Iskedyul sa Pagtiripon sa Paglilingkod
Semana nin Hunyo 11
10 min: Lokal na mga paisi. Ginagamit an mga suhestion na nasa pahina 4 o iba pang presentasyon na angay sa saindong teritoryo, idemonstrar kun paano iaalok an Torrengbantayan na Hunyo 15 asin an Awake! na Hunyo.
15 min: Biyong Nasangkapan Bilang mga Paratokdo kan Tataramon nin Dios. Pahayag basado sa Torrengbantayan na Pebrero 15, 2002, pahina 23-7. An nagkapirang Kristiano nagduduwaduwa na mag-alok nin pag-adal sa Biblia sa mga interesado huli ta sa pagmate ninda bako sindang kualipikado na magkondukta nin pag-adal sa Biblia. Minsan siring, pinagigin kualipikado kita ni Jehova bilang mga ministro paagi sa saiyang Tataramon, banal na espiritu, asin organisasyon. An satong pasohan bako sanang makapasakamot nin mga babasahon. Maninigo kitang maghingoa na tokdoan an mga tawo. (Mat. 28:19, 20) Parigonon an boot kan mga parahayag na pirmeng isaisip an pasohan na makapoon nin mga pag-adal sa Biblia.
20 min: Gibohon an Gabos na Bagay sa Ikakamuraway nin Dios. Pahayag asin pakikipag-olay sa mga nagdadangog basado sa Organisado sa Paggibo kan Kabotan ni Jehova, kapitulo 13.
Kanta 144 asin pantapos na pamibi.
Semana nin Hunyo 18
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: Nagigirumdoman daw Nindo? Pakikipag-olay sa mga nagdadangog basado sa Torrengbantayan na Abril 15, 2007, pahina 19.
20 min: “Naoogma Kitang Gamiton an Satong Sadiri sa Paglilingkod ki Jehova!”a Imbitaran an mga nagdadangog na komentohan an sitadong mga teksto sagkod na may oras.
Kanta 82 asin pantapos na pamibi.
Semana nin Hunyo 25
10 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion na nasa pahina 4 o iba pang presentasyon na angay sa saindong teritoryo, idemonstrar kun paano iaalok an Torrengbantayan na Hulyo 1 asin an Awake! na Hulyo.
15 min: Lokal na mga pangangaipo.
20 min: “Puede daw Kamong Lumaog sa ‘Sarong Dakulang Pinto na Pasiring sa Gibohon’?”b Interbiohon sa halipot an saro o duwang regular payunir. Anong mga pagliliwat an ginibo ninda tanganing makapag-regular payunir? Anong mga bendisyon an nakamtan ninda?
Kanta 138 asin pantapos na pamibi.
Semana nin Hulyo 2
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Hunyo. Sambiton na iaalok niato an mga brosyur sa Hulyo, dangan magkaigwa nin sarong demonstrasyon kun paano ikakapresentar nin epektibo an brosyur na Kahagadan.
15 min: Impormal na Pagpapatotoo—Sarong Mahalagang Paagi nin Paghuhulit kan Maogmang Bareta. Pakikipag-olay sa mga nagdadangog basado sa Organisado sa Paggibo kan Kabotan ni Jehova, pahina 101-2. Isuherir an nagkapirang praktikal na paagi tanganing makapagpatotoo sa impormal na paagi. Imbitaran an mga nagdadangog na iestorya an nakakaparigon sa boot na mga eksperyensia ninda kun naghuhulit sa impormal na paagi.
20 min: “Padagos na ‘Mamunga nin Dakol.’”c Kun pinag-oolayan an parapo 4, iiba an mga komento sa kahon na “Kun Paano ‘Magbubunga na May Pakatagal,’” sa Torrengbantayan na Pebrero 1, 2003, pahina 21.
Kanta 69 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.