Iskedyul sa Pagtiripon sa Paglilingkod
PASABOT: An Satong Ministeryo sa Kahadean maiskedyul nin Pagtiripon sa Paglilingkod para sa kada semana durante kan mga bulan nin kombension. Puedeng gumibo nin pagliliwat an mga kongregasyon kun kaipuhan tanganing makaatender sa “Ginigiyahan kan Espiritu nin Dios” na Pandistritong Kombension. Kun saen angay, gumamit nin 15 minutos sa huring Pagtiripon sa Paglilingkod bago umatender sa kombension tangani na otrohon an hatol asin mga pagirumdom hale sa suplemento ngonyan na bulan na aplikado sa lokal. Saro o duwang bulan pakalihis kan kombension nindo, magtagama nin 15 sagkod 20 minutos sa Pagtiripon sa Paglilingkod (na tibaad ginagamit an kabtang na lokal na mga pangangaipo) para sa repaso kan mga punto hale sa kombension na nanompongan nin mga parahayag na nakakatabang sa ministeryo. An repaso maninigong pangenotan kan paraataman sa paglilingkod.
Semana nin Oktubre 13
10 min: Lokal na mga paisi. Ipaliwanag an lokal na mga areglo para sa espesyal na kampanya nin pulyeto na mapoon sa Oktubre 20, asin dagkahon an gabos na magkua nin suplay kan mga pulyeto kun dai pa ninda nagibo iyan. Repasohon nin halipot an sampol na mga presentasyon para sa Torrengbantayan na Oktubre-Disyembre asin Awake! na Oktubre na makukua sa pahina 8. Huling dakol na parahayag an nag-aalok na kan mga magasin na ini sa laog nin pirang semana, imbitaran an mga nagdadangog na magsaysay kan nagin eksperyensia ninda.
35 min: “Bagong Iskedyul sa Pagtiripon kan Kongregasyon.”* Sagkod na may oras, basahon an sitadong mga teksto asin imbitaran an mga nagdadangog na komentohan an mga iyan.
Semana nin Oktubre 20
5 min: Lokal na mga paisi. Piniling Mga Paisi sa An Satong Ministeryo sa Kahadean.
30 min: “Sarong Okasyon na Magkakan sa Espirituwal Asin Maggayagaya.”a Pangengenotan kan sekretaryo kan kongregasyon. Sambiton an kombension na dian nakaasignar an kongregasyon. Repasohon an kahon na “Mga Pagirumdom sa Pandistritong Kombension.”
10 min: Mag-andam sa Pag-alok kan Watchtower na Nobyembre 1 asin Awake! na Nobyembre. Pagkatapos na magtao nin halipot na sumaryo kan laog kan mga magasin, hapoton an mga nagdadangog kun arin na mga artikulo an sa paghona ninda puedeng tawan nin espesyal na interes nin dakol na tawo sa lokal na teritoryo. Ipasaysay sa sainda kun taano. Imbitaran an mga nagdadangog na magsuherir nin angay na hapot na plano nindang gamiton tanganing makapoon nin pag-orolay, asin nin teksto hale sa artikulo na gagamiton bago ialok an mga magasin. Tataposon kan ispiker an saiyang kabtang paagi sa pagdemonstrar kun paano puedeng ialok an kada magasin, na ginagamit an sampol na mga presentasyon sa pahina 8.
Semana nin Oktubre 27
5 min: Lokal na mga paisi. Basahon an report sa kuenta asin mga pasasalamat sa donasyon.
10 min: Lokal na mga pangangaipo.
30 min: “Mahalagang Marhay an Personal Asin Pampamilyang Pag-adal sa Biblia!”b Sagkod na may oras, basahon an sitadong mga teksto asin imbitaran an mga nagdadangog na komentohan an mga iyan.
Semana nin Nobyembre 3
15 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Oktubre. Siring man, pakikipag-olay sa mga nagdadangog dapit sa “Hapot” sa pahina 3.
15 min: Papagdanayon an Kagayagayahan sa Ministeryo. Nakakaparigon sa boot na pahayag basado sa An Torrengbantayan na Hulyo 1, 2005, parapo 11-17, pahina 24-25. Iiba an interbio sa saro o duwa na haloy nang maimbod na lingkod ni Jehova. Paano ninda napapagdanay an kagayagayahan kun an mga tawo dai naghihimate?
15 min: Paoswagon an Saindong “Abilidad sa Pagtotokdo.” Sasambiton asin kokomentohan nin halipot kan paraataman sa paglilingkod, o nin sarong kualipikadong magurang sa kongregasyon, an limang pangenot na paagi na kaipuhan sa epektibong pagtotokdo na yaon sa Torrengbantayan na Enero 15, 2008, pahina 9-12, parapo 5-18. Interbiohon an saro o duwang parahayag na naniniwala na natabangan sinda kan impormasyon na ini na umoswag sa saindang abilidad sa pagtotokdo.
[Mga Nota sa Ibaba]
a Dai dapat magsarong minuto an introduksion, asin sundan iyan nin hapot-simbagan.
b Dai dapat magsarong minuto an introduksion, asin sundan iyan nin hapot-simbagan.