (dapat basolon sa mga kabiadian nin mga tawo; nagnonombra nin laen-laen na tawo para sa mga pribilehio nin paglilingkod; nagtogot na maheling an pisikal na mga kakundian sa tahaw nin mga tawo). [w99-BI 5/1 p. 28 par. 2]

29. An 70 taon na peryodo na nasambitan sa 2 Cronica 36:​17-​23 natapos kan (537; 607; 677) B.C.E. [si p. 84 par. 35]

30. An duwa sanang direktang pagkasambit sa mga pagselebrar nin kumpleanyo sa Biblia (nagpapaheling na iyan inooyonan; nagpapaheling na iyan dai inooyonan; dai nagtatao nin ano man na liwanag manongod sa mga pagselebrar nin kumpleanyo). (Gen. 40:​20-​22; Mat. 14:​6-​10) [rs p. 68]

Ipadis an minasunod na mga teksto sa mga pahayag na nasa ibaba:

Ex. 21:​22, 23; Tal. 25:​11; Roma 12:​2; 2 Ped. 3:​15, 16; Kap. 16:​13, 14

31. Kaipuhan an gikan sa boot na paghihingoa tangani na liwaton an satong kaisipan asin panoon an satong isip kan katotoohan nin Dios. [w99-BI 4/1 p. 22 par. 2]

32. Kun nagtatao nin hatol, mahalaga na pilion an tamang mga tataramon. [w99-BI 1/15 p. 23 par. 1]

33. Ipinaheling ni Jehova na an saro papaninimbagon sa danyos sa dai pa namundag na aki. [rs p. 25]

34. Itinutulod kan impluwensia ni Satanas na Diablo an mga nasyon pasiring sa kamugtakan sa kinaban na maresulta sa guerra tumang sa Dios. [rs p. 48]

35. An pagbiribid kan Kasuratan tangani na ibagay sa satong mga ideya puedeng magresulta sa nagdadanay na kapahamakan. [rs p. 65]