Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana na mapoon sa Pebrero 24, 2003. Pamamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Enero 6 sagkod Pebrero 24, 2003. [Pasabot: Kun mayo nin mga reperensia kasunod kan hapot, kaipuhan nindong gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Tama o Sala: An importanteng marhay sa pagbasa nin daing kasalasala iyo na seguradohon na an binabasa garo baga tama, dawa kun iyan laen nin kadikit sa kun ano an nakasurat. Ipaliwanag. [be p. 83]
2. Suratan an mga Espasyo: Tanganing makabasa nin daing kasalasala, an saro dapat na ․․․․․․․․, ․․․․․․․․, ․․․․․․․․ asin gibohon iyan nin makosog. [be p. 85]
3. Taano ta importanteng magtaram nin malinaw? (1 Cor. 14:8, 9) [be p. 86]
4. Ano an nagkapirang bagay na puedeng makapalibog sa pagtaram, asin ano an magigibo niato tanganing makapagtaram nin mas malinaw? [be p. 87-8]
5. Ano an nagkapirang tataramon na ginamit sa Teokratikong Paadalan sa Pagmiministro durante kan nakaaging duwang bulan na sa pagmate nindo kaipuhan nindong ensayohon an tamang pronunsiasyon? [be p. 92]
ASIGNASYON NUM. 1
6. Tama o Sala: An mga mata niato makakatabang sa sato na maghinanyog. Ipaliwanag. [be p. 14]
7. Suratan an mga Espasyo: An ․․․․․․․․, an ․․․․․․․․, asin an ․․․․․․․․, gabos nagseserbing mga indikasyon kan lawig nin panahon na itinao nin Dios. [si-E p. 279 par. 7]
8. Suratan an mga Espasyo: Oyon sa pagkagamit sa Biblia, an tataramon na “aldaw” puedeng ipanongod sa lawig na ․․․․․․․․, oras, ․․․․․․․․, oras, ․․․․․․․․, taon, o ․․․․․․․․, na an konteksto an nagpaparisa kan kahulogan na iinaaplikaran kaiyan. [si-E p. 279 par. 8]
9. Paano an mga halimbawa ni Ana, Marcos, asin Elias nakakatabang sa sato na mapangganahan an panluluya nin boot? Paano niato magagamit an mga halimbawang ini sa pagtabang sa iba? [w01-BI 2/1 p. 20-3]
10. Paano an pakasabot sa suanoy na atletikong karawat nagtataong liwanag sa nagkapirang bersikulo sa Biblia? Paano maninigong maapektaran an satong buhay kan impormasyon na ini? [w01-BI 1/1 p. 28-31]
SEMANAL NA BABASAHON SA BIBLIA
11. Tama o Sala: Huling naestablisar na an Kahadean nin Dios sa langit kan 1914, bako nang tama na mamibi na, “Dumatong logod an kahadean mo.” (Mat. 6:10) Ipaliwanag. [be p. 279; w96-BI 6/1 p. 31]
12. Tama o Sala: An mga tataramon ni Jesus na nasusurat sa Mateo 11:24 nangangahulogan na bubuhayon liwat an mga linaglag ni Jehova paagi sa kalayo sa Sodoma asin Gomorra. Ipaliwanag.
13. Pilion an Simbag: An fiel asin may diskresion na oripon na nasambitan ni Jesus sa Mateo 24:45-47 iyo (a) an Namamahalang Grupo kan Mga Saksi ni Jehova; (b) an gabos na linahidan na Kristiano bilang grupo sa daga sa arin man na panahon; (c) si Jesu-Cristo mismo. An oripon na ini nagtatao nin espirituwal na kakanon sa igong panahon sa “mga domestiko,” na nagrerepresentar sa (a) mga linahidan bilang indibiduwal; (b) ibang karnero; (c) gabos na nagbabasa nin Kristianong mga publikasyon. Ninombrahan kan Kagurangnan an oripon sa gabos niang rogaring kan taon (a) 1914; (b) 33 C.E.; (c) 1919.
14. Pilion an Simbag: An hikot na sinambit sa ilustrasyon ni Jesus sa Mateo 13:47-50 kabale an kongregasyon nin linahidan na mga Kristiano sagkod an (a) Mesiyanikong Kahadean nin Dios; (b) kairiba nindang ibang karnero; (c) Kakristianohan.
15. Sono sa mga tataramon ni Jesus na nasusurat sa Mateo 5:24, ano an maninigo nindong gibohon kun sa paghona nindo nakolgan nindo an sarong kapwa parasamba? [g96-E 2/8 p. 26-7]