Iskedyul sa Pagtiripon sa Paglilingkod
Semana nin Marso 14
8 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 4 tangani na idemonstrar kun paano iaatubang an Torrengbantayan na Marso 15 asin an Awake! na Marso 22. Sa saro kan mga pag-atubang, idemonstrar an pagdalaw liwat sa sarong ruta nin magasin. Sa pagtatapos kan pag-atubang, gamiton an likod na tutob kan Torrengbantayan na Marso 15 tangani na ipagirumdom sa kagharong an nagdadangadang na selebrasyon kan Memorial.
17 min: “Orog Pang Pagdodoon sa Biblia!”a Gamiton an imprentadong mga hapot.
20 min: “Espesyal na Kampanya sa Pagwaras kan Bagong Brosyur.”b Papangenotan kan paraataman sa paglilingkod. Ipademonstrar an suhestion na mga pag-atubang. Sa saro kan mga demonstrasyon, bakong interesado an kagharong sa iinaatubang na mensahe sa Kasuratan asin inalokan na sana nin pulyeto imbes na brosyur.
Kanta 137 asin pantapos na pamibi.
Semana nin Marso 21
10 min: Lokal na mga paisi. Repasohon sa halipot an mga areglo para sa espesyal na kampanya sa pagwaras kan bagong brosyur.
15 min: Sarong Probisyon na Mapakosog sa Sato. Pakatapos nin introduksion na mayo pang sarong minuto, ipakipag-olay sa mga nagdadangog an manongod sa 2005 Yearbook. An paghorophorop sa makangangalas na aktibidad ni Jehova sa presenteng mga panahon irinarani kita sa saiya asin sa satong mga tugang sa bilog na kinaban. (Sal. 77:12-14) Pinapasarig kita kaiyan na manindogan tumang sa Diablo, “na marigon sa pagtubod.” (1 Ped. 5:8, 9) Tinatabangan kaiyan an mga bagohan na pataluboon an pag-apresyar sa organisasyon ni Jehova. Imbitaran an mga nagdadangog na isaysay an mga punto na naapresyar ninda sa pagbasa ninda kan 2005 Yearbook. Iareglo nin patienot na magkomento an saro o duwa kun paano ninda iniiskedyul an saindang personal na pagbasa kan Yearbook.
20 min: Ano an Armagedon? Pakatapos nin introduksion na mayo pang sarong minuto, magkaigwa nin hapot-simbagan na pagtokar basado sa pahina 44-9 kan librong Reasoning (p. 41-6 sa Tagalog). Imbitaran an mga nagdadangog na komentohan an mga hapot na nakasurat sa maitom na mga letra, na ginagamit an kinotar asin sitadong mga teksto. Ipaliwanag kun paano niato magagamit an impormasyon na ini sa ministeryo sa langtad.
Kanta 109 asin pantapos na pamibi.
Semana nin Marso 28
10 min: Lokal na mga paisi. Basahon an report sa kuenta asin an pasasalamat sa donasyon. Pagirumdomon an mga parahayag na itao an report nin paglilingkod sa langtad para sa Marso. Enkaminaron an gabos na imbitaran an mga interesado na umatender sa espesyal na pampublikong pahayag sa Abril 10. Idemonstrar an sarong pag-atubang para sa pag-alok kan bagong brosyur na nagkaigwa nin marahay na mga resulta sa lokal na teritoryo. Kun may oras pa, magsaysay nin mga eksperyensia hale sa espesyal na kampanya.
15 min: Lokal na mga pangangaipo.
20 min: Itampok An Torrengbantayan Asin Awake! Repasohon an mga suhestion tangani na madugangan an mga ikinakapasakamot na mga magasin na nasa An Satong Ministeryo sa Kahadean na Pebrero 2005, pahina 8. Tokaron an mapag-oolayan na mga punto sa bagong isyu kan mga magasin. Ginagamit an mga suhestion na nasa pahina 4, idemonstrar kun paano iaatubang an Torrengbantayan na Abril 1 asin an Awake! na Abril 8. Sa kada saro kan mga pag-atubang, ipaliwanag kun paano ginagastohan an satong pambilog na kinaban na gibohon.—Helingon An Torrengbantayan, p. 2, o Awake! p. 5.
Kanta 116 asin pantapos na pamibi.
Semana nin Abril 4
10 min: Lokal na mga paisi. Saka lokal na mga eksperyensia. Imbitaran an mga nagdadangog na magsaysay nin nagin mga eksperyensia ninda durante kaining espesyal na kampanya sa pagwaras kan bagong brosyur. Iareglo nin patienot na iakto an pambihirang mga eksperyensia. Kun dikit na sana an suplay na brosyur kan kongregasyon, sabihon sa mga parahayag na ibalik sa literature counter kun igwa pa sinda nin ekstrang mga kopya.
20 min: Magpaheling nin Pagmalasakit sa mga Maluya. (Gibo 20:35) Pakatapos nin introduksion na mayo pang sarong minuto, magkaigwa nin hapot-simbagan na pagtokar sa Torrengbantayan na Hulyo 1, 2004, pahina 17-18, parapo 12-16, na kapareho kan Pag-adal sa Torrengbantayan. Ipabasa an mga parapo sa sarong tugang na lalaki na mahusay na parabasa. Magkonsentrar sa kun paano ikakaaplikar an impormasyon may koneksion sa mga nag-atender sa Memorial o sa mga maatender sa espesyal na pahayag.
15 min: “Kaipuhan an Tabang Mo.”c Interbiohon sa halipot an sarong magurang sa kongregasyon. Ipasaysay saiya kun ano an nakaenkaminar sa saiya na maghingoang maabot an paglilingkod sa kongregasyon asin kun ano an nakatabang sa saiya na makualipikar.
Kanta 36 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.