Iskedyul sa Pagtiripon sa Paglilingkod
Semana nin Hulyo 10
10 min: Lokal na mga paisi. Ginagamit an mga suhestion sa pahina 4 o iba pang pag-atubang na angay sa saindong teritoryo, idemonstrar kun paano iaalok an Torrengbantayan na Hulyo 15 asin an Awake! na Hulyo.
15 min: Kun Paano Inoorganisar Asin Tinatawan nin Pagdirehir an Kongregasyon. Pahayag asin pakikipag-olay sa mga nagdadangog basado sa kapitulo 4 kan Organisado sa Paggibo kan Kabotan ni Jehova.
20 min: “Pataluboon an Pag-apresyar sa Daing Kaagid na mga Kualidad ni Jehova.”a Iiba an sarong demonstrasyon na ipinapaheling kun paano gagamiton an mga hapot tanganing tabangan an sarong inaadalan sa Biblia na horophoropon an mga punto na nasa kahon sa repaso sa katapusan kan kapitulo 1 kan librong Itinotokdo kan Biblia.
Kanta 88 asin pantapos na pamibi.
Semana nin Hulyo 17
10 min: Lokal na mga paisi. Piniling Mga Paisi sa An Satong Ministeryo sa Kahadean. Tokaron sa halipot an Torrengbantayan na Agosto 15, 2000, pahina 32. Idoon an mga pakinabang nin pagpapadanay nin regular na programa nin aroaldaw na pagbasa sa Biblia, dawa durante kan mga panahon nin bakasyon o sa ibang panahon na mayo kita sa satong normal na rutina.
15 min: Pagkamoot Asin Kapakumbabaan—Mahalagang Marhay na mga Kualidad Para sa Ministeryo. Sarong pahayag basado sa Torrengbantayan na Agosto 15, 2002, pahina 18-20, parapo 13-20.
20 min: “Arogon an Satong ‘Maogmang Dios,’ si Jehova.”b Imbitaran an mga nagdadangog na magkomento sa kun ano an nakakatabang sa sainda na papagdanayon an masinggaya asin positibong aktitud kun naghuhulit sa lokal na teritoryo.
Kanta 189 asin pantapos na pamibi.
Semana nin Hulyo 24
15 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion sa pahina 4 o iba pang pag-atubang na angay sa saindong teritoryo, idemonstrar kun paano iaalok an Torrengbantayan na Agosto 1 asin an Awake! na Agosto.
10 min: “Sinda Nagtao nin Halimbawa nin Kaimbodan.” Sarong pahayag kaiba an nagkapirang ipinublikar na eksperyensia nin mga espesyal payunir o mga interbio sa siisay man na lokal na mga espesyal payunir na tibaad naglilingkod sa kongregasyon.—Helingon an Watch Tower Publications Index sa irarom kan “Special Pioneers.”
20 min: Magin Marigon, Dai Natatanyog. (1 Cor. 15:58) Interbiohon an duwa o tolong parahayag o payunir na maimbod na naglingkod sa laog nin dakol na taon. Paano ninda nanodan an katotoohan? Paano isinagibo an paghuhulit kan magpoon sindang maghulit? Anong mga kadepisilan an napaatubang sa sainda? Anong mga bendisyon an naeksperyensiahan ninda bilang resulta kan pagdadanay na marigon para sa tunay na pagsamba?
Kanta 12 asin pantapos na pamibi.
Semana nin Hulyo 31
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Hulyo. Sambiton an alok para sa Agosto.
15 min: Lokal na mga pangangaipo.
20 min: “Kultibaron an Marahay na mga Ugale, Mag-ani nin Nagsosopay na mga Bendisyon.”c Imbitaran an mga nagdadangog na magkomento manongod sa mga paghihingoa na saindang ginibo tanganing maestablisar asin mapagdanay an marahay na espirituwal na rutina asin an mga bendisyon na inani ninda bilang resulta.
Kanta 130 asin pantapos na pamibi.
Semana nin Agosto 7
10 min: Lokal na mga paisi. Repasohon sa halipot kun paano an sampol na mga presentasyon na nagluwas sa An Satong Ministeryo sa Kahadean puedeng iadaptar sa mga pangangaipo kan lokal na teritoryo.—Helingon An Satong Ministeryo sa Kahadean na Enero 2005, p. 8.
15 min: Mga Pagtiripon na Nagdadagka sa Pagkamoot Asin sa Marahay na mga Gibo. Sarong pahayag basado sa Torrengbantayan na Marso 15, 2002, pahina 24-5. Iiba an sarong halipot na interbio na itinatampok an ginibong paghihingoa nin sarong parahayag tanganing makaatender nin regular sa mga pagtiripon asin kun paano sia nakinabang sa paggibo kaiyan.
20 min: Magin Progresibo Asin Madaling Makibagay sa Satong Ministeryo. Pahayag asin pakikipag-olay sa mga nagdadangog basado sa Torrengbantayan na Disyembre 1, 2005, pahina 28-30. Sa sarong pahayag basado sa parapo 6-11, itampok kun paano isinasaisip ni Pablo an saiyang kaolay, kun paano sia madaling makibagay, asin mapamaagi sa paghuhulit asin pagtotokdo. Dangan imbitaran an mga nagdadangog na komentohan an mga hapot sa parapo 12-14, na naggigibo nin lokal na aplikasyon. Iiba an sarong demonstrasyon na ipinapaheling kun paano puedeng iadaptar kan mga parahayag an saindang pag-atubang sa ministeryo, na kinokonsiderar an mga pangangaipo, kamugtakan, asin pinaghalean na kultura kan mga tawo sa lokal na teritoryo.
Kanta 83 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.