Iskedyul sa Semana nin Hunyo 28
SEMANA NIN HUNYO 28
□ Pag-adal sa Biblia kan Kongregasyon:
cf kap. 6 ¶19-25 asin kahon sa p. 65
□ Teokratikong Paadalan sa Pagmiministro:
Babasahon sa Biblia: 1 Hade 3-6
Repaso sa Teokratikong Paadalan sa Pagmiministro
□ Pagtiripon sa Paglilingkod:
5 min: Mga paisi.
15 min: Mag-andam sa Pag-alok kan mga Magasin sa Hulyo. Pakikipag-olay sa mga nagdadangog. Repasohon nin saro sagkod duwang minuto an laog kan mga magasin. Dangan pumili nin duwa o tolong artikulo, asin imbitaran an mga nagdadangog na magsuherir nin mga hapot saka teksto na magagamit sa presentasyon. Idemonstrar kun paano puedeng ialok an lambang magasin. Taposon paagi sa saro pang demonstrasyon na nagpapaheling kun paano puedeng makapoon nin pag-adal sa Biblia sa pagdalaw liwat.—Helingon an km 4/07 p. 4.
15 min: Sinanay Poon sa Pagkaomboy. Pakikipag-olay sa mga nagdadangog. Midbid si Timoteo na maigot asin ekspertong ebanghelisador. (Fil. 2:20-22) An sarong dahelan kaini iyo an espirituwal na pundasyon na inako nia hale sa saiyang ina asin lola poon kan sia omboy pa. (2 Tim. 1:5; 3:15) An minasunod na sono sa Kasuratan na mga suhestion makakatabang sa mga magurang na sanayon an saindang mga aki na magin matibay na ebanghelisador. (1) Iiba an saindong aki sa ministeryo sa pinakaamay na panahon na mapupuede; sanayon sia na makikabtang segun sa saiyang edad asin kakayahan. (Tal. 22:6) (2) Magin marahay na halimbawa paagi sa paggibo sa ministeryo na prioridad nindo. (Fil. 1:9, 10) (3) Itadom an pagkamoot asin pag-apresyar sa paghuhulit durante kan Pampamilyang Pagsamba asin sa iba pang panahon. (Deut. 6:6, 7) (4) Sa saindong paggawe asin pagtaram, magin positibo manongod sa ministeryo. (Fil. 3:8; 4:8; 1 Tim. 1:12) (5) Ugaleon an regular na pakikikabtang sa ministeryo bilang pamilya. (Gibo 5:41, 42) (6) Makiasosyar sa maigot na mga ministro. (Tal. 13:20) Imbitaran an mga nagdadangog na magkomento dapit sa espesipikong mga bagay na ginibo kan saindang mga magurang tanganing tabangan sindang magkaigwa nin nakakaogma asin epektibong ministeryo.