Iskedyul sa Pagtiripon sa Paglilingkod
Semana nin Agosto 11
10 min: Lokal na mga paisi. Pakomentohon an mga nagdadangog dapit sa mga artikulo sa bagong mga magasin na sa heling ninda magugustohan kan mga tawo sa teritoryo. Imbitaran an mga nagdadangog na magsambit nin espesipikong mga punto sa mga artikulo na plano nindang itampok. Ano an puedeng ihapot tanganing makapoon nin pakikipag-olay? Arin na teksto sa artikulo an puedeng basahon sa panahon na iyan? Magkaigwa nin mga demonstrasyon na nagpapaheling kun paano puedeng magamit an isinuherir na mga presentasyon.
15 min: Gibohon an Kabotan nin Dios—Na Mayong Disturbo. Pahayag basado sa librong “Madia Magin Parasunod Taka,” pahina 93-94, parapo 12-13.
20 min: “Lubos daw Nindong Ginagamit Iyan?”a Interbiohon an sarong parahayag na nagkaigwa nin eksperyensia sa paggamit nin saro sa bagong mga kabtang kan pampublikong edisyon kan An Torrengbantayan. Puedeng iakto an eksperyensia. Siring man, basado sa parapo 2, idemonstrar kun paano makakapoon nin pag-adal na ginagamit an kabtang na “What We Learn From Jesus,” sa Watchtower na Agosto 1.
Semana nin Agosto 18
10 min: Lokal na mga paisi. Piniling Mga Paisi sa An Satong Ministeryo sa Kahadean. Pagirumdomon an mga nagdadangog na darahon an Watchtower na Setyembre 1 asin an Awake! na Setyembre sa Pagtiripon sa Paglilingkod sa masunod na semana asin na magin andam na pag-olayan kun paano ini puedeng ialok sa lokal na teritoryo.
15 min: Nagtataong Onra ki Jehova an Satong Paggubing Asin Pagpakarhay sa Sadiri. Ipapahayag nin sarong magurang sa kongregasyon. Huling si Jehova sarong banal na Dios, sarong prioridad sa saiyang banwaan an pisikal na kalinigan. (Ex. 30:17-21; 40:30-32) Paagi sa satong arogan na paggubing asin pagpakarhay sa sadiri, lalo na sa satong ministeryo, napapaogma asin napapamuraway niato si Jehova. (1 Ped. 2:12) Sa ibong na lado, kun dai niato magigibo iyan, ‘an tataramon nin Dios puedeng mapagtaraman na may panlilibak.’ (Tito 2:5) Magsaysay nin lokal o ipinublikar na mga eksperyensia na nagpapaheling kun paanong an arogan na hitsura nin sarong parahayag nagbunga nin patotoo.
20 min: “Sunodon nin Estrikto an Saiyang mga Lakad.”b Sagkod na itinotogot kan oras, imbitaran an mga nagdadangog na komentohan an sitadong mga teksto.
Semana nin Agosto 25
10 min: Lokal na mga paisi. Basahon an report sa kuenta asin pasasalamat sa donasyon.
15 min: Lokal na mga pangangaipo.
20 min: Mag-andam sa Pag-alok kan Watchtower na Setyembre 1 asin Awake! na Setyembre. Pakikipag-olay sa mga nagdadangog. Magtao nin halipot na sumaryo kan laog kan mga magasin, asin hapoton an mga nagdadangog kun arin na mga artikulo an puedeng magustohan kan mga tawo sa lokal na teritoryo. Anong hapot asin teksto an puedeng magamit tanganing iintrodusir an tema? Idemonstrar kun paano puedeng gamiton an sarong sampol na presentasyon sa An Satong Ministeryo sa Kahadean. Ipademonstrar sa saro sa mga magurang sa kongregasyon an sarong halipot na presentasyon na inandam nia basado sa sarong artikulo na magigin angay sa lokal na teritoryo.
Semana nin Setyembre 1
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Agosto.
20 min: Napapasuway Alagad Dai Nalilingawan. Pahayag basado sa Torrengbantayan na Abril 15, 2008, pahina 25-28. Sambiton an siisay man na Kristiano sa kongregasyon na nag-iistar sa lokal na klinika sa pag-ataman sa mga gurang. Kun mayo, gamiton an mga prinsipyo sa artikulo tanganing dagkahon an kongregasyon na suportaran an siisay man na mga maluya an hawak o idtong mga limitado an kakayahan na makapartisipar sa aktibidad kan kongregasyon.
15 min: Magpoon nin Pag-adal sa Biblia sa Enot na Pagdalaw Ngonyan na Setyembre. Pakikipag-olay sa mga nagdadangog. Ngonyan na Setyembre satong iaalok an librong Itinotokdo kan Biblia asin hihingoahon na ipakipag-olay sa kagharong an pirang parapo sa enot na pagdalaw. Repasohon an mga suhestion sa suplemento kan An Satong Ministeryo sa Kahadean na Enero 2006 asin magkaigwa nin saro o duwang demonstrasyon na nagpapaheling kun paano makakapoon nin pag-adal sa Biblia sa enot na pagdalaw.
[Nota sa Ibaba]
a Dai dapat magsarong minuto an introduksion, asin sundan iyan nin hapot-simbagan.
b Dai dapat magsarong minuto an introduksion, asin sundan iyan nin hapot-simbagan.