Iskedyul sa Pagtiripon sa Paglilingkod
Semana nin Oktubre 14
10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na basahon an Bilang kapitulo 25 asin Insight, Tomo 2, pahina 419, parapo 3-5, dangan dalanon an video na Warning Examples for Our Day bilang pag-andam para sa pagtokar sa Pagtiripon sa Paglilingkod sa semana nin Oktubre 28. (Ini an enot na video nin sarong drama na prinodusir kan Sosyedad. Ipinaisi kan An Satong Ministeryo sa Kahadean kan Setyembre na an video na ini makukua na ngonyan sa Pilipinas. Kun dai pa kamo nagpedido, marahay na gibohon na iyan ngonyan.) Ginagamit an mga suhestion na nasa pahina 8, magkaigwa nin duwang demonstrasyon kun paano iaatubang an Oktubre 15 Torrengbantayan asin an Oktubre 22 na Awake!
15 min: Lokal na mga pangangaipo.
20 min: “Kun Paano Nagpapaheling nin Personal na Interes an mga Paraataman sa Pag-adal sa Libro kan Kongregasyon.” Hapot-simbagan na pangengenotan nin paraataman sa Pag-adal sa Libro kan Kongregasyon. Sa introduksion, ipaliwanag sa halipot kun paano nagpoon an areglo nin pag-adal sa libro. (jv-E 237, par. 4) Iareglo nin patienot an duwa o tolong parahayag na magkomento sa kun paano sinda nakinabang sa personal na interes na ipinaheling sa sainda paagi sa Pag-adal sa Libro kan Kongregasyon.
Kanta 65 asin pantapos na pamibi.
Semana nin Oktubre 21
10 min: Lokal na mga paisi. Report sa kuenta.
20 min: “Giyahan an mga Inaadalan sa Biblia Pasiring sa Organisasyon.” Hapot-simbagan. Sa parapo 4, tokaron an manlaenlaen na kabtang kan brosyur na Jehovah’s Witnesses asin enkaminaron an gabos na magdara nin kopya sa ministeryo. Magkaigwa nin halipot na demonstrasyon kun paano magagamit an brosyur kun iniimbitaran an inaadalan sa Biblia na umatender sa mga pagtiripon.
15 min: Pahayag sa artikulong “Maigot na Paghihingoa—Noarin Iyan Binebendisyonan ni Jehova?” basado sa Agosto 1, 2002 na Torrengbantayan, pahina 29-31.
Kanta 194 asin pantapos na pamibi.
Semana nin Oktubre 28
8 min: Lokal na mga paisi. Enkaminaron an gabos na repasohon an saindang mga nota hale sa nakaaging programa kan espesyal na aldaw nin asamblea bilang pag-andam sa pag-orolay sa masunod na semanang Pagtiripon sa Paglilingkod. Ginagamit an mga suhestion na nasa pahina 8, ipademonstrar sa sarong tugang na babae kun paano iaatubang an Nobyembre 1 Torrengbantayan asin ipademonstrar sa sarong tugang na lalaki kun paano iaatubang an Nobyembre 8 Awake!
15 min: “Magin Nakapakokosog.” Pahayag nin sarong magurang sa kongregasyon na may partisipasyon an mga nagdadangog.
22 min: “Odok na Pakiolay na Himateon an Warning Examples for Our Day.” Limitaran an introduksion sa dai pang sarong minuto, dangan tolos na dumeretso na ipakipag-olay sa mga nagdadangog an kada hapot na iinatubang sa artikulo. (Pasabot: Sa mga kongregasyon na mayo kan video na ini, puedeng itao imbes an pahayag na “How to Cope With Despair,” basado sa Mayo 8, 2000 na Awake!, pahina 20-1.) Sa Disyembre rerepasohon niato an video na No Blood—Medicine Meets the Challenge.
Kanta 41 asin pantapos na pamibi.
Semana nin Nobyembre 4
10 min: Lokal na mga paisi. Repasohon sa halipot an nagkapirang suhestion hale sa suplemento kan An Satong Ministeryo sa Kahadean na Mayo 2002 para sa pag-atubang kan brosyur na Kahagadan asin kan librong Kaaraman. Idemonstrar an saro sa mga pag-atubang.
13 min: Dai Ikinasusupog an Maogmang Bareta. (Roma 1:16) Madolok sa ama an sarong hoben na may problema. Nag-aalangan an hoben na mamidbid bilang saro sa Mga Saksi ni Jehova huli sa pagkatakot na olog-ologon nin mga kairiba. Pinasasalamatan kan ama an hoben sa pagigin onesto manongod sa bagay na iyan. Isinasaysay nia kun ano an nagin reaksion ni Pedro kaidto huli sa pangigipit nin kairiba. (Mat. 26:69-74) Itinatao kan ama an minasunod na sadol: Maninigo na nungka niatong ikasupog kun siisay kita bilang mga Kristiano. (Mar. 8:38) May bentaha an pagpamidbid mo sa eskuelahan bilang sarong Saksi. Kun iniimpormaran, dakol na maestra an igagalang an saimong mga tinutubod asin dai maprobar na papartisiparon ka sa mga aktibidad na dai puede sa saimo. An daing prinsipyong mga hoben posibleng marhay na dai magprobar na impluwensiahan kamo sa salang gawe-gawe. Mas maiintindihan tolos kan ibang mga kaklase kun taano ta habo mong makipag-date, magpartisipar sa ekstrakurikular na mga isport, o makikabtang sa mga aktibidad pagkaretira sa eskuelahan. Kun itinotogot nin oras, pag-oolayan kan ama asin kan hoben an mga punto hale sa subtemang “Publicly Declaring Your Friendship With God” sa librong Young People Ask, pahina 315-18. Ipahahayag kan tinedyer an pag-apresyar sa marahay na sadol.
22 min: Pumasakop Kamo sa Dios—Tumangon Nindo an Diablo. (Sant. 4:7) Ginagamit an mga hapot na itinao digdi, pamamayohan nin sarong magurang sa kongregasyon an sarong buhay na pakikipag-olay sa mga nagdadangog manongod sa programa kan espesyal na aldaw nin asamblea na ginibo sa kapinonan kan taon na ini. (Puedeng iasignar nin patienot an mga kabtang.) Itampok an minasunod na mga kabtang kan programa: (1) “Pagpapasakop sa Dios sa Sarong Naooripon na Kinaban.” Taano ta dapat kitang magin listo na likayan an kinabanon na mga siod? (2) “Pagpaheling nin Diosnon na Pagpapasakop Bilang mga Miembro kan Pamilya.” Taano ta igwa nin apretadong pangangaipo sa laog kan organisasyon ni Jehova na pakosogon an bogkos nin pamilya? Paano daw niato iyan magigibo? (3) “Tabangan an Bagong mga Disipulo na Manindogan nin Marigon sa Kampi ni Jehova.” Paano niato matatabangan an mga bagohan na atubangon an mga kaolangan na nakababalo sa saindang pagtubod? (4) “Kun Ano an Kahulogan kan Tumangon an Diablo.” Ano an liabe sa mapangganang paninindogan tumang sa Diablo? Paano kita mapoprotehiran kan espirituwal na pangalasag na ilinadawan sa Efeso 6:11-18? (w92-E 5/15 21-3) (5) “Mga Hoben na Mapangganang Napaglalabanan an Maraot” asin “Mga Hoben na Nakikinabang sa Diosnon na Pagpapasakop.” Ano an nagkapirang pakana ni Satanas na dapat na maanan kan mga hoben? Paano binebendisyonan an mga hoben huli sa pagpapasakop ninda ki Jehova? (w90-E 8/1 13-14, par. 15-17) (6) “Pagkinabang sa Diosnon na Pagpapasakop.” Ipaliwanag kun paano ipinaheheling nin mga Kristiano an pagpapasakop sa mga autoridad sa gobyerno, sa sekular na mga among, sa laog nin pamilya, asin sa Kristianong kongregasyon. Anong mga kualidad an makakatabang sa sato na gibohon iyan?
Kanta 185 asin pantapos na pamibi.