Mga Paisi

◼ Alok sa Nobyembre: An librong Makanood sa Dakulang Paratokdo. Kun may mga indibiduwal na magsabing mayo sinda nin aki, ialok an brosyur na Kahagadan. Disyembre: Puedeng ialok an arin man sa minasunod na mga libro: The Greatest Man Who Ever Lived, The Bible​​—God’s Word or Man’s?, My Book of Bible Stories, o Puwede Kamong Mabuhay Sagkod Lamang sa Paraiso Digdi sa Daga. Enero: Puedeng ialok an arin man sa haloy nang 192 na pahinang libro na nasa istak nindo. Dugang pa, igwa kami kan minasunod na haloy nang mga libro na nasa istak sa Bethel asin dinadagka mi an mga puedeng gumamit kaiyan na pumedido para sa kampanyang ini: An Katotoohan na Minagiya Pasiring sa Buhay na Daing Sagkod asin Tunay na Katoninongan Asin Katiwasayan​​—Saen daw Magikan? sa Bicol; Puwede Kamong Mabuhay Sagkod Lamang sa Paraiso Digdi sa Daga, sadit na edisyon sa Bicol, Pangasinan, asin Samar-Leyte patin dakulang edisyon sa Cebuano asin Iloko; Happiness​​—How to Find It sa Iloko; Good News to Make You Happy asin Paghinanyog sa Dakulang Paratokdo sa Samar-Leyte. Pebrero: Itatampok an librong Rumani ki Jehova.

◼ An nangengenot na paraataman o an saro na inasignaran nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.

◼ May iaareglong kompletong programa kan pandistritong kombension para sa mga bungog na gigibohon sa Kingdom Hall sa Bethel sa Quezon City sa Nobyembre 19-21, 2004. Maninigong umatender an siisay man na bungog na nakakasabot nin pagtaram sa senyas asin boot na makinabang sa programa, huling mayong kompletong programa para sa mga bungog sa ibang kombension.

◼ Mga Kontribusyon Para sa Pandistritong mga Kombension: An gabos na gastos sa mga kombension, kaiba an arkila kan istadyum, pagpreparar kan entablado asin sound system, saka an gastos sa bagong mga publikasyon na iluluwas, sustentado nin boluntaryong mga kontribusyon para sa pambilog na kinaban na gibohon. Naseseguro niamo na gigirumdomon nindo ini kun nag-aatender. Puedeng magkontribwir paagi sa paggamit kan mga kahon sa kontribusyon na yaon sa kada kombension.

◼ Pagpasyar sa Bethel: An mga nagpaplanong magpasyar sa Bethel na may darang auto o may grupo nin 20 katawo o labi pa maninigong sumurat nin patienot sa sangang opisina, na nakaadres sa “Bethel Tours Department,” na itinatao an petsa na plano nindong magduman. Huli sa limitadong paradahan sa Bethel, tibaad kaipuhan na liwaton an petsa kan pagpasyar nindo tanganing dai magkaigwa nin dakolon na auto sa sarong aldaw. Maninigong planohon kan mga hale sa hararayong probinsia na dai mag-abot sa Bethel na mayo pang alas 8 n.a. Kun mag-abot kamo harani sa Manila na mas amay kisa digdi, isinusuherir mi na magpahingalo kamo sa saro sa mga gasolinahan na nasa expressway sagkod sa oras na iyan. Matao ini saindo nin oportunidad na gamiton an kasilyasan asin tibaad magsangli bago magduman sa Bethel. Bago kan pagdalaw nindo, repasohon tabi an “Hapot” na nasa An Satong Ministeryo sa Kahadean na Hunyo 2002 mapadapit sa tamang gubing asin pag-alinyar kun nagdadalaw sa mga erokan na Bethel.

◼ Makukuang Bagong mga Publikasyon:

Watch Tower Publications Index 2003​​—Ingles

Edisyon na darakula an letra, New World Translation of the Holy Scriptures​​—Cebuano, Iloko, Tagalog

(Pasabot: An Bibliang ini may simbolong bi8 asin igwa kan iyo man sanang mga reperensia sa pagirilid [marginal references] arog kan bi12. An mas darakulang letra kaiyan makakatabang kun nag-aadal nin personal, pasil basahon para sa mga maluya an pagheling, asin marahay na ibugtak sa libreriya kan Kingdom Hall.)