Iskedyul sa Pagtiripon sa Paglilingkod

Semana nin Agosto 13

Kanta 30

13 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na The New World Society in Action bilang preparasyon para sa pag-orolay sa Pagtiripon sa Paglilingkod sa semana nin Agosto 27.

17 min: “Gusto daw Nindong Gumibo nin Orog Pa?”a Iiba an mga suhestion manongod sa paggibo nin orog pa tangani na makapatotoo sa mga tawo sa saindong teritoryo na nagtataram nin ibang lenguahe. Komentohan sa halipot an Hunyo 15, 1997 Torrengbantayan, pahina 26-9.

15 min: “Papagdanayon an Paglilibang sa Tamang Lugar Kaiyan.” An sarong namamayo sa pag-adal sa libro nakikipag-olay sa sarong mag-agom pakatapos kan pag-adal. Maboot niang sinasabi na kaini pa sanang mga nakaagi dai nia sinda naheheling sa paglilingkod sa langtad o sa mga pagtiripon sa katapusan kan semana. Ipinaliliwanag kan mag-agom na nagin sibot sinda huli sa pagbakasyon asin iba pang mga aktibidad sa panahon nin tig-init. Rinerepaso kan magurang sa kongregasyon an pangenot na mga punto sa artikulo, na tinatabangan an mag-agom na masabotan na maninigo na pirmeng enoton an espirituwal na intereses. Ipinahahayag ninda an pag-apresyar sa marahay na mga pagirumdom. Minaoyon sinda na mabugtak sinda nin mas marahay na mga prioridad sa ngapit.​​—Helingon an Oktubre 1, 2000 na Torrengbantayan, pahina 19-​20.

Kanta 68 asin pantapos na pamibi.

Semana nin Agosto 20

Kanta 33

8 min: Lokal na mga paisi. Report sa kuenta.

15 min: “Kamo ‘Sarong Panteatrong Dadalanon’!”b Sambiton an nagkapirang lokal na pangyayari na an mga tawo nagtaram nin paborable manongod sa gibohon o gawe-gawe kan Mga Saksi ni Jehova.​​—Helingon An Torrengbantayan na Marso 15, 1998, pahina 10, asin Enero 15, 1999, pahina 32.

22 min: “Marahay na Ugale​—Sarong Karakteristiko nin Diosnon na mga Tawo.” Sarong magurang sa kongregasyon an matao nin singko minutos na pahayag basado sa parapo 1-5. Dangan ipinakikipag-olay nia an natatada kan artikulo sa plataporma sa saro pang magurang sa kongregasyon asin sarong ministeryal na lingkod. Pinag-oolayan ninda kun paano mapanggaganahan an nagkapirang daing konsiderasyon na ugale na puedeng makadisturbo sa satong mga pagtiripon asin makaina sa mga pakinabang na inaako niato. Idinodoon ninda kun paano an satong pakikiasosyar sa lambang saro totoong nakaparirigon sa boot kun kita nagpapaheling nin mamomoton na pagmalasakit sa kapakanan nin iba.​​—Fil. 2:4.

Kanta 72 asin pantapos na pamibi.

Semana nin Agosto 27

Kanta 40

10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Agosto. Sa halipot tumao nin saro o duwang suhestion kun paano iaalok an librong Creation sa ministeryo durante nin Setyembre.​​—Helingon an mga halimbawa sa An Satong Ministeryo sa Kahadean na Setyembre 1996, pahina 8, asin Hunyo 1995, pahina 4.

10 min: Lokal na mga pangangaipo.

25 min: “Sarong Historikong Pagrepaso sa The New World Society in Action.” Pakikipag-olay sa mga nagdadangog asin mga interbio. Pakatapos na tokaron an mga hapot na itinao, interbiohon an siisay man na nakadalan kan orihinal na pelikula o nakaatender sa internasyonal na mga kombension kan mga taon nin 1950. Hagadon sa sainda na ipahayag kun ano an nagigirumdoman ninda manongod sa mga pangyayaring idto, an nagin epekto sa sainda sa espirituwal, asin an saindang kombiksion na ini an organisasyon ni Jehova. (Pasabot: Sa mga kongregasyon na mayo kan video na ini, puedeng itao imbes an pahayag na “Ano an Magigibo Manongod sa Panluluya kan Boot?,” basado sa Nobyembre 15, 1999 Torrengbantayan, pahina 28-31.) Sa Oktubre rerepasohon niato an video na United by Divine Teaching.

Kanta 74 asin pantapos na pamibi.

Semana nin Setyembre 3

Kanta 80

8 min: Lokal na mga paisi.

17 min: “Gurano Kaimportante an Kristianong Pag-iribaiba?”c Iiba an mga komento sa irarom kan subtemang “Paagi sa Kongregasyon” sa Enero 15, 1996 na Torrengbantayan, pahina 22.

20 min: Kun May Magsabi. Pagtokar asin mga demonstrasyon. Sa ministeryo, kun an mga tawo may sinasabi o ihinahapot na dai niato inaantisipar, maninigo niatong hingoahon na simbagon iyan imbes na liwaton an tema o taposon an pakikipag-olay. An librong Reasoning parateng makakatabang sa bagay na ini. Sabihon an nagkapirang komun na komento, asin magkaigwa nin mga parahayag na mademonstrar kun paano masimbag paagi sa mga komento sa librong Reasoning. Halimbawa: ‘Dai ako nagtutubod sa Dios.’ (p. 150-1) ‘Taano kamo ta dai nakikiayon sa mga paghihingoa na pakarhayon an komunidad?’ (p. 207-8) ‘Bako nang mahalaga kun ano an relihion mo.’ (p. 332) Enkaminaron an gabos na gamiton an kabtang na ini kan librong Reasoning kun minalataw an dai linalaoman na mga situwasyon sa ministeryo.

Kanta 121 asin pantapos na pamibi.

[Mga Nota sa Ibaba]