Mga Reperensiya Para sa Workbook sa Pagtiripon na Pamumuhay Asin Ministeryo
© 2024 Watch Tower Bible and Tract Society of Pennsylvania
MAYO 6-12
KAYAMANAN NA YAON SA TATARAMON NIN DIYOS | SALMO 36-37
“Dai Ka Maanggot nin Huli sa mga Maraot”
Ano an Mawawara Kun Mag-abot Na an Kahadian nin Diyos?
4 Paano kita apektado ngunyan kan mga maraot na tawo? Ihinula ni apostol Pablo na magigin “delikado asin masakit [an] panahon” na kinabubuhayan niyato. Dangan, pinasabngan siyang isurat: “An mga maraot na tawo asin impostor lalo pang magigin maraot.” (2 Tim. 3:1-5, 13) Nahihiling mo daw na nauutob na an hulang iyan? Dakul sa sato an nabiktima na nin mga maraot na tawo, arog nin bayolenteng mga bully, maisog na mga panatiko, asin madahas na mga kriminal. An iba sa sainda hayagan na naggigibo nin maraot; an iba man mga impostor na nagsasagin na matanos asin na may halangkaw na pamantayan sa moral. Dawa bako kita an mismong nabiktima, apektado pa man giraray kita kan mga maraot na tawong iyan. Nangingiri kitang marhay pag nababaretaan niyato an makatatakot na mga gibo ninda. Nakakapanggirabo an daing hirak na paggadan ninda sa mga aki, gurang, asin sa mga daing kalaban-laban. Ipinapahiling kan mga gibo ninda an mga ugaling bakong sa-tawo—mga ugaling sa-hayop, sa-demonyo pa ngani. (Sant. 3:15) Marahay na sana ta sa ibong kan mamundong mga baretang iyan, may maugmang bareta sa Tataramon ni Jehova.
Binebendisyunan ni Jehova an mga Nagpapatawad
10 An pagtanom nin kulog nin buot nakakadanyar. Gusto ni Jehova na mamatian niyato an kaginhawahan na resulta kan paghali niyato kan nakakapagabat sato na kulog nin buot. (Basahon an Efeso 4:31, 32.) Sinasadol niya kita na ‘halion an pagkaanggot asin bayaan an grabeng kaanggutan.’ (Sal. 37:8) Makikinabang kita kun susunudon ta an sadol na iyan. An pagtanom nin kulog nin buot puwedeng magkaigwa nin maraot na epekto sa satong pisikal asin mental na salud. (Tal. 14:30) An padagos na pagtanom ta nin kulog nin buot dai magkakaigwa nin maraot na epekto sa nakakulog sa buot ta, garo man lang iyan nag-iinom kita nin hilo na kita mismo an nadadanyaran bako an nakakulog sa satong buot. Pero, kun pinapatawad ta an iba, tinatawan ta nin regalo an sadiri ta. (Tal. 11:17) Magkakaigwa kita nin matuninong na isip asin kalmadong puso, asin makakapagpadagos kita sa paglilingkod ta ki Jehova.
“Magkaigwa nin Labi-labi Nanggad na Kaogmahan ki Jehova”
20 Dangan, “an mga mahoyo mismo makasasadiri kan daga.” (Salmo 37:11a) Alagad sairisay an “mga mahoyo” na ini? An termino na trinadusir na “mahoyo” hale sa orihinal na termino na nangangahulogan “papagsakiton nin makuri, pakumbabaon, ibaba.” Iyo, “an mga mahoyo” iyo an mga mapakumbabang naghahalat ki Jehova na itanos an gabos na inhustisya na ginigibo sa sainda. “Tunay na manonompongan ninda an saindang labi-labi nanggad na kaogmahan sa nagsosopay na katoninongan.” (Salmo 37:11b) Dawa ngonyan nakaeeksperyensia kita nin nagsosopay na katoninongan sa espirituwal na paraiso na konektado sa tunay na Kristianong kongregasyon.
Espirituwal na Kayamanan
Bundok
Pagiging matatag, permanente, o matayog. Kinikilalang matatag at permanente ang mga bundok. (Isa 54:10; Hab 3:6; ihambing ang Aw 46:2.) Kaya naman nang banggitin ng salmista na ang katuwiran ni Jehova ay tulad ng “mga bundok ng Diyos” (Aw 36:6), maaaring ang ibig niyang sabihin ay na di-makikilos ang katuwiran ni Jehova. O, yamang ang mga bundok ay matayog, maaaring ipinahihiwatig nito na ang katuwiran ng Diyos ay lalong higit na mataas kaysa sa katuwiran ng tao. (Ihambing ang Isa 55:8, 9.) May kaugnayan sa pagbubuhos ng ikapitong mangkok ng galit ng Diyos, sinasabi ng Apocalipsis 16:20: “Ang mga bundok ay hindi nasumpungan.” Ipinahihiwatig nito na maging ang mga bagay na kasintayog ng mga bundok ay hindi makatatakas sa pagbubuhos ng galit ng Diyos.—Ihambing ang Jer 4:23-26.
MAYO 13-19
KAYAMANAN NA YAON SA TATARAMON NIN DIYOS | SALMO 38-39
Dai Pagpagabatan an Sadiri Huli sa Sobrang Pagkakonsiyensiya
“Maghiling nin Diretso” sa Puturo
12 Basahon an 1 Juan 3:19, 20. Gabos kita nakakamati nin pagkakonsiyensiya. Halimbawa, nakokonsiyensiya an iba sa mga ginibo ninda bago ninda naaraman an katotoohan. An iba man nakokonsiyensiya sa mga nagibo nindang sala kan bawtisado na sinda. Normal an arog kaiyan na pagmati. (Roma 3:23) Siyempre, gusto tang gibuhon an tama. Pero “gabos . . . kita napapasala nin dakul na beses.” (Sant. 3:2; Roma 7:21-23) Dawa ngani bakong marahay sa pagmati an pagkakonsiyensiya, may mga pakinabang iyan sa sato. Taano? Huling an pakamati nin pagkakonsiyensiya nakakapahiro sa sato na itanos an satong direksiyon asin magin determinadong dai na utruhon an mga sala tang nagibo.—Heb. 12:12, 13.
13 Alagad, posibleng makamati kita nin sobrang pagkakonsiyensiya—buot sabihon, padagos kitang nakokonsiyensiya dawa nagsulsol na kita asin ipinahiling na sa sato ni Jehova na pinatawad na niya kita. Nakakadanyar an arog kaiyan na pagkakonsiyensiya. (Sal. 31:10; 38:3, 4) Taano? Pag-isipan an halimbawa nin sarong sister na padagos na nakokonsiyensiya huli sa mga nagibo niyang sala kaidto. Sinabi niya: “Namatian ko na mas marahay pa na dai na lang ako magmaigot sa paglilingkod ki Jehova ta ‘baad huri na man an gabos.” Dakul sa sato an tibaad namatian na man iyan. Mahalagang marhay na mag-ingat kita sa siod nin sobrang pagkakonsiyensiya. Ta kun dai, isipa na sana kun gurano kaugma si Satanas kun mapundo na kita sa paglilingkod ki Jehova, dawa ngani namumutan pa man giraray kita ni Jehova!—Ikumparar an 2 Corinto 2:5-7, 11.
Paano Niato Magigibong May Halaga an Satong mga Aldaw sa Atubangan ni Jehova?
AN MGA aldaw kan satong buhay garo baga dikit asin madaling mawara. Pinensar ni salmista David an kahalipotan nin buhay asin napahirong mamibi: “Ipaaram mo sako, O Jehova, an sakong kasagkoran, asin an sokol nin sakong mga aldaw—kun ano iyan, tanganing maaraman ko kun paanong ako naagi sana. Uya! Ginibo mong pipira sana an sakong mga aldaw; asin an lawig nin sakong buhay garo daing ano man sa atubangan mo.” An iniisip ni David iyo an mamuhay sa paagi na mapapaogma an Dios, paagi sa saiyang pagtaram sagkod paagi sa saiyang mga ginigibo. Ipinapahayag an saiyang pagsarig sa Dios, sia nagsabi: “An sakong paghalat nasa saimo.” (Salmo 39:4, 5, 7) Naghinanyog si Jehova. Sinokol nanggad nia an mga ginigibo ni David asin binalosan sia segun dian.
Madaling magin sibot sa lambang minuto kan aldaw asin magapos sa buhay na marikas an dalagan asin pano nin mga gibohon. Puedeng ikahadit niato ini, nangorogna kun kadakol kan dapat na gibohon asin maeksperyensiahan saka kakadikit kan panahon tanganing gibohon iyan. Kapareho daw kan ki David an satong iniisip—an mamuhay sa paagi na makamtan an pag-oyon nin Dios? Daing duwa-duwa, talagang minamasdan asin maingat na sinisiyasat ni Jehova an lambang saro sato. Rinekonoser ni Job, sarong tawong may takot sa Dios, kaidtong mga 3,600 na taon na an nakaagi na naheling ni Jehova an saiyang mga ginigibo asin binilang an gabos niang lakad. Naghapot si Job sa retorikong paagi: “Kun sia makipagkuenta na, ano an ikakasimbag ko sa saiya?” (Job 31:4-6, 14) Posibleng magibo niatong may halaga an satong mga aldaw sa atubangan nin Dios paagi sa pagbugtak nin espirituwal na mga prioridad, pagkuyog sa saiyang mga pagboot, asin paggamit kan satong panahon sa madonong na paagi. Estudyaran niato nin mas maingat an mga bagay na ini.
Kun Paano Papakusugon Giraray an Pagigin Mag-amigo Nindo ni Jehova
Parating makipag-ulay ki Jehova. Nasasabutan kan saimong Ama na, dahil sa padagos na pagkakonsiyensiya, puwedeng magin dipisil saimo na mamibi saiya. (Roma 8:26) Dawa arog kaiyan, “magin matiyaga sa pagpamibi,” na sinasabi ki Jehova kun gurano mo kagustong magin amigo siya. (Roma 12:12) Nagigirumduman ni Andrej: “Grabe an pagkakonsiyensiya saka pagkasupog ko. Pero sa kada pagpamibi ko, nababawasan iyan. Nagigin mas matuninong an isip ko.” Kun dai mo aram an sasabihon sa pamibi, pag-isipan an mga pamibi kan nagsusulsol na si Hading David na mababasa sa Salmo 51 asin 65.
Espirituwal na Kayamanan
Patunayan Mong Mapagtitiwalaan Ka
16 An pagpupugol sa sadiri mahalagang marhay para makua ta an tiwala kan iba. An kuwalidad na iyan nakakatabang sa sato na pugulan an satong mga ngabil pag natetentaran kitang sabihon sa iba an sarong bagay na dai ta dapat ipangistorya. (Basahon an Talinhaga 10:19.) Tibaad masakitan kitang pugulan an satong sadiri pag naggagamit kita nin social media. Kun dai kita mag-iingat, puwede tang maihayag nin dai tinutuyo an kumpidensiyal na mga bagay sa dakul na tawo. Asin pag naipalakop ta na an impormasyon na iyan sa social media, dai na niyato makokontrol kun paano iyan gagamiton o kun gurano kadakula an puwedeng magin danyos kaiyan. Makakatabang man sa sato an pagpupugol sa sadiri na magdanay na silensiyo pag linalansi kita kan mga nagkokontra na maghayag nin mga bagay na puwedeng magsapeligro sa satong mga tugang. Puwedeng mangyari ini pag inuusisa kita kan mga pulis sa nasyon kun sain an satong gibuhon ipinagbabawal o may restriksiyon. Sa mga sitwasyon na ini asin sa iba pa, puwede tang iaplikar an prinsipyong “bantayan [an satong] nguso paagi sa pagbusal kaiyan.” (Sal. 39:1) Kita man nasa laog kan satong pamilya, kaiba kan satong mga amigo o mga tugang, o nin siisay pa man, kaipuhan tang magin mapagtitiwalaan. Asin tanganing magin mapagtitiwalaan, kaipuhan ta an pagpupugol sa sadiri.
MAYO 20-26
KAYAMANAN NA YAON SA TATARAMON NIN DIYOS | SALMO 40-41
Taano ta Nagtatabang Kita sa Iba?
Maugma an mga Matinao
16 An mga tawong tunay na matinao dai naglalaom nin balos pag nagtatao sinda. Nasa isip iyan ni Jesus kan itukdo niya: “Pag naghahanda ka nin bangkete, imbitaran mo an mga pobre, an mga kimay, an mga pilay, an mga buta; asin magigin maugma ka, huli ta dai sinda nin ano man na ikakabalos sa saimo.” (Luc. 14:13, 14) ‘[An matinao] bebendisyunan,’ an sabi kan pinasabngan na kagsurat. An saro pa nagsabi: “Maugma an siisay man na nagpapahiling nin konsiderasyon sa sarong hamak.” (Tal. 22:9, BPV; Sal. 41:1, NW) Iyo, dapat kitang magin matinao huling magigi kitang maugma sa pagtabang sa iba.
17 Kan kotaron ni Pablo an sinabi ni Jesus na “igwang urog na kaugmahan sa pagtao kisa sa pag-ako,” an nasa isip ni Pablo bako sana an pagtao nin materyal na mga bagay kundi pati man an pagtao nin pampakusog nin buot, paggiya, asin tabang sa mga nangangaipo kaiyan. (Gibo 20:31-35) Paagi sa saiyang tataramon asin halimbawa, itinukdo sa sato kan apostol na magin matinao kita kan satong panahon, kusog, atensiyon, asin pagkamuot.
18 Naobserbaran man kan mga parasiyasat sa social science na an pagtao nakakapaugma sa mga tawo. Sigun sa sarong artikulo, “sinabi kan mga tawo na nagin mas maugma sindang marhay pagkatapos nindang maggibo nin marahay na mga bagay para sa iba.” Sinasabi kan mga parasiyasat na an pagtabang sa iba mahalagang marhay tanganing “mas mamatian nin mga tawo na may katuyuhan asin kahulugan” an buhay ninda “huling napapaniguan kaiyan an panginot na pangangaipo nin tawo.” Kaya sa parati, irinerekomendar kan mga eksperto an pagboboluntaryo sa pampublikong paglilingkod tanganing magrahay an salud asin magin mas maugma. Dai na digdi nagngangalas an mga indibidwal na minimidbid an Bibliya bilang an Tataramon kan mamumuton na Kagdisenyo kan mga tawo, si Jehova.—2 Tim. 3:16, 17.
Aatamanon Ka ni Jehova
7 Pero, kun may hilang kita, makakalaom kita na rarangahon asin aalalayan kita nin Diyos saka tatawan nin kadunungan, arog kan ginibo niya sa mga lingkod niya kaidto. Si Hading David nagsurat: “Maugma an siisay man na nagpapahiling nin konsiderasyon sa tawong hamak; ililigtas siya ni Jehova sa aldaw nin kapahamakan. Babantayan siya ni Jehova asin papagdanayon siyang buhay.” (Sal. 41:1, 2, NW) Aram niyato na kan panahon ni David, dai man nagdanay na buhay an siisay man na nagpahiling nin konsiderasyon sa hamak na mga tawo. Kaya, dai buot sabihon ni David na an siring na makonsiderasyon na tawo milagrosong magdadanay na buhay o magkakaigwa nin buhay na daing katapusan. Puwede niyatong sabuton an ipinasabong na tataramon na iyan bilang panuga na tatabangan nin Diyos an maimbod asin makonsiderasyon na tawo. Paano? Ipinaliwanag ni David: ‘Aatamanon siya ni Jehova sa ibabaw kan higdaan nin kasakitan; [sasalidahan] mo an bilog niyang higdaan sa [panahon kan] paghilang niya.’ (Sal. 41:3) Iyo, makakasigurado an siisay man na nagpahiling nin konsiderasyon sa hamak na mga tawo na aram kan Diyos an saiyang kamugtakan asin dai niya lilingawan an saiyang kaimbudan. Asin an pagkadisenyo nin Diyos sa hawak na may kakayahan na magpaumay sa sadiri, tibaad makatabang man sa saiya.
Arugon an Pagmalasakit ni Jehova
17 Iyo, marahay sa sato an pagigin mapagmalasakit, pero an panginot na dahilan kaya gusto niyatong ipahiling iyan iyo na gusto niyatong arugon asin mapamuraway an Gikanan kan pagkamuot asin pagmalasakit, an Diyos na Jehova. (Tal. 14:31) Itinao niya an perpektong halimbawa para sa sato. Kaya lugod na gibuhon niyato an satong pinakamakakaya na arugon Siya—na mas maparani sa satong mga tugang asin mas magin marahay an relasyon sa satong kapwa paagi sa pagigin mapagmalasakit.—Gal. 6:10; 1 Juan 4:16.
Espirituwal na Kayamanan
Jehova
Ang buong ulat ng Bibliya ay nakasentro sa pagbabangong-puri sa soberanya ni Jehova, at dito ay nahahayag ang pangunahing layunin ng Diyos na Jehova: ang pagpapabanal sa kaniya mismong pangalan. Hinihiling ng gayong pagpapabanal na maalis sa pangalan ng Diyos ang lahat ng kadustaan. Ngunit, higit pa riyan, hinihiling nito na ang pangalang iyon ay parangalan ng lahat ng matatalinong nilalang sa langit at sa lupa bilang sagrado. Nangangahulugan naman ito na kikilalanin nila at igagalang ang posisyon ni Jehova bilang Soberano, na ginagawa iyon nang kusang-loob, anupat nagnanais na paglingkuran siya at nalulugod na gawin ang kaniyang banal na kalooban, dahil sa pag-ibig sa kaniya. Ang panalangin ni David kay Jehova sa Awit 40:5-10 ay malinaw na nagpapahayag ng gayong saloobin at ng tunay na pagpapabanal sa pangalan ni Jehova. (Pansinin kung paanong sa Heb 10:5-10 ay ikinapit ng apostol kay Kristo Jesus ang ilang bahagi ng awit na ito.)
MAYO 27–HUNYO 2
KAYAMANAN NA YAON SA TATARAMON NIN DIYOS | SALMO 42-44
Lubos na Makinabang sa Pagtutukdo na Itinatao ni Jehova
Tampok na mga Kabtang sa Ikaduwang Libro nin Salmo
42:4, 5, 11; 43:3-5. Kun huli sa sarong dahelan na dai niato kontrolado kita temporaryong napasuway sa Kristianong kongregasyon, an paggirumdom sa mga kagayagayahan sa arog kaiyan na asosasyon kan nakaagi puedeng makasustenir sa sato. Minsan ngani sa primero tibaad madadagdagan kaini an kolog kan satong kapungawan, iyan magpapagirumdom man sa sato na an Dios an satong pailihan asin na kaipuhan niatong maghalat sa saiya para sa pakaginhawa.
Gibohon na Mas Nakakaogma Asin Mabunga an Panahon nin Pag-adal
1 MAMIBI: An enot na lakdang na dapat gibohon iyo an mamibi. (Sal. 42:8) Taano? Maninigo niatong ibilang na kabtang kan satong pagsamba an pag-adal sa Tataramon nin Dios. Kun siring, kaipuhan niatong hagadon ki Jehova na andamon an satong isip asin tawan kita kan saiyang banal na espiritu. (Luc. 11:13) Si Barbara, na haloy nang misyonera, nagsabi: “Pirme akong namimibi bago ko basahon o pag-adalan an Biblia. Pagkatapos kaiyan, namamatean kong kaibanan ko si Jehova asin inooyonan nia an sakong ginigibo.” An pagpamibi bago mag-adal nagbubukas kan satong isip asin puso na akoon nin lubos an abundang espirituwal na pagkakan na itinatao sa sato.
‘Dai Mo Pagtugutan na Lumaylay an Saimong mga Kamot’
11 Pinapakusog man kita kan edukasyon hali sa Diyos na inaako niyato sa satong Kristiyanong mga pagtiripon, asembleya, kumbensiyon, asin sa satong teokratikong mga paadalan. An siring na mga pagtutukdo asin pagsasanay nakakatabang sa sato na maglingkod sa Diyos na may tamang motibo, magkaigwa nin mga pasuhan sa espirituwal, asin maisagibo an dakul niyatong paninimbagan bilang Kristiyano. (Sal. 119:32) Gustong-gusto mo daw na mapakusog kan siring na klase nin edukasyon?
12 Tinabangan ni Jehova an mga Israelita na madaog an mga Amalekita saka an mga Etiope, asin tinawan niya nin puwersa si Nehemias saka an mga kairiba kaini tanganing makumpleto an pagtugdok liwat kan mga lanob. Sa kaagid na paagi, tatawan man kita ni Jehova nin kusog tanganing padagos kitang makapaghulit sa ibong kan satong sadiring mga kahaditan asin sa ibong kan mga pagkontra saka kawaran nin interes kan iba. (1 Ped. 5:10) Dai magibo si Jehova nin mga milagro para sa sato. Imbes, dapat niyatong gibuhon an satong kabtang. Kaiba diyan an aroaldaw na pagbasa kan Tataramon nin Diyos, pag-andam para sa mga pagtiripon asin pag-atender diyan, regular na personal na pag-adal saka pampamilyang pagsamba, asin pirming pagsarig ki Jehova paagi sa pagpamibi. Nungka niyatong tugutan na maulang kan satong mga trabaho asin aktibidad an mga bagay na ginagamit ni Jehova para pakusugon asin parigunon kita. Kun naririsa mong minalaylay na an saimong kamot sa arin man sa mga ini, hagadon an tabang nin Diyos. Dangan mahihiling mo kun paano an saiyang espiritu ‘magpapakusog sa saimo, na tinatawan ka kan pagmawot saka kan kakayahan na gumibo.’ (Fil. 2:13, NW) Pero, paano mo man mapapakusog an kamot nin iba?
Espirituwal na Kayamanan
Chakal
Sa Kasulatan, paulit-ulit na tinutukoy ang chakal sa makatalinghagang tagpo. Bilang paglalarawan sa kaniyang kaawa-awang kalagayan, ibinulalas ni Job na siya’y naging “kapatid ng mga chakal.” (Job 30:29) Hinggil sa kahiya-hiyang pagkatalo ng bayan ng Diyos, ang salmista, na marahil ay tinutukoy ang lugar na pinangyarihan ng pagbabaka kung saan nagtitipon ang mga chakal upang kainin ang mga napatay (ihambing ang Aw 68:23), ay nagdalamhati: “Dinurog mo kami sa dako ng mga chakal.” (Aw 44:19) Dahil sa pagkubkob ng Babilonya sa Jerusalem noong 607 B.C.E. nagkaroon ng matinding taggutom, anupat may-kalupitang pinakitunguhan ng mga ina ang sarili nilang supling. Sa gayo’y ipinakita ni Jeremias ang kaibahan ng kalupitan “ng aking bayan” kung ihahambing sa pangangalaga ng mga inang chakal.—Pan 4:3, 10.
HUNYO 3-9
KAYAMANAN NA YAON SA TATARAMON NIN DIYOS | SALMO 45-47
Sarong Kanta Manungod sa Kasal kan Hadi
Maggaya-gaya sa Kasal kan Kordero!
8 Basahon an Salmo 45:13, 14a. An nobya iprinesentar bilang ‘mamurawayon’ para sa maharlikang kasal. Sa Kapahayagan 21:2, ikinumparar an nobya sa sarong siyudad, an Bagong Jerusalem, asin ‘sinamnuhan para sa saiyang agom.’ An langitnon na siyudad na ini igwa kan ‘kamurawayan nin Diyos’ asin nagkikinang siring sa ‘urog kahalagang gapo, siring sa gapong jaspe, malinaw siring sa kristal.’ (Kap. 21:10, 11) An kamurawayan kan Bagong Jerusalem magayunon na ilinadawan sa libro nin Kapahayagan. (Kap. 21:18-21) Daing duda na ilinaladawan kan salmista an nobya bilang ‘mamurawayon’! Angay sana ta an maharlikang kasal mangyayari sa langit.
9 An Saro na dinarahan kan nobya iyo an Nobyo—an Mesiyanikong Hadi. Inaandam niya an nobya, na ‘linilinigan ini sa paghugas nin tubig paagi kan tataramon.’ Siya ‘banal asin mayong kaninan.’ (Efe. 5:26, 27) An gubing kan saiyang nobya dapat na angay man para sa okasyon. Asin iyo man nanggad! Sa katunayan, may dekorasyon na ‘bulawan an saiyang gubing,’ asin dadarahon siya sa hadi sulot an magayunon na “gubing.” Para sa kasal kan Kordero, ‘itinugot sa nobya na siya maggubing nin pinong lino, makintab asin malinig—huli ta an pinong lino iyo an mga matanos na gibo kan mga banal.’—Kap. 19:8.
Kapahayagan—An Sinasabi Kaiyan Manungod sa Puturo Mo
10 Ano an magigin reaksiyon ni Jehova sa maringis na pag-atakeng iyan? Sinasabi niya sa sato: “Malaad an grabeng kaanggutan ko.” (Ezek. 38:18, 21-23) Ilinaladawan kan Kapahayagan kapitulo 19 an sunod na mangyayari. Isusugo ni Jehova an Saiyang Aki para idepensa an Saiyang mga lingkod asin daugon an saindang mga kaiwal. Sa gigibuhon na iyan na pag-atake ni Jesus, kaibanan niya “an mga hukbo sa langit”—an maimbod na mga anghel pati na an 144,000. (Kap. 17:14; 19:11-15) Ano an magigin resulta kan giyerang ini? An biyong pagpuho sa gabos na tawo saka organisasyon na kontra ki Jehova!—Basahon an Kapahayagan 19:19-21.
11 Imahinara na sana an mamamatian kan mga maimbod digdi sa daga huling nakaligtas sinda sa biyong paglaglag sa mga kaiwal nin Diyos! Maugmahon nanggad na panahon iyan! Dawa ngani magkakaigwa sa langit nin makusog na kurahaw nin kaugmahan pag linaglag na an Dakulang Babilonya, may saro pang bagay na magdadara nin urog pang kaugmahan. (Kap. 19:1-3) Sa katunayan, iyan an kulminasyon kan libro nin Kapahayagan—“an kasal kan Kordero.”—Kap. 19:6-9.
12 Nuarin mangyayari an kasal? An gabos na kabilang sa 144,000 yaon na sa langit bago mismo magpuon an ralaban nin Armagedon. Alagad, bako pa iyan an panahon para sa kasal kan Kordero. (Basahon an Kapahayagan 21:1, 2.) An kasal kan Kordero mangyayari pagkatapos kan giyera nin Armagedon pag napuho na an gabos na kaiwal nin Diyos.—Sal. 45:3, 4, 13-17.
Digmaan
Kapag tapos na ang digmaang ito, ang lupa ay magtatamasa ng kapayapaan sa loob ng isang libong taon. Ang awit na nagsasabing “Pinatitigil [ni Jehova] ang mga digmaan hanggang sa dulo ng lupa. Ang busog ay binabali niya at pinagpuputul-putol ang sibat; ang mga karwahe ay sinusunog niya sa apoy,” ay unang natupad noong magpasapit ang Diyos ng kapayapaan sa lupain ng Israel nang wasakin niya ang mga kasangkapang pandigma ng kaaway. Kapag natalo na ni Kristo sa Har–Magedon ang mga promotor ng digmaan, tatamasahin hanggang sa dulo ng makalupang globong ito ang lubos at kasiya-siyang kapayapaan. (Aw 46:8-10) Ang mga taong pagkakalooban ng walang-hanggang buhay ay yaong mga pumukpok na sa ‘kanilang mga tabak upang maging mga sudsod at sa kanilang mga sibat upang maging mga karit na pampungos’ at hindi na ‘nag-aaral pa ng pakikipagdigma.’ “Sapagkat ang mismong bibig ni Jehova ng mga hukbo ang nagsalita nito.”—Isa 2:4; Mik 4:3, 4.
Espirituwal na Kayamanan
Ano an Mawawara Kun Mag-abot Na an Kahadian nin Diyos?
9 Ano an isasalida sa mga maraot na organisasyon? Pagkatapos kan Armagedon, magkakaigwa pa daw nin ano man na organisasyon sa daga? Sinasabi sa sato kan Bibliya: “Igwa nin bagong mga langit asin sarong bagong daga na hinahalat niyato uyon sa saiyang panuga, asin sa mga ini magdadanay an katanusan.” (2 Ped. 3:13) An dating mga langit asin daga, an maraot na mga gobyerno saka an sosyedad nin tawo na kontrolado kaiyan, mawawara na. Ano an isasalida? An mga tataramon na “bagong mga langit asin sarong bagong daga” nangangahulugan na magkakaigwa nin sarong bagong gobyerno asin sarong bagong sosyedad nin tawo sa daga na pamamahalaan kan gobyernong iyan. Sa pamamahala ni Jesu-Cristo, perpektong maipapahiling kan Kahadian an personalidad kan Diyos na Jehova, na iyo an Diyos nin areglo. (1 Cor. 14:33) Kaya an “bagong daga” magigin organisado. May kuwalipikadong mga lalaki na maasikaso kan mga bagay-bagay. (Sal. 45:16) Gigiyahan sinda ni Cristo asin kan 144,000 na kairiba niyang mamamahala. Isip-isipa na sana kun mag-abot na an panahon na an gabos na maraot na organisasyon sasalidahan na nin saro sanang organisasyon, na nagkakasararo asin dai nuarin man magigin maraot!
HUNYO 10-16
KAYAMANAN NA YAON SA TATARAMON NIN DIYOS | SALMO 48-50
Mga Magurang—Pakusugon an Pagtitiwala kan Saindong Pamilya sa Organisasyon ni Jehova
An Tunay na Pagsamba Makakatabang Saimo na Magin Mas Maugma
11 Sinasamba ta si Jehova pag pinag-aadalan ta an saiyang Tataramon asin tinutukduan an satong mga aki manungod saiya. An Sabbath nagtao sa mga Israelita nin oportunidad na magpahingalo nguna sa saindang pang-aroaldaw na mga gibuhon tanganing gamiton an aldaw na iyan sa pagpapakusog kan saindang relasyon ki Jehova. (Exo. 31:16, 17) Tinukduan kan maimbod na mga Israelita an saindang mga aki manungod ki Jehova asin sa saiyang karahayan. Sa ngunyan, kaipuhan ta man na magkaigwa nin iskedyul sa pagbasa asin pag-adal kan Tataramon nin Diyos. Kabtang ini kan satong pagsamba ki Jehova, asin nakakatabang iyan sato na mas maparani sa saiya. (Sal. 73:28) Asin pag iriba kitang nag-aadal bilang sarong pamilya, puwede tang matabangan an bagong henerasyon—an satong mga aki—na magkaigwa nin dayupot na relasyon sa satong mamumuton na Ama sa langit.—Basahon an Salmo 48:13.
May Dahelan Kamo na Maggayagaya
“Magmartsa kamo sa palibot kan Sion, asin maglibot dian, bilanga nindo an mga torre kaiyan. Isentro nindo an saindong puso sa mga kuta kaiyan. Siyasaton nindo an mga torreng erokan kaiyan, tanganing ikasaysay nindo iyan sa maabot na kapag-arakian.” (Sal. 48:12, 13) Dian dinadagka kan salmista an mga Israelita na helingon nin harani an Jerusalem. Maiimahinar daw nindo an pinakamamahal na mga eksperyensiang nagirumdoman kan mga pamilyang Israelita na nagbiahe pasiring sa banal na siudad para sa taonan na mga kapiestahan asin nakaheling sa kahangahangang templo kaiyan? Siertong napahiro sinda na ‘isaysay iyan sa maabot na kapag-arakian.’
Isip-isipa an reyna kan Seba, na kan enot duda sa mga report dapit sa marahayon na pamamahala asin dakulang kadonongan ni Salomon. Ano an nakakombensir sa saiya na totoo an mga bagay na nabaretaan nia? “Dai ako nagtubod sa mga tataramon ninda,” an sabi nia, “sagkod na magdigdi ako tanganing maheling kan sako mismong mga mata.” (2 Cron. 9:6) Iyo, puedeng magkaigwa nin hararom na epekto sa sato an naheheling kan sato “mismong mga mata.”
Paano nindo matatabangan an saindong mga aki na maheling kan sainda “mismong mga mata” an mga ngangalasan kan organisasyon ni Jehova? Kun igwa nin sangang opisina kan Mga Saksi ni Jehova harani sa saindong harong, maghingoang makadalaw dian. Halimbawa, si Mandy asin Bethany nagdakula sa lugar na mga 1,500 kilometros an rayo sa erokan na Bethel sa saindang nasyon. Pero, parateng nagpaplano an mga magurang ninda nin mga pagbiahe tanganing magbisita sa mga pasilidad kaiyan, nangorogna kaidtong nagdadakula an saindang mga aking babae. “Bago kami magbisita sa Bethel, an paghona mi iyan pormalon asin para sana sa mga gurang,” an paliwanag ninda. “Alagad may nakamidbid kaming mga hoben na mahigos na nagtatrabaho para ki Jehova asin ikinakaogma iyan! Naheling mi na an organisasyon ni Jehova bako sana sa sadit na lugar na duman kami nakaistar, asin an kada pagbisita sa Bethel nagtao sa samo nin sarong sokol nin espirituwal na kosog.” Huling naheling nin harani an pagpunsionar kan organisasyon nin Dios, si Mandy asin Bethany namotibar na magpayunir, asin naimbitaran pa ngani sinda na maglingkod sa Bethel bilang temporaryong mga boluntaryo.
Humiro Bilang mga Siudadano kan Kahadean!
5 Pag-adalan an kasaysayan. An nagmamawot na magin siudadano nin gobyerno nin tawo tibaad kaipuhan na makanood kan kasaysayan kan gobyernong iyan. Siring man, an mga nagmamawot na magin siudadano kan Kahadean marahay na mag-adal kan gabos na mahihimo nindang manodan manongod sa Kahadean nin Dios. Isip-isipa an halimbawang ipinahiling kan mga aki ni Kora, na naglingkod sa suanoy na Israel. Ikinaogma nindang marhay an Jerusalem saka an lugar nin pagsamba duman asin an pag-estorya kan kasaysayan kan siudad. An orog na hinangaan ninda bako an mga gapo asin an ginamit na pansemento dian kundi an irinepresentar kan siudad saka kan lugar nin pagsamba dian. An Jerusalem iyo ‘an siudad kan dakulaon na Hade,’ si Jehova, huling iyan an sentro kaidto kan dalisay na pagsamba. Duman itinokdo an Ley ni Jehova. Ipinahayag ni Jehova an saiyang mamomoton na kabootan sa banwaan na pinamamahalaan kan Hade nin Jerusalem. (Basahon an Salmo 48:1, 2, 9, 12, 13.) Arog ninda, may pagmawot ka daw na pag-adalan asin iestorya an kasaysayan kan daganon na kabtang kan organisasyon ni Jehova? Mientras na orog kang nakakanood manongod sa organisasyon nin Dios asin kun paano sinusuportaran ni Jehova an saiyang banwaan, orog na nagigin totoo sa saimo an Kahadean nin Dios. Magigin mas makosog an saimong pagmawot na ihulit an maogmang bareta kan Kahadean.—Jer. 9:24; Luc. 4:43.
Espirituwal na Kayamanan
Kayamanan
Bilang isang masaganang bansa, ang mga Israelita ay nasiyahan sa pagkain at inumin (1Ha 4:20; Ec 5:18, 19), at ang kanilang kayamanan ay nagsilbing proteksiyon nila laban sa mga suliranin ng karalitaan. (Kaw 10:15; Ec 7:12) Gayunman, bagaman ang pagtatamasa ng mga Israelita ng kasaganaan mula sa kanilang pagpapagal ay kasuwato ng layunin ni Jehova (ihambing ang Kaw 6:6-11; 20:13; 24:33, 34), tiniyak din niya na nababalaan sila hinggil sa panganib na makalimutan nila na siya ang Pinagmumulan ng kanilang materyal na pag-aari at magsimula silang magtiwala sa kanilang kayamanan. (Deu 8:7-17; Aw 49:6-9; Kaw 11:4; 18:10, 11; Jer 9:23, 24) Ipinaalaala sa kanila na ang kayamanan ay pansamantala lamang (Kaw 23:4, 5), na hindi ito maaaring ibigay sa Diyos bilang pantubos upang mailigtas ang isa mula sa kamatayan (Aw 49:6, 7), at na wala itong kabuluhan para sa mga patay (Aw 49:16, 17; Ec 5:15). Ipinakita sa kanila na ang labis na pagpapahalaga sa kayamanan ay aakay sa mapandayang mga gawain at sa pagkawala ng pagsang-ayon ni Jehova. (Kaw 28:20; ihambing ang Jer 5:26-28; 17:9-11.) Pinasigla rin sila na ‘parangalan si Jehova ng kanilang mahahalagang pag-aari.’—Kaw 3:9.
HUNYO 17-23
KAYAMANAN NA YAON SA TATARAMON NIN DIYOS | SALMO 51-53
Kun Ano an Magigibo Mo Para Malikayan an Magabat na mga Pagkakasala
Paano Mo Maiingatan an Saimong Puso?
4 Sa Talinhaga 4:23, an terminong “puso” nanunungod sa “panglaog na pagkatawo.” (Basahon an Salmo 51:6.) Sa ibang pagtaram, an “puso” nanunungod sa kauruirarumi niyatong mga iniisip, pagmati, motibo, asin pagmawot. Nanunungod ini sa kun ano talaga kita sa panglaog, bako lang sa kun ano kita sa pangluwas.
5 Gamiton niyatong ilustrasyon an kamugtakan kan satong salud tanganing masabutan ta an kahalagahan kan satong panglaog na pagkatawo. Inot, tanganing mapagdanay niyatong marahay an kondisyon kan satong hawak, dapat na magkakan kita nin masustansiyang mga kakanon, asin kaipuhan niyatong regular na mag-ehersisyo. Sa kaagid na paagi, tanganing mapagdanay niyatong marahay an kamugtakan kan satong espirituwalidad, dapat na magkakan kita nin masustansiyang espirituwal na mga kakanon asin regular na ipahiling an satong pagtubod ki Jehova. Ipinapahiling niyato an satong pagtubod paagi sa pag-aplikar kan satong nanunudan asin sa pakikipag-ulay sa iba mapadapit sa satong pagtubod. (Roma 10:8-10; Sant. 2:26) Ikaduwa, base sa satong pangluwas na itsura, tibaad isipon niyato na marahay an salud ta pero an totoo may hilang na palan kita sa laog. Sa kaagid na paagi, base sa satong espirituwal na rutina, tibaad isipon niyato na makusog an satong pagtubod, pero posibleng nagtatalubo na palan sa sato an salang mga pagmawot. (1 Cor. 10:12; Sant. 1:14, 15) Dapat niyatong tandaan na gusto ni Satanas na kontaminaron kita kan kaisipan niya. Sa anong espesipikong mga paagi tibaad gibuhon niya iyan? Asin paano ta mapoprotektaran an satong sadiri?
Kaya Niyatong Magdanay na Malinig sa Moral
5 An sarong mahalagang paagi na maipapahiling niyato na lubos kitang nagsasarig ki Jehova iyo an pagpamibi sa saiya na tabangan kitang labanan an maating mga kaisipan. Kun minarani kita ki Jehova paagi sa pamibi, marani man siya sa sato. Abunda niya kitang tatawan kan saiyang banal na espiritu, kaya mákusog an satong determinasyon na labanan an imoral na mga kaisipan asin magdanay na malinig sa moral. Sabihon lugod niyato sa Diyos na gustong-gusto tang makapaugma sa saiya an mga pagmawot kan satong puso. (Sal. 19:14) Mapakumbaba daw niyatong hinahagad sa saiya na siyasaton kita tanganing mahiling kun igwa sa sato nin ano man na “karatan”—ano man na salang pagmawot o ingklinasyon—na puwedeng magin dahilan na magkasala kita? (Sal. 139:23, 24) Pirmi ta daw na hinahagad sa saiya na tabangan kitang magdanay na maimbod pag napapaatubang kita sa sugot?—Mat. 6:13.
6 Tibaad an paagi nin pagpadakula sa sato o an nagin paggawi ta kan dai pa niyato midbid si Jehova an dahilan kaya igwa kita nin pagmawot na gibuhon an mga bagay na dai Niya inuuyunan. Pero dawa arog kaiyan, matatabangan niya kita na gumibo nin kinakaipuhan na mga pagbabago tanganing makapaglingkod kita sa saiya sa paagi na inaako niya. Aram ini ni Hading David. Pagkatapos na makagibo nin pagsambay ki Bat-seba, nakimahirak siya ki Jehova: “Pusong malinig lalanga sako, . . . sarong bago asin maimbod na espiritu ibugtak mo sako.” (Sal. 51:10, 12, BPV) Tibaad makusog an pagmawot niyato na gumibo nin sala, pero puwede kitang tabangan ni Jehova na magkaigwa nin mas makusog na pagmawot na sumunod sa saiya. Dawa nakagamot nang marhay sa sato an salang mga pagmawot asin garo baga inaagawan kaiyan nin lugar sa satong isip an malinig na mga pagmawot, puwede kitang giyahan ni Jehova tanganing masunod ta an saiyang mga pagbuot saka mapangganang makapamuhay kauyon diyan. Tatabangan niya kitang ulangon an ano man na salang kaisipan na puwedeng kumontrol sa sato.—Sal. 119:133.
Espirituwal na Kayamanan
Doeg
Isang Edomita na naglingkod bilang pangunahing pastol ni Haring Saul, isang mabigat na posisyon ng pangangasiwa. (1Sa 21:7; 22:9) Maliwanag na si Doeg ay isang proselita. Sa dahilang siya’y “pinigilan sa harap ni Jehova” sa Nob, posibleng dahil sa isang panata, isang uri ng karumihan, o kaya’y may ketong siya, nasaksihan ni Doeg na ibinigay ng mataas na saserdoteng si Ahimelec kay David ang tinapay na pantanghal at ang tabak ni Goliat. Sa kalaunan, nang sabihin ni Saul sa kaniyang mga lingkod na sa tingin niya’y nagsasabuwatan sila laban sa kaniya, isiniwalat ni Doeg kung ano ang nakita niya sa Nob. Nang maipatawag ni Saul ang mataas na saserdote at ang iba pang mga saserdote ng Nob at pagkatapos niyang tanungin si Ahimelec, inutusan niya ang mga mananakbo na patayin ang mga saserdote. Nang tumanggi ang mga ito, walang-pag-aatubiling pinatay ni Doeg sa utos ni Saul ang 85 saserdote. Pagkatapos ng napakasamang gawang ito, itinalaga ni Doeg ang Nob sa pagkapuksa, anupat pinatay ang lahat ng tumatahan doon, bata at matanda, pati ang mga alagang hayop.—1Sa 22:6-20.
Gaya ng ipinakikita ng superskripsiyon ng Awit 52, sumulat si David tungkol kay Doeg: “Mga kapighatian ang ipinapanukala ng iyong dila, na pinatalas na gaya ng labaha, na gumagawa nang may panlilinlang. Inibig mo ang kasamaan nang higit kaysa sa kabutihan, ang kabulaanan kaysa sa pagsasalita ng katuwiran. Inibig mo ang lahat ng salitang nananakmal, O ikaw na dilang mapanlinlang.”—Aw 52:2-4.
HUNYO 24-30
KAYAMANAN NA YAON SA TATARAMON NIN DIYOS | SALMO 54-56
Kaibanan Mo an Diyos
Magin Madonong—Matakot sa Dios!
10 Sa sarong okasyon, si David nagpaili ki Aquis, na hade kan Filisteong siudad nin Gat, an pinaghalean ni Goliat. (1 Samuel 21:10-15) An mga lingkod kan hade idinenunsiar si David bilang kaiwal kan saindang nasyon. Ano an nagin reaksion ni David sa siring na peligrosong situwasyon? Sia odok sa pusong namibi ki Jehova. (Salmo 56:1-4, 11-13) Minsan ngani kinaipuhan niang magsagin nabubua tanganing makadulag, aram ni David na si Jehova talaga an nagligtas sa saiya paagi sa pagbendisyon sa saiyang mga paghihingoa. An bilog na pusong pagsarig ni David ki Jehova asin kompiansa sa saiya nagpaheling na si David talagang matatakton sa Dios.—Salmo 34:4-6, 9-11.
11 Arog ki David, puede niatong ipaheling an pagkatakot sa Dios paagi sa pagtitiwala sa saiyang panuga na tatabangan nia kita na makayanan an satong mga problema. “Idolot mo ki Jehova an saimong dalan, asin manarig ka sa saiya, asin sia mismo mahiro,” an sabi ni David. (Salmo 37:5) Dai ini nangangahulogan na basta sana niato itatao ki Jehova an satong mga problema na dai ginigibo an ano man na makakaya niato tanganing maresolberan iyan asin aasahan siang humiro para sa sato. Si David dai namibi sa Dios para sa tabang dangan mayo nang ginibo. Ginamit nia an pisikal asin intelektuwal na mga abilidad na itinao sa saiya ni Jehova asin inatubang an problema. Pero, aram ni David na dai magigin mapanggana kun mga paghihingoa sana nin tawo an aasahan. Kaya maninigo na arog man kaiyan an gibohon niato. Kun nagibo na niato an gabos na makakaya niato, dapat na itao niato ki Jehova an iba pa. An totoo, sa parate mayo na kitang ibang magigibo kundi manarig ki Jehova. Digdi niato ikakapaheling an pagkatakot sa Dios sa personal na gayong paagi. Makakakua kita nin karangahan sa odok sa pusong kapahayagan ni David: “An pakikidayupot ki Jehova para sa mga natatakot sa saiya.”—Salmo 25:14.
Mayo nin ‘Makakapasuway sa Sato sa Pagkamuot nin Diyos’
9 Pinapahalagahan man ni Jehova an satong pakatagal. (Mateo 24:13) Girumduma, gusto ni Satanas na bayaan mo si Jehova. An kada aldaw na nagdanay kang maimbod ki Jehova saro na naman na aldaw na nakatabang ka na masimbag an mga pagtuya ni Satanas. (Talinhaga 27:11) Kun beses bakong madali an pagkaigwa nin pakatagal. Huli sa mga problema sa salud, problema sa pinansiyal, emosyonal na kapurisawan, asin iba pang kaulangan puwedeng magin pagbalo an kada aldaw. An inaantisipar na naaatraso puwedeng makapaluya man sa buot. (Talinhaga 13:12) An pakatagal sa ibong nin siring na mga kadipisilan mahalagang marhay ki Jehova. Aram iyan ni Hading David kaya hinagad niya ki Jehova na tipunon an saiyang mga luha sa “lalagan na anit,” asin may pagtitiwala niya pang sinabi: “Bako daw na nakasurat an mga iyan sa saimong libro?” (Salmo 56:8) Iyo, pinapahalagahan asin ginigirumdom ni Jehova an gabos na luha asin pagsakit na tinatagalan niyato mantang pinapagdanay an satong kaimbudan sa saiya. An mga iyan mahalaga man na marhay sa saiyang paghiling.
Matatabangan Kita nin Pagkamuot na Mapangganahan an Pagkatakot
16 Aram ni Satanas na pinapahalagahan ta an satong buhay. Pero hinihingako niya na isasakripisyo ta an gabos na igwa kita—dawa pa an pakikipag-amigo ta ki Jehova—magdanay sana kitang buhay. (Job 2:4, 5) Sala nanggad si Satanas! Dawa arog kaiyan, huling siya “an saro na igwa kan kakayahan na magkawsa nin kagadanan,” hinihinguwa ni Satanas na aprobetsaran an normal na pagkatakot ta sa kagadanan para bayaan ta si Jehova. (Heb. 2:14, 15) Sa nagkapirang kamugtakan, an mga tawo na impluwensiyado ni Satanas pinapatakot an mga parasamba ni Jehova na gagadanon sinda kun dai ninda tatalikdan an saindang pagtubod. Sa ibang kamugtakan, tibaad aprobetsaran ni Satanas an sarong medikal na emerhensiya na nagsasapeligro nin buhay para makipagkompromiso kita. Tibaad gipiton kita kan mga doktor o kan mga kapamilya niyato na bakong Saksi na magpasalin nin dugo, na magbabalga kan pagbuot nin Diyos. O tibaad may magkumbinsir sa sato na purbaran an sarong klase nin pagbulong na bakong kauyon kan mga prinsipyo sa Kasuratan.
17 Dawa ngani habo tang magadan, aram ta na dai matatapos an pagkamuot ni Jehova sa sato dawa pa magadan kita. (Basahon an Roma 8:37-39.) Pag an mga amigo ni Jehova magadan, pinapagdanay niya sinda sa saiyang memorya, na garo man sana sinda buhay. (Luc. 20:37, 38) Hinihidaw niyang buhayon niya sinda giraray. (Job 14:15) Nagbayad si Jehova nin dakulang halaga tanganing kita “magkaigwa nin buhay na daing katapusan.” (Juan 3:16) Aram ta na namumutan nanggad kita ni Jehova asin na nagmamakulog siya sa sato. Kaya imbes na bayaan ta si Jehova pag may hilang kita o namemeligrong magadan, minarani kita sa saiya para sa karangahan, kadunungan, asin kusog. Iyan mismo an ginibo ni Valerie asin kan saiyang agom.—Sal. 41:3.
Espirituwal na Kayamanan
Patiunang Kaalaman, Patiunang Pagtatalaga
Ang traidor na landasin ni Hudas Iscariote ay tumupad sa hula ng Diyos at nagpatunay na may kakayahan si Jehova, gayundin ang kaniyang Anak, na patiunang alamin ang mangyayari sa hinaharap. (Aw 41:9; 55:12, 13; 109:8; Gaw 1:16-20) Gayunman, hindi masasabi na patiunang itinalaga o itinadhana ng Diyos si Hudas sa gayong landasin. Sinabi sa mga hula na isang matalik na kasamahan ni Jesus ang magkakanulo sa kaniya, ngunit hindi tinukoy sa mga hulang iyon kung sino sa gayong mga kasamahan ang gagawa nito. Gayundin, ipinakikita ng mga simulain ng Bibliya na imposibleng italaga ng Diyos nang patiuna ang mga pagkilos ni Hudas. Sinabi ng apostol ang pamantayan ng Diyos: “Huwag mong ipatong nang madalian ang iyong mga kamay sa sinumang tao; ni maging kabahagi man sa mga kasalanan ng iba; ingatan mong malinis ang iyong sarili.” (1Ti 5:22; ihambing ang 3:6.) Bilang katibayan na ninais ni Jesus na mapili niya nang wasto at may karunungan ang kaniyang 12 apostol, magdamag siyang nanalangin sa kaniyang Ama bago niya ipinabatid ang kaniyang pasiya. (Luc 6:12-16) Kung patiuna nang itinalaga ng Diyos na maging traidor si Hudas, magiging kasalungat ito ng kaniyang pag-akay at patnubay, at batay sa nabanggit na alituntunin, magiging kabahagi siya sa mga kasalanang ginawa ng isang iyon.
Sa gayon, lumilitaw na noong panahong piliin si Hudas bilang apostol, ang kaniyang puso ay hindi kakikitaan ng maliwanag na katibayan ng pagiging taksil. Pinahintulutan niya na isang “ugat na nakalalason ang sumibol” at magparungis sa kaniya, na naging dahilan ng kaniyang paglihis at ng pagsunod niya, hindi sa patnubay ng Diyos, kundi sa pag-akay ng Diyablo tungo sa isang landasin ng pagnanakaw at kataksilan. (Heb 12:14, 15; Ju 13:2; Gaw 1:24, 25; San 1:14, 15; tingnan ang HUDAS Blg. 4.) Nang ang gayong paglihis ay umabot na sa isang partikular na punto, nabasa ni Jesus mismo ang puso ni Hudas at naihula ang pagkakanulo nito sa kaniya.—Ju 13:10, 11.