Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Abril 24, 2006. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Marso 6 sagkod Abril 24, 2006. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Kun nagtotokdo, taano ta maninigo kitang pumondo nguna para sa lambang pagliwat nin ideya, alagad ano an tibaad makaolang sa sato na gibohon iyan? [be p. 98 par. 2-3]
2. Taano ta importante na gumamit nin pagpondo nguna kun naghuhulit sa iba? [be p. 99 par. 5–p. 100 par. 4]
3. Taano ta importante an istres sa kahulogan kun nagpapahayag, asin paano kita magkakaigwa nin marahay na istres sa kahulogan? [be p. 101 par. 1-5 asin kahon]
4. Kun nagbabasa sa publiko, paano niato masesegurado na an prinsipal na mga ideya kan satong materyales an idinodoon? [be p. 105 par. 1-6]
5. Taano ta importante an angay na kosog nin boses kun nagtotokdo, asin paano niato madedeterminaran kun guranong kosog nin boses an gagamiton? [be p. 107-8]
ASIGNASYON NUM. 1
6. Paano pareho an situwasyon nin mga Kristiano ngonyan sa situwasyon ni Ester asin Mardoqueo, asin paano niato maaarog an halimbawa ninda? [si-E p. 94 par. 17]
7. Kan sabihon ni Salomon na “an gabos daing kamanungdanan asin paglapag sa doros,” ano an ilinaladawan nia? (Ecl. 2:11) [w04 10/15 p. 4 par. 3-4]
8. Paano niato makukultibar an pagkamoot sa Dios? (Mar. 12:30) [w04 3/1 p. 19-21]
9. Ano an mga pagkakalaen kan mga bagay na may espirituwal na halaga asin kan materyalismo? [w04 10/15 p. 5-7]
10. Ano an makakatabang sa sato na maghinanyog sa mga asamblea asin kombension na dai nadidisturbo? [be p. 15-16]
SEMANAL NA BABASAHON SA BIBLIA
11. Taano ta may tahob an lalauogon ni Aman? (Est. 7:8)
12. Anong klaseng espiritung linalang an nakaimpluwensia sa kaisipan ni Elifaz? (Job 4:15, 16) [w05 9/15 p. 26 par. 2]
13. An mga tataramon daw ni Job na nakasurat sa Job 7:9, 10 asin Job 10:21 nagpaparisa na sia dai nagtutubod sa pagkabuhay liwat?
14. Ano an posibleng boot sabihon ni Job kan mga tataramon na “baga na sana kublit kan sakong mga ngipon na ako nakaligtas”? (Job 19:20)
15. Ano an boot sabihon ni Job kan sia magsabing, “Dai ko hahaleon sa sakuyang sadiri an sakuyang integridad,” asin ano an manonodan niato digdi? (Job 27:5)