Repaso sa Teokratikong Paadalan sa Pagmiministro

An minasunod na mga hapot pag-oolayan sa Teokratikong Paadalan sa Pagmiministro durante kan semana poon Abril 30, 2007. Pamamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Marso 5 sagkod Abril 30, 2007. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]

MGA KUALIDAD SA PAGTARAM

1. Paano niato mapagdadanay na simple an satong outline sa pahayag? [be p. 168 par. 4]

2. Sabihon an apat na paagi na ikakaatubang niato sa lohikong paagi an materyales. [be p. 170 par. 3–p. 172 par. 4]

3. Anong mga bagay an maninigo niatong girumdomon kun dinedeterminaran kun ano an iiiba sa sarong pahayag? [be p. 173 par. 1-2]

4. Ano an nagkapirang pakinabang sa ekstemporanyong pagtaram? [be p. 175 par. 2-4]

5. Taano ta importante an pagpahayag na garo sana nakikipag-olay, asin paano niato mapapatalubo an kualidad na ini? [be p. 179 par. 4 asin kahon; kahon sa p. 180]

ASIGNASYON NUM. 1

6. Paano maninigong mag-andam an sarong tugang na lalaki kun naasignaran na mag-atubang nin tampok na mga kabtang sa semanal na babasahon sa Biblia? [be p. 47 par. 3-4]

7. Ano an mas mahalaga nanggad manongod sa pantubos ni Cristo kisa sa mga pakinabang na inaako niato paagi kaiyan? [w05 11/1 p. 14 par. 1]

8. Paano maninigong gamiton an mga teksto sa sarong pampublikong pahayag? [be p. 53 par. 1-2]

9. Ano an obheto ni Jesus bilang paratokdo, asin paano niato sia maaarog? [be p. 57 par. 1]

10. Taano an paggamit nin kalaenan nin duwang bagay ta epektibo sa pagtotokdo? [be p. 57 par. 3-4]

SEMANAL NA BABASAHON SA BIBLIA

11. Paano niato mahihingoang iaplikar an konseho sa Jeremias 6:16 na lumakaw sa “mga dalan kan suanoy, kun saen man nanggad an marahay na dalan”?

12. Taano ta pinili ni Jehova an kagang bilang praktikal na leksion dapit sa bakong maimbod na mga Judio, asin ano an manonodan niato digdi? (Jer. 8:7)

13. Paano niato ikakaaplikar an Jeremias 15:17 sa satong pagmansay sa pag-aling-aling ngonyan?

14. Paanong an mga tawo garo dalipay sa kamot kan Dakulang Parakoron, si Jehova? (Jer. 18:5-11)

15. Ano an kahulogan para sa satong panahon kan pagkasunodsunod na pagkasurat kan mga nasyon sa Jeremias 25:17-26?