Iskedyul sa Pagtiripon sa Paglilingkod
Semana nin Oktubre 8
10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na United by Divine Teaching bilang pag-andam para sa pag-orolay sa Pagtiripon sa Paglilingkod sa semana nin Oktubre 22. Ginagamit an mga suhestion sa pahina 8, idemonstrar an duwang halipot na pag-atubang kan mga magasin, an saro ginagamit an Oktubre 15 Torrengbantayan asin an saro pa ginagamit an Oktubre 22 na Awake!
15 min: Igwa daw Kamo nin “Pusong Makinuyog”? (1 Ha. 3:9) Pahayag nin sarong magurang sa kongregasyon, basado sa Hulyo 15, 1998 Torrengbantayan, pahina 29-31.
20 min: Gamiton nin Epektibo an Satong mga Magasin. Pinag-oolayan kan paraataman sa paglilingkod asin kan lingkod sa mga magasin an saindang paghadit manongod sa lokal na pagwaras kan mga magasin. Sinasambit ninda kun pirang kopya an nareresibi kan kongregasyon kada bulan kun ikokomparar sa kabilangan na ikinakapasakamot. Minalataw na medyo dakol na kopya an isinasaray o itinatapok. Paano daw magagamit nin mas epektibo kan mga parahayag an satong mga magasin? Pinag-oolayan kan mga tugang na lalaki an pitong punto sa kabtang kan Pagtiripon sa Paglilingkod na “Magin Mapag-isip sa mga Magasin!” sa semana nin Oktubre 4, 1999. Rinerepaso ninda an eksperyensia sa Pebrero 15, 1998 Torrengbantayan, pahina 28-9, asin ineestudyaran an nagkapirang paagi na puedeng iaplikar an mga suhestion sa lokal. Ineenkaminar an gabos na probaran an sampol na mga pag-atubang na itinatampok kada bulan sa An Satong Ministeryo sa Kahadean.
Kanta 151 asin pantapos na pamibi.
Semana nin Oktubre 15
10 min: Lokal na mga paisi. Report sa kuenta.
35 min: “Iinaaplikar daw Nindo an Saindong Nanodan sa Serye kan Pansirkitong Asamblea kan 2001?” Pakikipag-olay sa mga nagdadangog manongod sa programa, na pangengenotan kan namamayo sa Pag-adal sa Torrengbantayan. Iatubang sa halipot an kada saro sa pangenot na mga punto, dangan imbitaran an mga nagdadangog na magkomento manongod sa (1) kun paano sinda naghingoang iaplikar an instruksion, (2) kun paano sinda nakinabang sa paggibo kaiyan, asin (3) ano pa an sa pagmate ninda kaipuhan nindang gibohon.
Kanta 156 asin pantapos na pamibi.
Semana nin Oktubre 22
10 min: Lokal na mga paisi. Ginagamit an mga suhestion sa pahina 8, idemonstrar an duwang halipot na pag-atubang kan mga magasin, an saro ginagamit an Nobyembre 1 Torrengbantayan asin an saro pa ginagamit an Nobyembre 8 Awake!
10 min: Paano Kamo Masimbag? Itokdo sa halipot an pahina 204-5 sa librong Reasoning, kun saen itinatao an malinaw na simbag sa hapot na, “Paano nagigibo kan Mga Saksi ni Jehova an saindang paliwanag sa Biblia?” Mag-atubang nin sarong iinandam na marhay na demonstrasyon kun paano sisimbagon an hapot na ini sa pagdalaw liwat.
25 min: “United by Divine Teaching—Sarong Pagsiyasat sa Tunay na Pagkasararo nin Magturugang.” Pakikipag-olay sa mga nagdadangog. Tangani na magkaigwa nin buhay na pag-orolay dapit sa video, ihapot an kada saro sa mga hapot na itinao. Kun itinotogot nin oras, iatubang an nagkapirang eksperyensia sa 1994 Yearbook, pahina 7-9, asin sa 1995 Yearbook, pahina 8-11. (Pasabot: Sa mga kongregasyon na mayo ni saro kan video na ini, puedeng itao imbes an pahayag na “Should the Dead Be Honored?” [sa Bicol, “Maninigo daw na Tawan nin Onra an mga Gadan?”], basado sa Pebrero 8, 1999 Awake!, pahina 10-11.) Sa Disyembre rerepasohon niato an video na To the Ends of the Earth.
Kanta 47 asin pantapos na pamibi.
Semana nin Oktubre 29
12 min: Lokal na mga paisi. An alok sa Nobyembre iyo an brosyur na Kahagadan o an librong Kaaraman. Idemonstrar an halipot na pag-atubang na ini: “Sa mga panahon na ini na masakit an pagbuhay, dakol na tawo an nasasakitan na pagkanigoon an entrada. Sa paghona daw nindo mareresolberan kan mga gobyerno nin tawo an problemang ini sa paagi na magigin pantay-pantay sa gabos? [Pasimbagon.] Nanompongan ko na an panugang ini sa Biblia nakaparirigon na marhay sa boot.” Basahon an Salmo 72:12-14. Dangan ialok an brosyur na Kahagadan o an librong Kaaraman.
15 min: Lokal na mga pangangaipo.
18 min: “Gurano Katama kan Pagkakan Nindo sa Espirituwal?”a Imbitaran an mga nagdadangog na magkomento man basado sa Abril 15, 1997 Torrengbantayan, pahina 28-31, manongod sa kun taano asin kun paano niato mapagdadanay an marahay na ugale sa pagkakan sa espirituwal.
Kanta 181 asin pantapos na pamibi.
Semana nin Nobyembre 5
10 min: Lokal na mga paisi.
18 min: Pag-andam kan Pamilya Para sa mga Pagtiripon. Ginagamit an mga giya sa Hulyo 1, 1999 Torrengbantayan, pahina 19-20, parapo 9, tinatabangan nin sarong ama an saiyang pamilya na mag-andam nin mga komento na itatao durante kan Pag-adal sa Torrengbantayan ngonyan na semana. (1) An kada miembro kan pamilya nagpipili nin saro o duwang hapot na kokomentohan. (2) Pakarepaso kan mga parapo, ginigibo ninda an saindang mga komento sa sadiri nindang tataramon. (3) Pinipili ninda an pangenot na sitadong mga teksto, pinag-oolayan kun paano an kada saro kaiyan konektado sa tema, asin pinaplano kun paano ninda iyan iaaplikar sa leksion. Gabos galagang magpartisipar sa pagtiripon.
17 min: “Ano an Katuyohan?”b Iiba an sarong iinandam na marhay na demonstrasyon, na ginagamit an kapitulo 17, parapo 6-8, sa librong Kaaraman.
Kanta 186 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.