Iskedyul sa Pagtiripon sa Paglilingkod
PASABOT: An Satong Ministeryo sa Kahadean maiskedyul nin Pagtiripon sa Paglilingkod para sa kada semana durante kan Nobyembre, Disyembre, asin Enero. Puedeng gumibo nin mga pagliliwat an mga kongregasyon kun kaipuhan tangani na matawan nin lugar an pag-atender sa “Mga Paratokdo kan Tataramon nin Dios” na Pandistritong Kombension. Gumamit nin 15 minutos sa huring Pagtiripon sa Paglilingkod bago an saindong kombension tangani na otrohon an direktang konseho hale sa suplemento ngonyan na bulan na aplikado sa lokal. Durante kan bulan nin Pebrero, sarong bilog na Pagtiripon sa Paglilingkod an iaareglo tangani na repasohon an mga tampok na kabtang kan kombension. Bilang preparasyon sa pagtokar na iyan, kita gabos puedeng kumua nin makahulogan na mga nota sa kombension, kabale an lista nin mga punto na boot niatong iaplikar personalmente sa sato mismong buhay asin sa ministeryo sa langtad. Dangan magigin kitang andam na ipaliwanag kun paano niato iinaplikar an mga suhestion na ini poon kan mag-atender kita sa kombension. Makaparirigon sa gabos na madangog an lambang saro na nagsasaysay kun paano kita nakinabang sa marahay na pagtotokdo na inako niato.
Semana nin Nobyembre 12
12 min: Lokal na mga paisi. Piniling Mga Paisi sa An Satong Ministeryo sa Kahadean. Iiba an demonstrasyon nin duwang pag-atubang, na ginagamit an kahon na “Kun Ano an Sasabihon Manongod sa mga Magasin.” An sarong parahayag iinaatubang an Nobyembre 15 Torrengbantayan, asin an saro pa iinaatubang an Nobyembre 22 na Awake!
15 min: “Magsarig ki Jehova Para sa Kosog.”a Iiba an halipot na komento hale sa Oktubre 1, 1999 Torrengbantayan, pahina 18-19, parapo 6-8.
18 min: “Mga Kombension—Panahon Para sa Paggayagaya!” Pahayag nin sarong magurang sa kongregasyon.
Kanta 191 asin pantapos na pamibi.
Semana nin Nobyembre 19
8 min: Lokal na mga paisi. Report sa kuenta.
15 min: “Mga Magurang—Sanayon an mga Aki Nindo na Maghulit.”b Ipasaysay sa mga magurang kun ano an ginibo ninda tangani na matabangan an mga aki ninda na makanood na mag-alok nin mga magasin asin gamiton an Biblia sa mga pinto.
22 min: “Maghinanyog Asin Maglaog sa Isip nin Dagdag na Tokdo.” Pahayag asin pakikipag-olay sa mga nagdadangog.
Kanta 195 asin pantapos na pamibi.
Semana nin Nobyembre 26
10 min: Lokal na mga paisi. Ginagamit an mga suhestion sa “Kun Ano an Sasabihon Manongod sa mga Magasin,” idemonstrar an duwang pag-atubang nin magasin—an saro ginagamit an Disyembre 1 Torrengbantayan asin an saro pa ginagamit an Disyembre 8 Awake!
15 min: “Saen daw Ako Makakukua nin Panahon?” Pahayag asin pakikipag-olay sa mga nagdadangog. Iiba an pangenot na mga punto hale sa Oktubre 1, 2000 na Torrengbantayan, pahina 20-1, parapo 9-10, sa irarom kan subtemang “Kun Paano an Nagkapira Nagtataong Panahon Para sa Pag-adal.” Imbitaran an mga nagdadangog na isaysay an praktikal na mga paagi na sinda nakakua nin panahon para sa mas importanteng mga bagay paagi sa paghale nin dai kaipuhan na mga aktibidad.
20 min: “Gumibo Kamo nin Marahay Asin Oomawon Kamo!”c Sambiton an espesipikong mga bagay na maninigo niatong gibohon kun nag-aatender tangani na ikapaheling na kita igwa nin Kristianong mga kualidad na kaiba an tunay na pagmakolog sa iba.
Kanta 198 asin pantapos na pamibi.
Semana nin Disyembre 3
8 min: Lokal na mga paisi.
17 min: Mga Kabtang kan Librong Reasoning. Pakikipag-olay sa mga nagdadangog. Pag-olayan an minasunod na mga halimbawa kun paano an manlaenlaen na kabtang sa libro kapakipakinabang na marhay sa pagpaliwanag kan mga katokdoan sa Biblia: Mga pakahulogan, arog baga sa “Kahadean” (p. 225-6; p. 87 sa Tagalog) o “espiritu” (p. 380; p. 158 sa Tagalog); sistematikong pagkokomparar nin mga traduksion hale sa manlaenlaen na mga traduksion, na nagpapaheling kun saen asin paano ginagamit sa Biblia an ngaran nin Dios (p. 191-3; p. 190-2 sa Tagalog) o an katotoohan manongod sa impierno (p. 169-70; p. 183-4 sa Tagalog); mga lista, na nagdedetalye kan mga tinutubod na nagpapalaen sa sato sa ibang relihion (p. 199-201; p. 377-9 sa Tagalog) o nagpapaheling kun paano maaaraman nin saro kun arin na relihion an tama (p. 328-30; p. 365-7 sa Tagalog); historikong impormasyon, na naghahayag kan ginikanan nin Navidad (p. 176-8; p. 111-13 sa Tagalog) o an neutralidad kan enot na mga Kristiano (p. 273-5; p. 251-3 sa Tagalog); sientipikong ebidensia, na nagsusuportar sa paglalang (p. 85-6; p. 291-3 sa Tagalog) o nagpapaheling kan peligro nin paggamit nin marihuana asin tabako (p. 108-11; p. 135-8 sa Tagalog). Enkaminaron an mga parahayag na gamiton an marahay na pantabang na ini sa pagtotokdo kun lumataw an mga oportunidad sa ministeryo sa langtad.
20 min: “Mga Bendisyon Gikan sa Pagpaheling nin Apresasyon sa Pagkamoot ni Jehova—Kabtang 1.”d Kun ipinakikipag-olay an parapo 3-6, imbitaran an kongregasyon na isaysay an nakaparirigon sa boot na mga eksperyensia ninda sa pagharongharong, paghuhulit sa tinampo, mga pagdalaw liwat asin pag-adal sa Biblia.
Kanta 200 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.
c Limitaran an introduksion sa dai pang sarong minuto, asin sundan nin hapot-simbagan.
d Limitaran an introduksion sa dai pang sarong minuto, asin sundan nin hapot-simbagan.