Iskedyul sa Pagtiripon sa Paglilingkod
Semana nin Agosto 14
10 min: Lokal na mga paisi. Ginagamit an mga suhestion sa pahina 8 o iba pang mga pag-atubang na angay sa saindong teritoryo, idemonstrar kun paano iaalok an Torrengbantayan na Agosto 15 asin an Awake! na Agosto. Sa saro kan mga demonstrasyon, ipaheling kun ano an sasabihon sa habong makipag-olay na nagsasabing, “Bako akong interesado sa mga Saksi ni Jehova.”—Helingon an librong Reasoning, p. 17-18.
15 min: “Itatampok sa Setyembre an Espesyal na Isyu kan Awake!”a Kun pinag-oolayan an parapo 4, magkaigwa nin halipot na demonstrasyon na ipinapaheling an sarong tinedyer na nag-aalok sa sarong paratokdo kan isyu kan Awake! na Setyembre.
20 min: Pakikikatood sa Eskuelahan—Sagkod Saen an Limitasyon? Pahayag asin pakikipag-olay sa mga nagdadangog basado sa pahina 17-19 kan Awake! na Abril 2006. Imbitaran an mga nagdadangog na pinadakula sa Kristianong mga pamilya na magkomento kun paano sinda inandam kan mga magurang ninda na atubangon an mga kadepisilan asin iaplikar an mga prinsipyo sa Biblia sa eskuelahan. Puedeng iareglo nin patienot an saro o duwang komento.
Kanta 164 asin pantapos na pamibi.
Semana nin Agosto 21
10 min: Lokal na mga paisi.
15 min: Makinabang sa Pag-adal sa Torrengbantayan Asin sa Pampublikong Pagtiripon. Pahayag asin pakikipag-olay sa mga nagdadangog basado sa Organisado sa Paggibo kan Kabotan ni Jehova, pahina 59 sagkod sa subtema sa pahina 64.
20 min: “Makipaglaban Ka kan Marahay na Pakilaban kan Pagtubod.” Pahayag nin sarong magurang sa kongregasyon basado sa artikulo sa Pebrero 15, 2004 isyu kan Torrengbantayan, pahina 26-30.
Kanta 216 asin pantapos na pamibi.
Semana nin Agosto 28
10 min: Lokal na mga paisi. Basahon an report sa kuenta asin mga pasasalamat sa donasyon. Pagirumdomon an mga parahayag na itao an report nin paglilingkod sa langtad para sa Agosto. Ginagamit an mga suhestion sa pahina 4 o iba pang mga pag-atubang na angay sa saindong teritoryo, idemonstrar kun paano iaalok an Torrengbantayan na Setyembre 1 o an Awake! na Setyembre mantang isinasagibo an pagdalaw liwat sa sarong ruta sa magasin.
15 min: Puede Kamong Magin Gikanan nin Pagparigon sa Boot. (Roma 1:11, 12) Pahayag asin pakikipag-olay sa mga nagdadangog. Sambiton an kabilangan kan mga regular payunir sa kongregasyon. Sabihon an mga paagi na mapaparigon niato an boot ninda, siring baga kan pagtao nin komendasyon, pagtaram nin positibo manongod sa ministeryo bilang payunir, pag-iba sa sainda sa paglilingkod, pag-imbitar sa sainda sa pagkakan, asin pagtabang sa pamasahe. Imbitaran an mga regular payunir na magkomento kun paano an iba nakaparigon sa boot ninda. Kun an kongregasyon mayo nin regular payunir, ipakipag-olay kun paano niato mapaparigon an boot kan mga nag-o-auxiliary payunir.
20 min: “Puede daw Kamong Makapoon nin Pag-adal sa Biblia sa Setyembre?”b Magkaigwa nin duwang demonstrasyon na ginagamit an mga suhestion sa parapo 2 asin 3. Sa kada pag-atubang, pumili nin tema na angay sa lokal na teritoryo.
Kanta 37 asin pantapos na pamibi.
Semana nin Setyembre 4
10 min: Lokal na mga paisi.
15 min: Lokal na mga pangangaipo.
20 min: “Magpaheling nin Personal na Interes—Paagi sa Paghuhulit na Daing Pagpaorog.”c Kun pinag-oolayan an Roma 1:14, na sinitar sa poro kan parapo 2, iiba an halipot na mga komento sa Insight, Volume 1, pahina 255, sa enot na parapo sa irarom kan temang “Barbarian.” Pagkatapos na ipakipag-olay an parapo 3, repasohon an tolong lakdang na sinabi sa pahina 2 kan pulyetong Good News for People of All Nations, asin idemonstrar kun paano gagamiton an pulyeto sa mga tawo sa lokal na teritoryo na iba an lenguahe.
Kanta 225 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.