Repaso sa Teokratikong Paadalan sa Pagmiministro

An minasunod na mga hapot pag-oolayan sa Teokratikong Paadalan sa Pagmiministro durante kan semana poon Agosto 31, 2009. Pamamayohan kan paraataman sa paadalan an 20 minutos na repaso basado sa mga reperensia na kinobrehan sa mga asignasyon para sa mga semana nin Hulyo 6 sagkod Agosto 31, 2009.

1. Taano ta kagadanan an padusang ipinagboot sa siisay man na ‘nagmamaldisyon’ sa saiyang mga magurang? (Lev. 20:9) [w04 5/15 p. 24 par. 6]

2. Mantang kahagadan sa gabos na lalaking Israelita na magin presente sa Kapiestahan kan mga Tinapay na Mayo nin Lebadura, siisay an nag-ani kan enot na mga bunga kan dolot na sebada? (Lev. 23:5, 11) [w07 7/15 p. 26 par. 3]

3. Ano an ipinanganino kan taon nin Jubileo? (Lev. 25:10, 11) [w04 7/15 p. 26-27]

4. Igwa daw nin ano man na relihiosong kahulogan sa Israel an “mga tanda” na nasambitan sa Bilang 2:2? [w02-E 9/15 p. 21 par. 4]

5. Anong espiritu na kaagid kan ipinaheling kan mga Nazareo sa suanoy na Israel an ipinapaheling ngonyan kan bilog na panahon na mga parabalangibog kan Kahadean? (Bil. 6:3, 5, 6) [w04 8/1 p. 24-25]

6. Anong prinsipyo kan ley dapit sa pagretiro nin mga Levita an ikakaaplikar sa mga lingkod ni Jehova ngonyan? (Bil. 8:25, 26) [w04 8/1 p. 25 par. 1]

7. Paano nagpaheling nin “paslong pagmawot” an mga Israelita, asin anong leksion an makukua digdi para sa mga Kristiano ngonyan? (Bil. 11:4) [w01 6/15 p. 14-15; w95 3/1 p. 16 par. 10]

8. Taano ta si Miriam sana an nagkalepra, asin anong mahalagang leksion an manonodan digdi? (Bil. 12:9-11) [w04 8/1 p. 26 par. 2; it-2-E p. 415 par. 1]

9. Ano an boot sabihon ni Josue asin Caleb kan apodon ninda na “tinapay” an mga nag-eerok sa Canaan? (Bil. 14:9) [w06 10/1 p. 16 par. 5; it-1-E p. 363-364]

10. Anong panalmingan an itinatao kan Bilang 21:5? [w99 8/15 p. 26-27]