Mga Reperensiya Para sa Workbook sa Pagtiripon na Pamumuhay Asin Ministeryo
© 2024 Watch Tower Bible and Tract Society of Pennsylvania
NOBYEMBRE 4-10
KAYAMANAN NA YAON SA TATARAMON NIN DIYOS SALMO 105
“Ginigirumdom Niya an Saiyang Tipan Sagkod Lamang”
Paano Ta Mapapakusog an Satong Pagtubod sa Ipinanuga ni Jehova na Bagong Kinaban?
11 Pag-isipan an pira sa garo imposibleng mga bagay na ipinanuga ni Jehova sa saiyang banwaan kaidto. Sinigurado niya ki Abraham saka ki Sara na magkakaigwa sinda nin sarong aking lalaki dawa gurang na sinda. (Gen. 17:15-17) Sinabi niya man ki Abraham na magigin pagsadiri kan mga magigin gikan niya an daga nin Canaan. Garo baga imposible nanggad na magkatotoo an panugang iyan durante kan dakul na taon na an mga gikan ni Abraham, an mga Israelita, mga uripon sa Ehipto. Pero nagkatotoo iyan. Dangan kan huri, sinabi ni Jehova na magkakaigwa nin sarong aki an may edad nang si Elizabeth. Sinabi man ni Jehova ki Maria, na sarong birhen, na ipapangaki kaini an Saiya mismong Aking lalaki, na an pag-abot patiinot nang ipinanuga ni Jehova rinibong taon bago kaiyan sa hardin nin Eden—saro pang panuga na nautob!—Gen. 3:15.
12 Mapapakusog ta an satong pagtubod sa kapangyarihan ni Jehova na ipaabot an sarong bagong kinaban paagi sa paghurop-hurop kan mga ginibo asin inutob niyang mga panuga. (Basahon an Josue 23:14; Isaias 55:10, 11.) Makakatabang iyan sa sato na magin mas andam na tabangan an iba na masabutan na an ipinanugang bagong kinaban bakong pangaturugan o uruistorya sana. Mapadapit sa bagong mga langit asin bagong daga, sinabi mismo ni Jehova: “An mga tataramon na ini maimbod asin totoo.”—Kap. 21:1, 5.
it-2-TG 1053 ¶4
Salita, Ang
Ang mga nilalang, may buhay at walang buhay, ay sakop ng salita ng Diyos, at maaari niyang gamitin ang mga ito upang isagawa ang kaniyang mga layunin. (Aw 103:20; 148:8) Ang kaniyang salita ay maaasahan; gayundin, anumang ipinangako ng Diyos ay hindi niya nakakaligtaang gawin. (Deu 9:5; Aw 105:42-45) Gaya ng sinabi niya mismo, ang kaniyang salita ay “mananatili hanggang sa panahong walang takda”; hinding-hindi ito babalik hangga’t hindi nito naisasagawa ang layunin para rito.—Isa 40:8; 55:10, 11; 1Pe 1:25.
Espirituwal na Kayamanan
Mga Hobenes—An Saindong Kabtang sa Sarong Maogma, Sararong Pamilya
15 “Paagi sa mga ramal pinasakitan ninda an saiyang [ki Jose] mga bitis, namugtak sa mga batbat an saiyang kalag; sagkod kan panahon na dumatong an saiyang tataramon, an tataramon ni Jehova mismong duminalisay sa saiya.” (Salmo 105:17-19) Sa laog nin 13 taon, si Jose nagtios bilang oripon asin bilanggo sagkod na maotob an panuga ni Jehova. Paagi sa inagihan na ini sia nadalisay. Si Jehova, minsan ngani bakong an nagtatao kan mga kasakitan, itinogot iyan para sa sarong katuyohan. Papagdadanayon daw ni Jose an saiyang paglaom sa “tataramon ni Jehova” minsan ngani nasa masakit na pagbalo nin kasakitan? Pagugurangon daw nia an saiyang marahay na mga kuwalidad, asin patataluboon an kinakaipuhan na pagpapasensia, kapakumbabaan, espirituwal na kosog, asin determinasyon na otobon an masakit na asignasyon? Bueno, si Jose nagluwas na garo bulawan sa kalayo kan paradalisay—mas malinig asin mas mahalaga sa Dios, na ginamit sia sa makangangalas na paagi pakalihis kaiyan.—Genesis 41:14, 38-41, 46; 42:6, 9.
NOBYEMBRE 11-17
KAYAMANAN NA YAON SA TATARAMON NIN DIYOS SALMO 106
“Liningawan Ninda an Diyos na Saindang Paraligtas”
‘Siisay an Kampi ki Jehova?’
13 Natakot an mga Israelita sa maitom na panganuron, sa kikilat, asin sa makangangalas na mga tanda hali sa Diyos. Nag-uyon si Moises sa pakiulay ninda na magi siyang tagapagtaram ninda para sa gabos na sasabihon ni Jehova sa Bukid nin Sinai. (Ex. 20:18-21) Nahaloy si Moises sa alituktok kan bukid. Kaya, naisip daw kan mga Israelita kun paano na sinda ngunyan na dai na ninda kaibanan sa kaawagan an saindang mapagtitiwalaan na lider? Minalataw na makusog sana an pagtubod kan banwaan pag nahihiling ninda si Moises. Nahadit sinda asin sinabi ki Aaron: ‘Dai mi aram kun ano na an nangyari sa Moises na iyan na nanginot samo sa pagluwas sa Ehipto, kaya igibo mo kami nin sarong diyos na manginginot samo.’—Ex. 32:1, 2, An Marahay na Bareta Biblia.
Espirituwal na Kayamanan
Tampok na mga Kabtang sa Ikatolo Asin Ikaapat na Libro nin Salmo
106:36, 37. Sa mga bersikulong ini, an pagsamba sa mga idolo ikinokonektar sa mga pag-atang sa mga demonyo. Ipinaparisa kaini na an tawong naggagamit nin mga idolo puedeng mapasairarom kan impluwensia nin demonyo. Sinasadol kita kan Biblia: “Lumikay kamo sa mga idolo.”—1 Juan 5:21.
NOBYEMBRE 18-24
KAYAMANAN NA YAON SA TATARAMON NIN DIYOS SALMO 107-108
“Magpasalamat Kamo ki Jehova, Huling Marahay Siya”
Pag-omawon Logod kan Kongregasyon si Jehova
2 An kongregasyon bako sanang grupo sosyal. Bako iyan na asosasyon sa komunidad o sarong klab na dian nag-iiribahan an mga tawo na may pararehong kamugtakan o pararehong pinagkakainteresan sa isport o apisyon. Imbes, an areglo nin kongregasyon sa pangenot para sa pag-omaw ki Jehova Dios. Haloy nang arog iyan kaiyan, siring kan idinodoon kan libro nin Salmo. Sa Salmo 35:18, mababasa niato: “Papamurawayon taka sa dakulang kongregasyon; sa tahaw kan dakulang banwaan oomawon taka.” Kaagid kaiyan, an Salmo 107:31, 32 nag-eenkaminar sa sato: “O magpasalamat an mga tawo ki Jehova para sa saiyang mamomoton na kabootan asin sa saiyang makangangalas na mga gibo para sa mga aki nin mga tawo. Asin irukyaw ninda sia sa kongregasyon kan banwaan.”
Magpasalamat ki Jehova Asin Mag-ako nin Bendisyon
4 Kun gusto tang magkaigwa nin mapagpasalamat na puso asin mapagdanay iyan, dapat tang midbidon na hali ki Jehova an mga bendisyon asin mapagpasalamat na hurop-hurupon iyan. Isip-isipon man na marhay an mga ginigibo niya para sa sato huli sa saiyang maimbod na pagkamuot. Kan ginibo iyan kan salmista, napahanga nanggad siya sa dakul na marahayon na bagay na ginibo ni Jehova.—Basahon an Salmo 40:5; 107:43.
Espirituwal na Kayamanan
it-2-TG 412 ¶2
Moab, Mga Moabita
Nang maglaon, nang si David na ang naghahari, nagkaroon din ng pagdidigmaan sa pagitan ng Israel at Moab. Lubusang nasupil ang mga Moabita at pinagbayad sila ng tributo kay David. Lumilitaw na sa pagwawakas ng labanan, dalawang katlo ng mga lalaking mandirigma ng Moab ang pinatay. Waring pinahiga sila ni David sa lupa sa isang hanay at pagkatapos ay sinukat niya ang hanay na iyon upang italaga ang dalawang katlo na papatayin at ang isang katlo na pananatilihing buháy. (2Sa 8:2, 11, 12; 1Cr 18:2, 11) Posibleng sa labanan ding iyon ‘pinabagsak ni Benaias na anak ni Jehoiada ang dalawang anak ni Ariel ng Moab.’ (2Sa 23:20; 1Cr 11:22) Ang ganap na tagumpay ni David laban sa mga Moabita ay katuparan ng makahulang mga salita na binigkas ni Balaam mahigit na 400 taon bago nito: “Isang bituin ang tiyak na lalabas mula sa Jacob, at isang setro ang titindig nga mula sa Israel. At tiyak na babasagin niya ang mga pilipisan ng ulo ni Moab at ang bao ng ulo ng lahat ng mga anak ng kaguluhan ng digmaan.” (Bil 24:17) Lumilitaw na may kaugnayan din sa tagumpay na ito, binanggit ng salmista na itinuring ng Diyos ang Moab bilang kaniyang “hugasan.”—Aw 60:8; 108:9.
NOBYEMBRE 25–DISYEMBRE 1
KAYAMANAN NA YAON SA TATARAMON NIN DIYOS SALMO 109-112
Suportaran an Hading si Jesus!
Tampok na mga Kabtang sa Ikalimang Libro nin Salmo
110:1, 2—Ano an ginibo kan “Kagurangnan [ni David],” si Jesu-Cristo, mantang nakatukaw sa too nin Dios? Pagkatapos kan saiyang pagkabuhay liwat, si Jesus suminakat sa langit asin naghalat sa too nin Dios sagkod 1914 tanganing magpoon na mamahala bilang Hade. Durante kan panahon na iyan, si Jesus namahala sa saiyang linahidan na mga parasunod, na ginigiyahan sinda sa saindang paghuhulit asin paggibo nin mga disipulo saka iinaandam sinda na mamahala kaiba nia sa saiyang Kahadean.—Mateo 24:14; 28:18-20; Lucas 22:28-30.
An mga Parapakilaban Tumang sa Dios Dai Manggagana!
3 An banwaan ni Jehova inaatake poon pa sa kapinonan kan ika-20 siglo. Sa dakol na kadagaan, an mga tawong may maraot na intension naghingoang olangon—iyo, pasilensiohon—an pagbalangibog kan maogmang bareta kan Kahadean nin Dios. Sinda sinusutsutan kan pangenot na Kaiwal niato, an Diablo, na “naglalakaw na siring sa nagngangarob na leon, na naghahanap nin masisiba.” (1 Pedro 5:8) Kan matapos an “itinalaan na mga panahon kan mga nasyon” kan 1914, pinatukaw nin Dios an saiyang Aki bilang bagong Hade sa daga, na may pagboot na: “Mandaog ka sa tahaw kan saimong mga kaiwal.” (Lucas 21:24; Salmo 110:2) Ginagamit an saiyang kapangyarihan, pinalayas ni Cristo si Satanas sa langit asin ilinaom sia sa palibot kan daga. Sa pakaaram na halipot na sana an saiyang panahon, ilinuluwas kan Diablo an saiyang grabeng kaanggotan sa linahidan na mga Kristiano asin sa saindang kairiba. (Kapahayagan 12:9, 17) Ano an nagin resulta kan paorootrong pag-atake kan mga parapakilaban na ini tumang sa Dios?
Magin Progresibo—Umoswag
An sadol na gamiton an saindong balaog nagpapasentido nin paggamit nin inisyatiba. Ginigibo daw nindo an inisyatiba na umiba sa iba sa ministeryo sa langtad? Naghahanap daw kamo nin mga oportunidad na tabangan an mga miembro kan saindong kongregasyon na bagohan, hoben pa, o maluya an hawak? Nagboboluntaryo daw kamo na maglinig sa Kingdom Hall o tumabang sa manlaenlaen na paagi sa mga kombension asin asamblea? Puede daw kamong magpalista sa panapanahon bilang auxiliary payunir? Kaya daw nindong maglingkod bilang regular payunir o tumabang sa sarong kongregasyon na mas dakula an pangangaipo? Kun kamo tugang na lalaki, naghihingoa daw kamo na maabot an sono sa Kasuratan na mga kualipikasyon para sa ministeryal na mga lingkod asin kamagurangan? An pagigin andam nindo na tumao nin tabang asin mag-ako nin responsibilidad sarong tanda nin pag-oswag.—Sal. 110:3.
Espirituwal na Kayamanan
it-2-TG 1326 ¶2
Tipan
Tipan Upang Maging Saserdoteng Tulad ni Melquisedec. Ang tipang ito ay ipinahayag sa Awit 110:4, at ikinapit ito kay Kristo ng manunulat ng aklat ng Mga Hebreo sa Hebreo 7:1-3, 15-17. Ito’y tipan na tanging kay Jesu-Kristo ipinakipagtipan ni Jehova. Lumilitaw na tinukoy ito ni Jesus nang makipagtipan siya sa kaniyang mga tagasunod ukol sa isang kaharian. (Luc 22:29) Sa pamamagitan ng ipinanatang sumpa ni Jehova, si Jesu-Kristo, ang makalangit na Anak ng Diyos, ay magiging isang saserdote ayon sa paraang gaya ng kay Melquisedec. Si Melquisedec ay naging hari at saserdote ng Diyos sa lupa. Manunungkulan si Jesu-Kristo kapuwa bilang Hari at Mataas na Saserdote, hindi sa lupa, kundi sa langit. Permanente siyang itinalaga sa katungkulang ito pagkaakyat niya sa langit. (Heb 6:20; 7:26, 28; 8:1) Ang tipang ito ay may bisa magpakailanman, yamang maglilingkod si Jesus bilang Hari at Mataas na Saserdote magpakailanman sa ilalim ng patnubay ni Jehova.—Heb 7:3.
DISYEMBRE 2-8
KAYAMANAN NA YAON SA TATARAMON NIN DIYOS SALMO 113-118
Ano an Ibabalos Niyato ki Jehova?
Maparigon nin Pagkamoot
13 Sa mga tataramon ni Jesus, malinaw na sa pangenot maninigo niatong kamotan si Jehova. Minsan siring, dai kita namundag na may kompleto nang pagkamoot ki Jehova. Iyan bagay na dapat niatong kultibaron. Kan enot kitang makadangog manongod sa saiya, kita naakit sa saiya kan satong nadangog. Dikit-dikit, nanodan niato kun paano nia inandam an daga para sa katawohan. (Genesis 2:5-23) Nanodan niato kun paano nia trinatar an katawohan, na dai kita isinikwal kan enot na laogon nin kasalan an pamilya nin tawo, kundi guminibo sia nin mga paagi na mabalukat kita. (Genesis 3:1-5, 15) Nagin sia maboot sa mga fiel, asin pag-abot nin panahon itinao nia an saiyang Aking bugtong para sa kapatawadan kan satong mga kasalan. (Juan 3:16, 36) Huli sa nag-oorog na kaaraman na ini nagdakula an satong apresasyon ki Jehova. (Isaias 25:1) Sinabi ni Hadeng David na namomotan nia si Jehova huli sa Saiyang mamomoton na pangataman. (Salmo 116:1-9) Ngonyan, inaataman kita ni Jehova, ginigiyahan kita, pinakokosog kita, asin pinaririgon an boot ta. Mientras na orog kitang nakakanood manongod sa saiya, orog man na minararom an satong pagkamoot.—Salmo 31:23; Sofonias 3:17; Roma 8:28.
Mapagpasalamat na Mag-ako—Bilog na Pusong Magtao
Inisip-isip kan salmista: “Ano an ibabayad ko ki Jehova para sa gabos na pakinabang na itinao nia sa sako?” (Sal. 116:12) Anong mga pakinabang an inako nia? Inataman sia ni Jehova durante nin panahon nin “kasakitan asin kamondoan.” Dugang pa, ‘ilinigtas ni Jehova an saiyang kalag sa kagadanan.’ Ngonyan gusto nia na minsan paano ‘magbayad’ ki Jehova. Ano an puedeng gibohon kan salmista? Sia nagsabi: “An sakong mga promesa ootobon ko ki Jehova.” (Sal. 116:3, 4, 8, 10-14) Determinado siang otobon an gabos na sagradong iprinomesa nia ki Jehova asin an gabos na obligasyon nia sa saiya.
Magigibo man nindo iyan. Paano? Paagi sa pamumuhay kaoyon kan mga ley asin prinsipyo nin Dios sa gabos na panahon. Huli kaini, seguradohon na an saindong pagsamba ki Jehova nagdadanay na pinakaimportanteng bagay sa saindong buhay asin na nagpapagiya kamo sa espiritu nin Dios sa gabos na ginigibo nindo. (Ecl. 12:13; Gal. 5:16-18) Totoo, siempre, dai nindo noarin man lubos na mababayadan si Jehova sa gabos na ginibo nia para sa saindo. Pero, talagang ‘nagpapagayagaya sa puso ni Jehova’ na maheling na bilog na puso nindong itinatao an saindong kosog asin panahon sa paglilingkod sa saiya. (Tal. 27:11) Sarong marahayon na pribilehio nanggad na mapaogma si Jehova sa paaging ini!
Mga Leksiyon na Manunudan Niyato sa Libro nin Levitico
9 Ikaduwang leksiyon: Naglilingkod kita ki Jehova huling nagpapasalamat kita sa saiya. Tanganing iduon ini, pag-ulayan niyato an mga dulot sa pakikipagkatuninungan, na saro pang mahalagang aspekto kan tunay na pagsamba sa suanoy na Israel. Sa libro nin Levitico, naaraman niyato na an sarong Israelita puwedeng magdulot nin atang sa pakikipagkatuninungan bilang “pasasalamat.” (Lev. 7:11-13, 16-18, NW) Ginigibo niya an pag-atang na ini, bakong dahil kaipuhan niyang gibuhon iyan, kundi dahil gusto niyang gibuhon iyan. Kaya, an pag-atang na ini gikan sa buot na ginigibo nin saro huling namumutan niya an Diyos, si Jehova. An tawong nag-aatang, an saiyang pamilya, asin an mga saserdote, makakan kan karne kan iinatang na hayop. Pero may mga parte kan atang na hayop na pig-aatang sana para ki Jehova. Anong mga parte iyan?
10 Ikatulong leksiyon: Namumutan niyato si Jehova kaya itinatao ta sa saiya an satong pinakamakakaya. Para ki Jehova, an taba an pinakamarahay na parte nin sarong hayop. Espesipiko niya man na sinabi na an mahalagang marhay na mga organo, kaiba an bato, may espesyal na halaga. (Basahon an Levitico 3:6, 12, 14-16.) Kaya lalo nang nauugma si Jehova pag an sarong Israelita gikan sa buot na itinatao sa saiya an mahalagang marhay na mga organo asin an taba. An Israelitang nagtatao nin siring na dulot nagpapahiling nin makusog na pagmawot na itao sa Diyos an pinakamarahay. Sa kaagid na paagi, gikan sa buot man na itinao ni Jesus ki Jehova an pinakamakakaya niya paagi sa paglingkod sa Saiya nin bilog na kalag huli sa pagkamuot niya sa Saiya. (Juan 14:31) Dakulang kaugmahan para ki Jesus an paggibo kan kabutan nin Diyos; namumutan niyang marhay an pagbuot nin Diyos. (Sal. 40:8) Siguradong nakapaugmang marhay ki Jehova na mahiling na talagang gikan sa buot na naglilingkod sa saiya si Jesus!
11 Nakakaagid sa mga atang sa pakikipagkatuninungan an satong paglilingkod ki Jehova huling paagi kaini ipinapahiling niyato kun ano an satong namamatian para sa saiya. Itinatao niyato ki Jehova an satong pinakamakakaya, asin ginigibo ta iyan huling namumutan ta siya nin bilog na puso. Siguradong nauugma si Jehova na mahiling an minilyon na parasamba na gikan sa buot na naglilingkod sa saiya huli sa dakulang pagkamuot ninda sa saiya asin sa saiyang mga pamamaagi! Makakaranga sa sato kun gigirumdumon niyato na nahihiling asin pinapahalagahan ni Jehova bako lang an satong mga ginigibo kundi pati man an satong mga motibo. Halimbawa, kun may edad ka na asin dakul ka kutang gustong gibuhon pero dai mo na magibo, makakasigurado kang bako sa mga limitasyon mo nakahiling si Jehova. Tibaad mamatian mong dikit lang an maitatao mo sa saiya, alagad hinihiling ni Jehova an pagkamuot sa puso mo na nakakamotibar sa saimo na gibuhon kun ano an kaya mong gibuhon. Nauugma siyang akuon an pinakamakakaya mong itao.
Espirituwal na Kayamanan
Hapot Hale sa mga Parabasa
An pinasabngan na salmista nag-awit: ‘Mahalaga nanggad sa mga mata ni Jehova an kagadanan nin saiyang mga banal.’ (Sal. 116:15) An buhay nin lambang tunay na parasamba ni Jehova mahalagang marhay sa saiya. Minsan siring, labi pa sa kagadanan nin sarong indibiduwal an kahulogan kan mga tataramon sa Salmo 116 na kinotar pa sana.
Sa pahayag para sa sarong Kristiano na nagadan, bakong angay na iaplikar sa nagadan an Salmo 116:15, dawa ngani nagadan siang maimbod ki Jehova. Taano? Huling an tataramon kan salmista igwa nin mas mahiwas na kahulogan. Nangangahulogan iyan na para sa Dios dakulaon na bagay an kagadanan kan bilog na grupo nin mga maimbod sa saiya kaya dai sia matogot na mangyari iyan.—Hilingon an Salmo 72:14; 116:8.
DISYEMBRE 9-15
KAYAMANAN NA YAON SA TATARAMON NIN DIYOS SALMO 119:1-56
“Paano Mapagdadanay na Malinig nin Sarong Hoben an Saiyang Dalan?”
Kamo Daw Nagdadanay na Malinig sa Gabos na Bagay?
10 Sa Efeso 5:5 si Pablo nagpatanid: “Huli ta aram nindo, mantang minimidbid iyan nindo mismo, na mayo nin parasambay o marigsok na tawo o paslong tawo—na nangangahulogan nin pagigin parasamba sa ladawan—na may mamanahon sa kahadean kan Cristo asin nin Dios.” Pero, rinibo taon-taon an sinasagwe o itinitiwalag huli sa seksuwal na inmoralidad—‘pagkakasala tumang sa hawak.’ (1 Corinto 6:18) Parate na iyan bunga sana nin dai “pag-iingat sono sa tataramon [nin Dios].” (Salmo 119:9) Halimbawa, an dakol na tugang linilingawan an saindang moral na pag-iingat kun bakasyon. Napapabayaan an teokratikong pakikiiba, nakikiamigo sinda sa kinabanon na mga bakasyonista. Sa pangangatanosan na an mga ini ‘marahay man na mga tawo,’ an ibang Kristiano uminiba sa sainda sa kustionableng mga aktibidad. Siring man, an iba nagin sobra an pakikiamigo sa saindang mga katrabaho. An sarong Kristianong magurang naholog na gayo an boot sa sarong babaeng empleyada na binayaan nia an saiyang pamilya asin nakisaro sa babae! Pagkatiwalag an ibinunga. Totoo nanggad an mga tataramon kan Biblia, “An maraot na pag-iriba nakararaot sa marahay na mga ugale”!—1 Corinto 15:33.
“An Saimong mga Pagirumdom Iyo an Sakong Nawiwilihan”
SI Jehova nagtatao nin mga pagirumdom sa saiyang banwaan tanganing tabangan sindang atubangon an mga kasakitan sa depisil na mga panahon na ini. An nagkapira sa mga pagirumdom na ini nakukua durante nin personal na pagbasa sa Biblia, mantang an iba paagi sa impormasyon o mga komento sa Kristianong mga pagtiripon. An kadaklan sa nababasa o nadadangog niato sa mga okasyon na ini bako nang bago sa sato. Posibleng marhay na naestudyaran na niato an kaagid na impormasyon kan nakaagi. Minsan siring, huling kita may tendensiang makalingaw, kaipuhan niatong padagos na irepresko an satong memorya mapadapit sa mga katuyohan, ley, asin instruksion ni Jehova. Maninigo niatong pahalagahan an mga pagirumdom nin Dios. Pinapakosog giraray kaiyan an satong boot paagi sa pagtabang sa sato na pirmeng isaisip an mga dahelan na nagmotibar sa sato na sundon an diosnon na pamumuhay. Sa siring, an salmista nag-awit ki Jehova: “An saimong mga pagirumdom iyo an sakong nawiwilihan.”—Salmo 119:24.
Irayo an Saindong mga Mata sa mga Bagay na Daing Halaga!
2 Minsan siring, puede kitang ipahamak kan satong hineheling. An satong mga mata konektadong marhay sa isip niato kaya puede kitang pukawon kan satong naheheling na magkaigwa nin mga ambisyon asin pagmawot sa puso niato o paorogon an mga ini. Asin huling nabubuhay kita sa biko asin nagpapainggusto sa sadiri na kinaban na pinamamahalaan ni Satanas na Diablo, pinapaoranan kita nin mga ladawan asin propaganda na puedeng makaimpluwensia tolos sa sato—dawa kun madalian sana niatong naheling iyan. (1 Juan 5:19) Kun siring, bakong makangangalas na an salmista nakimaherak sa Dios: “Irayo mo an sakuyang mga mata sa pagheling sa daing halaga; papagdanayon mo akong buhay sa saimong sadiring dalan.”—Sal. 119:37.
Espirituwal na Kayamanan
Magtiwala sa Tataramon ni Jehova
2 An sarong mayor na punto kan Salmo 119 iyo an halaga kan tataramon, o mensahe, nin Dios. Posibleng marhay na tanganing makatabang sa memorya, ginibo kan kagsurat na magin alpabetiko an awit na ini. An 176 na bersikulo kaiyan nakabasar sa sunod-sunod na letra kan Hebreong abakada. Sa orihinal na Hebreo, an kada saro kan 22 na estropa kan salmo igwang 8 linya na nagpopoon sa parehong letra. An salmong ini nanonongod sa tataramon, ley, mga pagirumdom, paagi, areglo, regulasyon, togon, hudisyal na desisyon, kasabihan asin reglamento nin Dios. Sa artikulong ini asin sa kasunod, totokaron an Salmo 119 oyon sa eksaktong traduksion kan teksto sa Hebreong Biblia. An paghorophorop sa mga eksperyensia may koneksion sa mga lingkod ni Jehova kan nakaagi asin sa presente maninigong makatabang na masabotan niato nin orog an ipinasabong nin Dios na awit na ini asin makapakosog kan satong pagpasalamat sa nasusurat na Tataramon nin Dios, an Biblia.
DISYEMBRE 16-22
KAYAMANAN NA YAON SA TATARAMON NIN DIYOS SALMO 119:57-120
Kun Paano Matatagalan an mga Kasakitan
“Kanigoan an Sakong Pagkamoot sa Saimong Ley!”
2 Marahay na ihapot nindo, “Paano nagin gikanan nin karangahan para sa salmista an ley nin Dios?” An saiyang kompiansa na si Jehova interesado sa saiya iyo an nagsustenir sa saiya. An pagigin pamilyar sa mamomoton na mga probisyon sa ley na iyan an nagpaogma sa salmista, sa ibong kan mga kasakitan na inagihan nia sa mga nagkokontra sa saiya. Aram nia na marahay an pagtratar sa saiya ni Jehova. Dugang pa, huli sa pag-aplikar kan paggiya na yaon sa ley nin Dios, an salmista nagin mas madonong kisa sa saiyang mga kaiwal asin naingatan pa ngani siang buhay. An pagkuyog sa ley nagtao sa saiya nin katoninongan asin marahay na konsensia.—Salmo 119:1, 9, 65, 93, 98, 165.
Namomotan daw Nindo nin Labi-labi an mga Pagirumdom ni Jehova?
3 An mga pagirumdom nin Dios mahalagang marhay sa salmista na nag-awit: “Naghumari ako, asin dai ako nag-atraso sa pag-otob sa saimong mga togon. An mismong mga pisi kan mga maraot pinurupotan ako. An saimong ley dai ko liningawan.” (Salmo 119:60, 61) Tinatabangan kita kan mga pagirumdom ni Jehova na matagalan an paglamag huli ta kompiado kita na kayang patodon kan satong langitnon na Ama an mga pisi nin restriksion na iginagapos sa sato kan mga kaiwal. Sa itinalaan na panahon, bubutasan nia kita sa mga balakid na iyan tanganing ikapadagos ta an paghuhulit kan Kahadean.—Marcos 13:10.
Tampok na mga Kabtang sa Ikalimang Libro nin Salmo
119:71—Ano an makukuang pakinabang sa pagtios nin makuring sakit? An kasakitan puedeng magtokdo sa sato na mas lubos na magsarig ki Jehova, na mas odok na mamibi sa saiya, asin magin mas mahigos sa pag-adal kan Biblia asin pag-aplikar kan sinasabi kaiyan. Dugang pa, an satong reaksion sa makuring sakit puedeng maghayag nin mga depekto sa personalidad na puedeng ikorehir. Dai kita maghihinanakit huli sa pagdusa kun totogotan niato na dalisayon kita kaiyan.
“Makitangis sa mga Nagtatangis”
3 Mayong duda na an panginot na gikanan nin karangahan iyo an satong mapagmalasakit na Ama sa langit, si Jehova. (Basahon an 2 Corinto 1:3, 4.) Si Jehova an panginot na halimbawa sa pagpahiling nin empatiya asin nanuga siya sa saiyang banwaan: ‘Ako, ako an saindong pararanga.’—Isa. 51:12; Sal. 119:50, 52, 76.
5 Lubos kitang makakapagtiwala na tatabangan kita ni Jehova. Kaya, dai kita dapat mag-alangan na sabihon sa saiya sa pamibi an gabos na namamatian niyatong kulog asin kamunduan. Nakakaranga nanggad maaraman na nasasabutan ni Jehova an kulog na namamatian ta asin na nagtatao siya nin karangahan na kaipuhan tang marhay! Pero paano niya iyan ginigibo?
Espirituwal na Kayamanan
Tampok na mga Kabtang sa Ikalimang Libro nin Salmo
119:96—Ano an boot sabihon kan “katapusan kan gabos na pagkasangkap”? An salmista nagtataram manongod sa pagkasangkap sa punto de vista nin tawo. Tibaad nasa isip nia na limitado an ideya nin tawo manongod sa pagkasangkap. Sa kabaliktaran, an togon nin Dios mayo nin limitasyon na siring kaiyan. An paggiya kaiyan minaaplikar sa gabos na aspekto nin buhay. “Naheheling ko an limitasyon sa gabos na pagkasangkap,” an sabi kan New International Version, “alagad an saimong mga togon daing sagkod.”
DISYEMBRE 23-29
KAYAMANAN NA YAON SA TATARAMON NIN DIYOS SALMO 119:121-176
Kun Paano Malilikayan an Dai Kinakaipuhan na Kakulugan
Tugutan an mga Pagbuot Asin Prinsipyo nin Diyos na Sanayon an Saimong Konsiyensiya
5 Tanganing makinabang kita sa mga pagbuot nin Diyos, bako lang basta pagbasa o pagigin pamilyar diyan an kaipuhan. Dapat niyatong urog pang pahalagahan asin igalang iyan. Sinasabi kan Tataramon nin Diyos: ‘Ikaungis nindo an maraot, asin kamutan nindo an marahay.’ (Amos 5:15) Pero paano niyato magigibo iyan? Mahalagang marhay na manudan niyato na hilingon an mga bagay-bagay arog kan paghiling diyan ni Jehova. Pag-isipan ini: Ipamugtak na pirming bakong tultol an pagturog mo. May itinao sa saimo an doktor na sarong lista kan mga kaipuhan mong kakanon, ehersisyo, asin mga pagbabago sa istilo nin pamumuhay. Kan ginigibo mo na iyan, nahiling mong epektibo iyan! Siguradong papasalamatan mong marhay an doktor huli sa pagtabang sa saimo na maparahay an buhay mo.
6 Sa kaagid na paagi, an Kaglalang nagtao sa sato nin mga pagbuot na makakaprotektar sa sato sa nakakaraot na mga epekto nin kasalan asin sa siring maparahay an buhay ta. Pag-isipan kun paano kita nakinabang sa pagsunod sa mga pagbuot kan Bibliya dapit sa pagputik, pagpakana nin maraot sa iba, paghabon, imoralidad, kadahasan, asin espiritismo. (Basahon an Talinhaga 6:16-19; Kap. 21:8) Pag naeeksperyensiyahan ta an kadakul na bendisyon sa paggibo kan mga bagay-bagay sigun sa mga pamamaagi ni Jehova, nagkukusog man an pagkamuot ta asin pagpapahalaga ki Jehova saka sa saiyang mga pagbuot.
Mga Hobenes—Ano an Pinag-aaabot Nindo?
12 Orog sa gabos, kaipuhan na makanood kamong ikaongis, ikasurang, asin ikabalde an maraot. (Salmo 97:10) Paano nindo ikaoongis an tibaad sa primero nakaoogma o nakawiwili? Paagi sa paghorophorop sa mga resulta! “Dai kamo padaya: An Dios dai maoolog-olog. Huli ta an ano man na itinatanom nin tawo, iyan man sana an saiyang aanihon; huli ta an nagtatanom sa laman mag-aani man nin pagkatunaw sa laman.” (Galacia 6:7, 8) Kun nasusugotan na padara sa horot, isipon an mas mahalagang resulta—kun paano ini makakokolog ki Jehova Dios. (Ikomparar an Salmo 78:41.) Isipon man an posibilidad nin dai ginustong pagbabados o pakakua nin helang, arog kan AIDS. Horophoropa an emosyonal na kakologan asin pagkawara nin paggalang sa sadiri na aagihan nindo. Tibaad igwa man nin haloyan na mga resulta. An sarong Kristiana nag-admitir: “Kami mag-agom nakidorog sa iba bago kami nagkamidbidan. Minsan pareho na kami Kristiano ngonyan, an nakaagi niamong pakikidorog gikanan nin pag-iiwal asin pag-imon sa samong pag-agoman.” Dai man paglingawan an pagkawara kan saindong teokratikong mga pribilehiyo o an posibilidad na matiwalag sa Kristianong kongregasyon! (1 Corinto 5:9-13) Mababawi daw sa siring kadakulang kapierdihan an ano man na madalion sanang kaalingan?
Espirituwal na Kayamanan
Magin Kumbinsido na an Tataramon nin Diyos Katotoohan
2 Bilang mga lingkod ni Jehova, kumbinsido kita na siya “an Diyos nin katotoohan” asin na gusto niya pirmi an pinakamarahay para sa sato. (Sal. 31:5; Isa. 48:17) Aram ta na makakapagtiwala kita sa mga nababasa ta sa Bibliya; nagtutubod kita na “katotoohan an pinakaubod kan . . . tataramon [nin Diyos].” (Basahon an Salmo 119:160.) Uyon kita sa isinurat kan sarong iskolar sa Bibliya: “Mayo nin ano man na bakong totoo o dai magkakatotoo sa ano man na sinabi nin Diyos. Makakapagtiwala an mga lingkod nin Diyos sa sinasabi niya huling nagtitiwala sinda sa Diyos na nagsabi kaiyan.”
DISYEMBRE 30–ENERO 5
KAYAMANAN NA YAON SA TATARAMON NIN DIYOS SALMO 120-126
Nagsabwag Sinda na May mga Luha, Pero Nag-ani Sindang Maugma
Maogma an mga Nagpapamuraway sa Dios
10 Kun pinapasan niato an sakal nin pagkadisipulo, linalabanan niato si Satanas. “Tumangon nindo an Diablo, asin sia madulag sa saindo,” an panuga kan Santiago 4:7. Dai boot sabihon kaini na pasil an paggibo kaiyan. May kalabot na darudakulang paghihingoa an paglilingkod sa Dios. (Lucas 13:24) Alagad ini an panuga kan Biblia sa Salmo 126:5: “An mga nagsasabwag nin banhi na may mga luha mag-aaraning may magayagayang kurahaw.” Iyo, bakong ingratong Dios an sinasamba niato. Sia “an parabalos sa mga maigot na naghahanap sa saiya,” asin binebendisyonan nia an mga nagpapamuraway sa saiya.—Hebreo 11:6.
Pakusuga an Pagtubod Mo!
17 Nagmumundo ka daw dahil sa pagkagadan nin sarong mahal sa buhay? Magtao nin panahon para pakusugon an saimong pagtubod sa paglaom na pagkabuhay liwat paagi sa pagbasa sa mga istorya sa Bibliya manungod sa mga ibinangon hali sa mga gadan. Nagmumundo ka daw na marhay dahil sa natiwalag an sarong kapamilya mo? Mag-adal tanganing makumbinsir ka na an paagi nin Diyos nin pagtao nin disiplina iyo pirmi an pinakamarahay. Ano man an problema na napapaatubang saimo, gamiton iyan bilang oportunidad para pakusugon an saimong pagtubod. Sabihon ki Jehova an gabos na nasa puso mo. Dai isuway an sadiri, imbes magdanay na harani sa mga tugang. (Tal. 18:1) Makikabtang sa mga aktibidad na makakatabang saimo na makatagal, dawa kun napapaluha ka pag nagigirumduman mo an nangyari saimo. (Sal. 126:5, 6) Magdanay na regular sa mga pagtiripon, sa paglilingkod sa langtad, asin sa pagbasa nin Bibliya. Asin magdanay na nakapokus sa magayunon na mga bendisyon na itinatagama ni Jehova para sa saimo. Mantang nahihiling mo kun paano ka tinatabangan ni Jehova, mas lalo man na magkukusog an pagtubod mo sa saiya.
Magpadagos sa Pag-ani!
13 Dakulang karangahan para sa mga paraani nin Dios, asin nangorogna para sa mga nag-aagi nin paglamag, an mga tataramon sa Salmo 126:5, 6: “An mga nagsasabwag nin banhi na may mga luha mag-aaraning may magayagayang kurahaw. Sia na daing saltong minalakaw, na nagtatangis pa ngani, dara an supot nin banhi, daing salto na mabalik na may magayagayang kurahaw, dara an saiyang mga goygoy.” An mga tataramon kan salmista manongod sa pagsabwag asin pag-ani nag-iilustrar kan pag-asikaso asin pagbendisyon ni Jehova sa natatada na nagbalik hale sa pagkabihag sa suanoy na Babilonya. Naogma sindang marhay kan sinda makatalingkas, alagad puedeng naghibi sinda kan nagsasabwag nin banhi sa napabayaan na daga na dai nakultibar durante kan 70 taon na pagkadistiero ninda. Minsan siring, an mga nagpadagos sa saindang mga aktibidad na pagsabwag asin pagtotogdok nagkamit nin mga bunga asin satispaksion sa saindang pagpapagal.
14 Puedeng lumuha kita kun nag-aagi nin pagbalo o kun kita o an satong mga kapagtubod nagdudusa huli sa katanosan. (1 Pedro 3:14) Sa satong pag-ani, tibaad sa primero nasasakitan kita huli ta garo baga mayo kitang ikatokdong resulta kan satong mga paghihingoa sa ministeryo. Alagad kun padagos kitang magtatanom asin magbabaribi, an Dios an mapatubo kaiyan, na sa parate sa paaging dai niato inaasahan. (1 Corinto 3:6) Ipinaheheling nanggad ini kan mga resulta kan satong pagwaras nin mga Biblia asin mga publikasyon na sono sa Kasuratan.
Espirituwal na Kayamanan
Kapangyarihan na Magprotektar—“An Diyos Iyo an Satong Pailihan”
15 Aramon ta nguna an manungod sa pisikal na pagprotektar. Bilang mga parasamba ni Jehova, maaasahan ta na poprotektaran niya kita bilang sarong grupo. Ta kun dai, madali sana kitang mabibiktima ni Satanas. Isip-isipa ini: Si Satanas, “an tagapamahala kan kinaban na ini,” mayo nin ibang gusto kundi an paraon an tunay na pagsamba. (Juan 12:31; Kapahayagan 12:17) An nagkapira sa pinakamakapangyarihan na mga gobyerno sa daga ipinagbawal an satong gibuhon na paghuhulit asin pinurbaran na lubos kitang paraon. Pero, an banwaan ni Jehova nagdanay na marigon asin nagpadagos nin daing pundo sa paghuhulit! Taano ta dai nagibo kan makapangyarihan na mga nasyon na papunduhon an aktibidad kan sadit sana asin garo baga daing kalaban-laban na grupong ini nin mga Kristiyano? Huling pinoprotektaran kita ni Jehova paagi kan saiyang makapangyarihan na mga pakpak!—Salmo 17:7, 8.