Mga Reperensiya Para sa Workbook sa Pagtiripon na Pamumuhay Asin Ministeryo
© 2025 Watch Tower Bible and Tract Society of Pennsylvania
ENERO 5-11
KAYAMANAN NA YAON SA TATARAMON NIN DIYOS ISAIAS 17-20
“An Mangyayari sa mga Nanghahabon sa Sato”
“An Sakuyang Kahadian Bakong Kabtang kan Kinaban na Ini”
16 Asin mahalagang marhay nanggad an ginibo nindang mga pagbabago! Iinagid kan Bibliya an katawuhan sa maalon na dagat, mayo iyan nin katuninungan. (Isa. 17:12; 57:20, 21; Kap. 13:1) Huli sa mga isyu sa pulitika, nagkakariribok saka nagkakabaranga an mga tawo, asin nagkakaigwa nin mga kadahasan. Pero kita, pinagdadanay ta an satong katuninungan asin pagkasararo. Asin mantang pinagmamasdan ni Jehova an nagkakabarangang kinaban na ini, siguradong nauugma siya na mahiling an pagkasararo kan saiyang mga lingkod.—Basahon an Sofonias 3:17.
Magdanay Kang Neutral sa Nagkakabarangang Kinaban
4 Tibaad nakaistar kita sa lugar na trangkilo an pulitika asin garo baga baliwala sana sa mga tawo an pagigin neutral ta. Pero, mantang nagrarani an katapusan kan sistemang ini ni Satanas, lauman niyato na magigin mas masakit para sa sato an pagpadanay nin neutralidad. An mga tawo ngunyan “bakong bukas sa ano man na kasunduan” asin “matagas an payo,” kaya mas magkakabaranga pa sinda. (2 Tim. 3:3, 4, NW) Sa ibang nasyon, napapaatubang na an satong mga tugang sa mga dai linalauman na mga pagbalo sa saindang neutralidad huli sa biglaan na mga pagbabago sa pulitika. Iyan an dahilan kun taano ta dapat na niyatong pakusugon ngunyan an satong determinasyon na magdanay na neutral. Ta kun mahalat pa kita sagkod na yaon na an mga pagbalo, tibaad maikompromiso niyato an satong neutral na paninindugan. Kaya paano kita makakapag-andam tanganing magdanay na neutral sa nagkakabarangang kinaban? Pag-ulayan niyato an apat na paagi.
An Konseho ni Jehova Tumang sa mga Nasyon
20 An resulta? Si Isaias nagsasabi: “Sa oras nin banggi, tara, uya! may biglang pagkatakot nin grabe. Bago umabot an aga—iyan mayo na. Ini an kahirasan kan mga nananamsam sa sato, asin an kabtang kan mga nananalakat sa sato.” (Isaias 17:14) Dakol an nananalakat sa banwaan ni Jehova, na maringis asin daing galang an pagtratar sa sainda. Huli ta sinda bakong—asin habong magin—kabtang kan pangenot na mga relihion kan kinaban, an tunay na mga Kristiano minamansay kan may kinakampihan na mga kritiko asin panatikong kalaban bilang madaling mabiktima. Alagad kompiado an banwaan nin Dios na an “aga” kan pagtatapos kan saindang mga kahorasaan marikas nang nagdadangadang.—2 Tesalonica 1:6-9; 1 Pedro 5:6-11.
Espirituwal na Kayamanan
Tampok na mga Kabtang sa Libro nin Isaias—I
20:2-5—Talaga daw na naglakaw si Isaias na biyong huba sa laog nin tolong taon? Posible na hinuba ni Isaias an saiyang panluwas na gubing sana asin naglakaw na “daing gayong gubing.”—1 Samuel 19:24, nota sa ibaba.
ENERO 12-18
KAYAMANAN NA YAON SA TATARAMON NIN DIYOS ISAIAS 21-23
Makanuod sa Nangyari ki Sebna
Disiplina—Kapahayagan kan Pagkamuot nin Diyos
7 Tanganing iduon an kahalagahan kan disiplina, pag-ulayan ta an duwang indibidwal na dinisiplina ni Jehova: si Sebna, na nabuhay kan panahon ni Hading Hezekias, asin si Graham, na sarong brother sa panahon niyato. Bilang mayordomo na ‘pinaniwalaan kan harong’—na minalataw na ki Hezekias—dakula an awtoridad ni Sebna. (Isa. 22:15) Pero nakakamundo ta nagi siyang mapalangkaw, asin nagmawot nin kaumawan para sa saiyang sadiri. Nagpagibo pa ngani siya nin magarbong lulubngan para sa sadiri niya, asin nagsakay sa ‘mamuraway na mga karwahe’!—Isa. 22:16-18.
8 Huling nagmawot si Sebna nin kaumawan para sa saiyang sadiri, ‘hinali siya nin Diyos sa saiyang katungdan’ asin isinalida sa saiya si Eliakim. (Isa. 22:19-21, BPV) Nangyari ini kan naghuhuma an hadi kan Asiria na si Sennacherib na sasalakayon niya an Jerusalem. Pakalihis nin pirang panahon, nagsugo an hading iyan nin haralangkaw na opisyal pasiring sa Jerusalem, kaiba an sarong dakulang hukbo, tanganing paluyahon an buot kan mga Judio asin takuton si Hezekias para sumuko ini. (2 Ha. 18:17-25) Isinugo si Eliakim tanganing makipag-ulay sa mga opisyal, pero dai siya solong nagduman. May kaiba siyang duwa—an saro iyo si Sebna, na naglilingkod na bilang sekretaryo. Bako daw na ipinaparisa kaini na si Sebna dai naghinanakit asin dai naanggot kundi mapakumbabang inako an mas hababang posisyon? Ano an manunudan niyato sa istoryang ini? Pag-ulayan ta an tulo.
9 Inot, nawara ki Sebna an saiyang posisyon. Ipinapagirumdom sa sato kan eksperyensiya niya na “an pagigin orgulyoso sinusundan nin pagbagsak, asin an kapalangkawan sinusundan nin pagkatumba.” (Tal. 16:18, NW) Kun may mga pribilehiyo ka sa kongregasyon asin iniisip kan iba na importante ka, hihinguwahon mo daw na magdanay na mapakumbaba? Itatao mo daw ki Jehova an kaumawan sa mga abilidad na igwa ka o sa marahay na mga bagay na nagibo mo? (1 Cor. 4:7) Si apostol Pablo nagsurat: “Sinasabihan ko an lambang saro diyan sa saindo na dai magin sobra an hiling sa sadiri, kundi ipahiling nindo na igwa kamo nin tultol na isip.”—Roma 12:3.
Disiplina—Kapahayagan kan Pagkamuot nin Diyos
10 Ikaduwa, posibleng ipinapahiling ni Jehova sa magabat na pagdisiplina niya ki Sebna na naniniwala siyang puwede pa ining magbago. (Tal. 3:11, 12) Marahayon na halimbawa nanggad iyan para sa mga nawaran nin mga pribilehiyo sa paglilingkod sa kongregasyon nin Diyos ngunyan! Imbes na maanggot o maghinanakit, lugod na padagos sindang maglingkod sa Diyos sa abot kan saindang makakaya sa bago nindang kamugtakan, na ibinibilang na kapahayagan kan pagkamuot ni Jehova an pagdisiplina. Tandaan, kun magpapakumbaba kita, an satong Ama dai kita ibibilang na mayo nang pag-asang magbago. (Basahon an 1 Pedro 5:6, 7.) An mamumuton na disiplina nin Diyos sarong paagi na minomolde niya kita, kaya lugod na magdanay kitang madaling moldehon sa saiyang kamot.
Disiplina—Kapahayagan kan Pagkamuot nin Diyos
11 Ikatulo, may manunudan na mahalagang leksiyon sa pagtratar ni Jehova ki Sebna an mga tinawan nin awtoridad na magtao nin disiplina, arog nin mga magurang asin mga elder. Ano iyan? Totoo na ipinapahiling kan pagdisiplina ni Jehova na ikinakaungis niya an maraot, pero ipinapahiling man kaiyan na nagmamalasakit siya sa nagkasala. Kun saro kang magurang o elder asin kaipuhan mong magtao nin disiplina, aarugon mo daw si Jehova, na ikinakaungis an maraot pero hinihiling man an marahay na mga kuwalidad kan saimong aki o kapagtubod?—Jud. 22, 23.
Espirituwal na Kayamanan
Tampok na mga Kabtang sa Libro nin Isaias—I
21:1—Anong rehion an inaapod na “kaawagan kan dagat”? Iyan an apod sa Babilonya dawa ngani bako ining harani sa ano man na aktuwal na dagat. Ini huling an rehion binabaha taon-taon kan naglilipwas na tubig kan mga salog nin Eufrates asin Tigris, na nagigin dahelan nin pagkaigwa nin malapok na “dagat.”
ENERO 19-25
KAYAMANAN NA YAON SA TATARAMON NIN DIYOS ISAIAS 24-27
“Siya an Satuyang Diyos!”
“Uya! Siya an Satuyang Diyos!”
21 Nakahiling ka na nin sarong sadit na aki na itinutukdo sa saiyang mga amigo an saiyang ama tapos may kaugmahan saka may pag-orgulyo na nagsasabi, “Iyan an Papa ko”? An mga parasamba nin Diyos igwa kan gabos na dahilan para makamati nin siring kaiyan kun manungod ki Jehova. Ihinula kan Bibliya an panahon na an maimbod na mga tawo masabi: “Uya! Siya an satuyang Diyos!” (Isaias 25:8, 9) Mantang mas nasasabutan mo an mga kuwalidad ni Jehova, mas mamamatian mo man na igwa ka kan pinakamarahay na Ama na maiisip mo.
Sarong Milagrosong Pagpakakan nin Tinapay
14 Kan sambiton ni Jesus an manungod sa “samong kakanon para sa aldaw na ini,” binanggit niya an mapadapit sa panahon na an kabutan nin Diyos mangyayari “kun paano sa langit, siring man sa daga.” (Mat. 6:9-11) Ano an naiimahinar mong mangyayari sa panahon na iyan? Ipinaparisa kan Bibliya na kaiba sa kabutan nin Diyos sa daga an pagkaigwa nin masisiram na kakanon. Kauyon kan sinasabi sa Isaias 25:6-8, magkakaigwa nin abundang masisiram na pisikal na kakanon sa irarom kan Kahadian ni Jehova. Ihinula kan Salmo 72:16: “Magkakaigwa nin abundang tipasi sa ibabaw kan daga; masurobra iyan sa alituktok kan kabukidan.” Hinahalat-halat mo na daw na gamiton an mga iyan sa pagpreparar kan saimong paboritong tinapay o sa pagpurbar nin bagong mga resipe? Tibaad gusto mo man na magkaigwa nin sadiri mong ubasan asin ikaugma an mga bunga kaiyan. (Isa. 65:21, 22) Asin bako lang ika an makakaeksperyensiya kaiyan, kundi gabos na tawo sa daga.
Kun Paano Kita Nakikinabang sa Pagkamuot ni Jehova
11 Imahinara an magigin buhay mo sa Paraisong daga. Dai ka na mahahadit huli sa hilang o kagadanan. (Isa. 25:8; 33:24) Lubos na papaniguan ni Jehova an lambang marahay na bagay na minamawot mo. Gusto mo daw pag-adalan an manlain-lain na klase nin hayop saka pananom, magin mahusay magkanta o makanuod magtugtog nin mga instrumento sa musika, mag-adal mag-painting, o magpasyar sa manlain-lain na lugar? Sigurado man na mangangaipo nin mga arkitekto, paratugdok, asin mga parauma. Kaipuhan man nin mga paraluto, mga paragibo nin mga kasangkapan, asin nin mga hardinero. (Isa. 35:1; 65:21) Mabubuhay ka nin daing katapusan kaya may panahon kang pag-adalan asin manudan an ano man na kasanayan na gusto mo.
12 Maugmahon nanggad na sabaton an mga binuhay liwat! (Gibo 24:15) Imahinara man kun gurano nakaka-enjoy na urog pang makanuod manungod ki Jehova paagi sa pag-adal sa dakulon niyang mga linalang. (Sal. 104:24; Isa. 11:9) Urog sa gabos, magigin marahayon nanggad sa pagmati na sambahon si Jehova na mayo na ni kadikit na pakamati nin pagkakonsiyensiya! Iriribay mo daw an maabot na mga bendisyon na ini para sa “temporaryong kaugmahan sa kasalan”? (Heb. 11:25) Siguradong dai! Sulit nanggad an ano man na pagsasakripisyong kaipuhan tang gibuhon ngunyan para sa mga bendisyon na ini. Tandaan, an Paraisong daga dai magdadanay na paglaom na sana pirmi. Maabot an panahon na diyan na talaga kita mabubuhay sa kada aldaw. Dai magigin posible an gabos na ini kun dai kita namutan na marhay ni Jehova na huli kaiyan itinao niya an saiyang Aki alang-alang sa sato!
Espirituwal na Kayamanan
An 2013 Rebisyon kan New World Translation
Taano ta dakul nang kapitulo ngunyan an nasa pormang tula? Dakul na kabtang kan Bibliya an orihinal na isinurat bilang tula. Sa presenteng mga lengguwahe, parating namimidbid an tula paagi sa mga tataramon na magkapareho an tanog. Pero sa Hebreo, an pinakamahalagang elemento kan tula iyo an pagkakaagid asin pagkakalain. Nakukua kan Hebreong mga tula an ritmo kaiyan bako sa magkatanog na mga tataramon kundi sa lohikal na pagkasunod-sunod kan mga ideya.
Sa nainot na mga edisyon kan New World Translation, ginibong nasa pormang tula an Job asin Salmo para ipahiling na iyan orihinal na isinurat para kantahon o basahon nin makusog. Nakatabang an pormang ini sa pagduduon asin sa memorya. Sa 2013 rebisyon, nasa pormang tula na an Talinhaga, Awit ni Solomon, asin an dakul na kapitulo kan mga libro nin hula para ipahiling na isinurat iyan bilang tula asin para iduon an mga pagkakaagid saka pagkakalain diyan. An sarong halimbawa kaiyan iyo an Isaias 24:2, na may pagkakalain an kada linya, asin an sarong linya sinusuportaran an iba pang linya para iduon na mayo nin makakalibre sa paghukom nin Diyos. Huling nasa pormang tula iyan, masasabutan kan nagbabasa na dai sana basta pig-uutro kan kagsurat kan Bibliya an mga isinurat niya, kundi naggamit siya nin sarong teknik para maiduon an mensahe nin Diyos.
Sa Hebreo, tibaad dai pirming risa an pagkakalain kan tula sa prosa (prose), kaya nagkakalain-lain an mga paratradusir kan Bibliya sa kun arin an ibibilang na tula. Nasa paghusgar na kan paratradusir kun arin na mga bersikulo an iimprentahon na pormang tula. An iba, prosa an pagkasurat pero naggagamit nin mga tataramon na patula, simboliko, doble an kahulugan, asin pagkakaagid para maiduon an sarong punto.
ENERO 26–PEBRERO 1
KAYAMANAN NA YAON SA TATARAMON NIN DIYOS ISAIAS 28-29
Tawan nin Onra si Jehova Bako lang Paagi kan Saimong mga Ngabil Kundi Pati Man sa Puso Mo
Ihinula ni Isaias an ‘Misteryosong Gibo’ ni Jehova
23 An mga namomoon sa relihion kan Juda naghihingako na may diskresion sa espirituwal, alagad binayaan ninda si Jehova. Imbes, an itinotokdo ninda sadiri nindang biribid na mga ideya nin tama asin sala, na ipinangangatanosan an saindang kadaihan nin pagtubod asin inmoral na mga aktibidad patin an pagdara ninda sa banwaan pasiring sa pagdesaprobar nin Dios. Paagi sa “sarong bagay na makangangalas”—an saiyang ‘misteryosong gibo’—papaninimbagon sinda ni Jehova sa saindang pagsaginsagin. Sia nagsasabi: “Sa dahelan na an banwaan na ini ruminani paagi sa saindang ngoso, asin inomaw ninda ako paagi sana sa saindang mga ngabil, asin irinayo nanggad ninda an saindang puso sa sako, asin an saindang pagkatakot sa sako nagigin pagboot nin mga tawo na itinotokdo, kun siring uya ako, an Saro na mahiro giraray nin makangangalas sa banwaan na ini, sa makangangalas na paagi asin paagi sa sarong bagay na makangangalas; asin an kadonongan kan saindang mga madonong mapapara, asin an mismong pakasabot kan saindang mga lalaking may diskresion matago.” (Isaias 29:13, 14) An kadonongan asin pakasabot daa kan Juda mawawara kun maniobrahon na ni Jehova an mga bagay-bagay tanganing an bilog na apostatang relihiosong sistema kaini paraon kan Kapangyarihan Pankinaban nin Babilonya. Nangyari man iyan kan enot na siglo pakatapos na an nasyon ilagalag kan madonong daang mga namomoon sa mga Judio. Kaagid kaiyan an mangyayari sa satong kaaldawan sa Kakristianohan.—Mateo 15:8, 9; Roma 11:8.
Mayo nin Makakapapundo sa mga Namumuot sa Katotoohan na Maglingkod ki Jehova
7 Kusog-buot na kinondenar ni Jesus an mga kaugalian nin relihiyon na dai man talaga inuuyunan ni Jehova. Halimbawa, ibinuyagyag niya an pagsagin-sagin kan mga Fariseo, na mas iniisip pa kun paano sinda naghuhugas nin kamot kisa sa kun paano ninda inaasikaso an saindang mga magurang. (Mat. 15:1-11) Posibleng nabigla an mga disipulo ni Jesus sa sinabi niya. Mala ta hinapot ninda siya: “Aram mo daw na nagkaaranggot an mga Fariseo kan madangog ninda su sinabi mo?” Nagsimbag si Jesus: “An lambang tanom na dai itinanom kan sakuyang langitnon na Ama gagabuton. Pabayai sinda. Mga buta sindang parakabit. Kaya, kun tawong buta an makabit sa sarong buta, pareho sindang mahuhulog sa kalot.” (Mat. 15:12-14) Dai tinugutan ni Jesus an negatibong reaksiyon kan mga lider nin relihiyon na idto na papunduhon siya sa pagsabi kan katotoohan.
Magdanay na Bisita ni Jehova Sagkod Pa Man!
8 An saro na ‘nagtataram nin katotoohan sa saiyang puso’ dai nagsasagin-sagin na makinuyog pag may mga nakakahiling pero binabalga an mga katugunan nin Diyos pag siya na sana. (Isa. 29:13) Dai siya minagawi nin may katusuhan. An sarong tawong tuso tibaad magpuon na magduda kun baga madunong na sunudon an nagkapira sa mga katugunan ni Jehova. (Sant. 1:5-8) Tibaad suwayon niya si Jehova sa mga bagay na sa hiling niya bakong gayong mahalaga. Dangan kun garo baga mayo man nin maraot na mga konsekwensiya an pagsuway niya, tibaad magin mas desidido siyang lalo pang suwayon an mga pagbuot nin Diyos, asin magin sagin-sagin na sana an saiyang pagsamba. (Ecl. 8:11) Alagad kita, gusto tang magin sadiyosan sa gabos na bagay.
Espirituwal na Kayamanan
it-TG “Ariel” ¶1; it-TG “Ariel” Num. 3
Ariel
[Apuyan ng Altar ng Diyos; o, Leon ng Diyos].
3. Isang mahiwagang pangalan na ikinapit sa Jerusalem sa Isaias 29:1, 2, 7. Ang Jerusalem ang lokasyon ng templo ng Diyos na kinaroroonan ng altar na pinaghahainan. Dahil dito, ang lunsod, sa diwa, ay apuyan ng altar ng Diyos. Dapat din sanang ito ang maging sentro ng dalisay na pagsamba kay Jehova. Gayunman, ang mensahe sa Isaias 29:1-4 ay nagbabadya ng lagim at humuhula ng pagkapuksa na nakatakdang sumapit sa Jerusalem sa pamamagitan ng mga Babilonyo noong 607 B.C.E., kung kailan siya ay magiging isang “apuyan ng altar” sa naiibang diwa: bilang isang lunsod na inaagusan ng ibinubong dugo at tinupok ng apoy at punô ng mga bangkay ng mga biktima ng maapoy na pagkapuksa. Ang pinakasanhi ng kapahamakang ito ay binabanggit sa mga talata 9 hanggang 16. Gayunman, ipinakikita ng Isaias 29:7, 8 na ang mga bansang magdudulot ng gayong pagkapuksa sa Jerusalem ay mabibigo sa kanilang ultimong layunin o tunguhin.
PEBRERO 2-8
KAYAMANAN NA YAON SA TATARAMON NIN DIYOS ISAIAS 30-32
Magpaili sa Irarom kan mga Pakpak ni Jehova
Si Jehova an Satong Pailihan
7 Huling yaon si Jehova bilang satong pailihan, nararanga kita kan mga tataramon na: “Paagi sa saiyang mga gilid nin pakpak oolangon nia an pagdolok sa saimo, asin sa irarom kan saiyang mga pakpak ika mapaili. An saiyang kaimbodan sa katotoohan magigin dakulang kalasag asin balwarte.” (Salmo 91:4) Pinoprotehiran kita nin Dios, kun paanong an magurang na gamgam may pagprotehir na naglalayoglayog sa tangod kan mga siyo kaiyan. (Isaias 31:5) ‘Paagi sa saiyang mga gilid nin pakpak inoolang nia an pagdolok sa sato.’ Sa pankagabsan, an “mga gilid nin pakpak” nin gamgam iyo an mga pakpak mismo kaiyan. Paagi kaiyan kinukupkopan nin gamgam an mga siyo kaiyan, na pinoprotehiran sinda sa mga naniniba. Siring sa dai pa makalayog na mga gamgam, kita tiwasay sa irarom kan piguratibong mga gilid nin pakpak ni Jehova huli ta kita nagpapaili sa saiyang tunay na Kristianong organisasyon.—Rut 2:12; Salmo 5:1, 11.
Tatabangan Ka ni Jehova sa Masakit na mga Panahon
13 Kun ano dapat tang gibuhon. Labanan an tendensiyang isuway an sadiri. Pag nagparasolo-solo kita, sa parati nagigin hayakpit an kaisipan ta, dangan an pagpaparaisipon ta na lang iyo an sadiri ta saka an problemang inaagihan ta. An arog kaiyan na kaisipan puwedeng makaapektar sa mga desisyon na ginigibo ta. (Tal. 18:1) Siyempre, may mga oras na kaipuhan tang magsolo-solo nguna, lalo na pag may trahedyang uminagi sa buhay ta. Minsan siring, kun padagos tang isusuway an satong sadiri, tibaad mairayo ta man an satong sadiri sa mismong paagi na ginagamit ni Jehova para tabangan kita. Kaya dawa ngani dipisil gibuhon pag nasa masakit kitang sitwasyon, akuon an tabang kan saimong kapamilya, mga amigo, asin kan mga elder. Mansayon sinda kun ano talaga sinda—an paagi ni Jehova para tabangan ka.—Tal. 17:17; Isa. 32:1, 2.
“Papakusugon Niya Kamo”—Paano?
19 Paano mo mapapakusog an saimong paglaom? Halimbawa, kun an paglaom mo iyo na mabuhay nin daing sagkod digdi sa daga, basahon an paglaladawan kan Bibliya manungod sa Paraiso asin hurop-hurupon iyan. (Isa. 25:8; 32:16-18) Isip-isipon kun ano an magigin buhay sa bagong kinaban. Imahinaron na yaon ka duman. Sairisay an nahihiling mo? Anong mga tanog an nadadangog mo? Ano an namamatian mo? Para mapukaw an saimong imahinasyon, hilingon an mga artwork sa satong mga publikasyon na ilinaladawan an Paraiso o hilingon an sarong music video, arog kan Sa Bagong Kinaban, Natatanaw Na, o Imahinara an Paglaom Ta. Kun padagos tang isinasaisip an paglaom manungod sa bagong kinaban, an satong mga problema ‘maagi sana asin magigin magian.’ (2 Cor. 4:17) Papakusugon ka ni Jehova paagi sa paglaom na itinatao niya sa saimo.
Espirituwal na Kayamanan
it-TG “Tinapay” ¶15
Tinapay
Makasagisag na Paggamit. Ang terminong “tinapay,” gaya ng pagkakagamit sa Bibliya, ay may iba’t ibang makasagisag na pagkakapit. Halimbawa, sinabi nina Josue at Caleb sa nagkakatipong mga Israelita na ang mga tumatahan sa Canaan ay “tinapay sa atin,” maliwanag na nangangahulugang madaling matalo ang mga iyon at na mapalalakas o mapatitibay ang Israel ng karanasang iyon. (Bil 14:9) Waring ipinahihiwatig naman ng Awit 80:5 ang matinding lumbay na dulot ng di-pagsang-ayon ng Diyos, anupat sinasabi roon tungkol sa Pastol ng Israel na si Jehova: “Pinakain mo sila ng tinapay na mga luha.” Tinutukoy rin si Jehova bilang ang nagbibigay sa kaniyang bayan ng “tinapay sa anyo ng kabagabagan at ng tubig sa anyo ng paniniil,” maliwanag na tumutukoy sa mga kalagayang daranasin nila kapag kinubkob sila anupat magiging pangkaraniwan sa kanila ang mga iyon gaya ng tinapay at tubig.—Isa 30:20.
PEBRERO 9-15
KAYAMANAN NA YAON SA TATARAMON NIN DIYOS ISAIAS 33-35
“Siya an Nagtatao nin Seguridad sa Buhay Mo”
Tatabangan Ka ni Jehova sa Masakit na mga Panahon
7 Mga kadipisilan. Pag nag-aagi nin grabeng mga kadipisilan, an satong pagmati, kaisipan, saka reaksiyon tibaad dai magin balanse. An satong emosyon tibaad magin arog nin sarong barko na pigrarapado nin makusog na alon. Sinabi ni Ana, na sinambit subago, na manlain-lain na emosyon an namati niya kan magadan si Luis. Sinabi niya: “Pag nakamati ako nin grabeng kamunduan, sunod kaiyan mahihirak na ako sa sadiri ko. Tapos naaanggot ako ta mayo na siya.” May mga pagkakataon man na napupungaw si Ana asin nadidisganar pag kaipuhan niyang magdesisyon manungod sa mga bagay na mahusay na nagigibo kaidto ni Luis. Kun minsan, pagmati niya yaon siya sa tahaw nin mabagyong dagat. Paano kita tinatabangan ni Jehova pag nalalamos na kita kan siring na mga emosyon?
8 Kun paano kita tinatabangan ni Jehova. Sinisigurado niya sa sato na paparigunon niya kita o ‘tatawan nin seguridad.’ (Basahon an Isaias 33:6.) Pag an barko inabutan nin sarong bagyo sa dagat, posibleng magkiwang-kiwang iyan nin grabe. Para makontra iyan, dakul na barko an igwa nin pambalanse (stabilizer) sa mag-ibong na parte kan irarom kan barko. Huli sa mga pambalanseng ini, dai gayong nagkikiwang-kiwang an barko kaya nagigin mas ligtas an pagbiyahe asin mas komportable an mga pasahero. Pero an mga pambalanseng ini mas naggagana pag nag-aabante an barko. Sa kaparehong paagi, paparigunon man kita ni Jehova kun padagos man kitang maimbod na maglilingkod sa saiya sa panahon nin mga kasakitan.
Magdanay na Magaya-gaya Pag Nagtatagal nin Pagbalo
10 Para mapagdanay an kagaya-gayahan: Maghagad nin kadunungan ki Jehova. Para magtagal nin may kagaya-gayahan dawa may mga pagbalo, kaipuhan ta ngunang hagadon ki Jehova sa pamibi an kadunungan na kaipuhan ta para makagibo nin marahay na mga desisyon. (Basahon an Santiago 1:5.) Ano an gigibuhon ta kun sa hiling ta dai tulos sinisimbag ni Jehova an mga pamibi ta? Sinabi ni Santiago na dapat na “padagos [kitang] maghagad” sa Diyos. Dai nasusuya si Jehova pag padagos kitang naghahagad saiya nin kadunungan. Dai siya maaanggot sato. An satong Ama sa langit “bukas-palad na nagtatao” pag hinahagad ta sa pamibi an kadunungan para matagalan an mga pagbalo. (Sal. 25:12, 13) Nahihiling niya an satong mga pagbalo, may empatiya siya sato, saka gustong-gusto niya kitang tabangan. Dahilan nanggad iyan para maggaya-gaya kita! Pero paano kita tinatawan ni Jehova nin kadunungan?
11 Tinatawan kita ni Jehova nin kadunungan paagi kan saiyang Tataramon. (Tal. 2:6) Para magkaigwa kan kadunungan na iyan, kaipuhan tang pag-adalan an Bibliya asin an mga publikasyon na basado diyan. Pero bako lang basta pagkua nin kaaraman an kaipuhan tang gibuhon. Kaipuhan tang gibuhon an ipinapagibo sato nin Diyos. Isinurat ni Santiago: “Magi kamong mga parautob kan tataramon asin bakong mga paradangog sana.” (Sant. 1:22) Pag inaaplikar ta an sadol nin Diyos, nagigin mas mapagpatuninong kita, rasonable, saka mahihirakon. (Sant. 3:17) Nakakatabang sato an mga kuwalidad na iyan na maatubang an ano man an pagbalo na dai nawawaran nin kagaya-gayahan.
“Mayo nin Nag-eerok na Masabi: ‘Naghehelang Ako’”
21 Minsan siring, an hula ni Isaias may kaotoban sa presenteng panahon. An banwaan ni Jehova ngonyan nagkamit man nin espirituwal na pagpaomay. Sinda pinatalingkas sa mga falsong katokdoan siring kan inmortalidad kan kalag, Trinidad, asin kalayo sa impierno. Sinda nag-aako nin paggiya sa moral, na nagpapatalingkas sa sainda sa inmoral na mga gibo asin nagtatabang sa sainda na makagibo nin marahay na mga desisyon. Asin sa tabang kan atang na pantubos ni Jesu-Cristo, igwa sinda nin malinig na kamugtakan sa atubangan nin Dios asin igwa nin malinig na konsensia. (Colosas 1:13, 14; 1 Pedro 2:24; 1 Juan 4:10) An espirituwal na pagpaomay na ini igwa nin pisikal na mga pakinabang. Halimbawa, an paglikay sa inmoral na sekso asin paggamit nin mga produktong tabako nagpoprotehir sa mga Kristiano tumang sa mga helang na ikinaoolakit paagi sa pagdodorog asin nagkapirang klase nin kanser.—1 Corinto 6:18; 2 Corinto 7:1.
22 Dugang pa, magkakaigwa nin mas dakulang kaotoban an mga tataramon sa Isaias 33:24 pakatapos kan Armagedon, sa bagong kinaban nin Dios. Sakop kan pamamahala kan Mesiyanikong Kahadean, an mga tawo makaeeksperyensia nin dakulang pisikal na pagpaomay kaiba kan espirituwal na pagpaomay sa sainda. (Kapahayagan 21:3, 4) Dai mahahaloy pakatapos laglagon an sistema nin mga bagay ni Satanas, an mga milagro na kapareho kan mga ginibo ni Jesus kan nabubuhay pa digdi sa daga daing duwa-duwa na mangyayari sa bilog na globo. An mga buta makaheheling, an mga bungog makadadangog, an mga pilay makalalakaw! (Isaias 35:5, 6) Pangyayarihon kaini na an gabos na maliligtas sa dakulang kahorasaan makapakikabtang sa dakulang gibohon na paggibo kan daga na magin paraiso.
Espirituwal na Kayamanan
Padagos na Maglakaw sa “Dalan nin Kabanalan”
8 ‘Interesante nanggad an mga iyan,’ an tibaad isipon kan nagkapira, ‘pero an nangyari daw sa mga Judio haloy na panahon na an nakaagi may kahulugan para sa sato ngunyan?’ Iyo, igwa nanggad, huling sa kaparehong paagi naglalakaw man kita ngunyan sa “Dalan nin Kabanalan.” Kita man kabilang sa mga linahidan o sa “ibang mga karnero,” kaipuhan tang padagos na maglakaw sa “Dalan nin Kabanalan” huling pinapagdanay kita kaiyan sa espirituwal na paraiso asin magiya iyan sa sato pasiring sa maabot na mga bendisyon kan Kahadian. (Juan 10:16) Puon kan 1919 C.E., minilyon na mga lalaki, mga babayi, asin mga aki an naghali sa Dakulang Babilonya, an pambilog na kinaban na imperyo nin palsong relihiyon, asin nagpuon na maglakaw sa piguratibong dalan na iyan. Posibleng marhay na saro ka sa sainda. Dawa ngani binuksan an dalan na iyan mga 100 na taon na an nakaagi, an pag-andam sa mayor na tinampong iyan nagpuon dakul na siglo pa bago kaiyan.
PEBRERO 16-22
KAYAMANAN NA YAON SA TATARAMON NIN DIYOS ISAIAS 36-37
“Dai Ka Matakot Huli sa mga Tataramon na Nadangog Mo”
it-TG “Hezekias” Num. 1 ¶14
Hezekias
Ang Pagkabigo ni Senakerib sa Jerusalem. Gaya ng inaasahan ni Hezekias, ipinasiya ni Senakerib na salakayin ang Jerusalem. Habang kinukubkob ni Senakerib kasama ng kaniyang hukbo ang matibay na nakukutaang lunsod ng Lakis, isinugo niya ang isang bahagi ng kaniyang hukbo kasama ng inatasang mga pinuno ng militar upang hingin ang pagsuko ng Jerusalem. Ang tagapagsalita para sa pangkat ay si Rabsases (hindi pangalan ng lalaking iyon, kundi ang kaniyang titulo sa militar), na matatas magsalita ng Hebreo. Kinutya niya si Hezekias sa malakas na tinig at tinuya si Jehova, anupat naghambog na hindi maililigtas ni Jehova ang Jerusalem kung paanong hindi nailigtas ng mga diyos ng iba pang mga bansa ang mga lupain ng kanilang mga mananamba mula sa hari ng Asirya.—2Ha 18:13-35; 2Cr 32:9-15; Isa 36:2-20.
Binalosan an Pagtubod nin Sarong Hade
10 Sunod ipinagirumdom ni Rabsaces sa mga Judio na kun sa militar dehadong marhay sinda. Ipinahayag nia an aroganteng angat na ini: “Tatawan taka nin duwang ribong kabayo tanganing helingon kun baga makakabugtak ka nin mga masakay sa mga iyan.” (Isaias 36:8) Pero sa totoo, mahalaga daw kun baga dakol o dikit an sinanay na kabalyeriya kan Juda? Dai, huli ta an kaligtasan kan Juda dai nakadepende sa nakalalabing kosog sa militar. Ipinaliliwanag kan Talinhaga 21:31 an mga bagay-bagay nin arog kaini: “An kabayo inaandam para sa aldaw nin ralaban, alagad an kaligtasan ki Jehova.” Dangan si Rabsaces naghingako na an bendisyon ni Jehova nasa mga Asirio, bakong sa mga Judio. Ta kun dai, an argumento nia, nungka kutanang nakalaog an mga Asirio sa teritoryo kan Juda.—Isaias 36:9, 10.
Binalosan an Pagtubod nin Sarong Hade
13 Hale sa saiyang arsenal nin mga argumento, si Rabsaces nagluwas nin saro pang berbal na armas. Pinatanidan nia an mga Judio na dai maniwala ki Ezequias kun sia magsabi: “Si Jehova mismo an maligtas sa sato.” Ipinagirumdom ni Rabsaces sa mga Judio na dai naolang kan mga dios nin Samaria na madaog kan mga Asirio an sampulong tribo. Asin kumusta man an mga dios kan ibang nasyon na kinongkistar kan Asiria? “Haen an mga dios nin Hamat asin Arpad?” an hapot nia. “Haen an mga dios nin Sefarvaim? Asin ikinaligtas daw ninda an Samaria sa sakong kamot?”—Isaias 36:18-20.
14 Siempre, si Rabsaces, na nagsasamba sa falsong mga dios, dai nakasasabot na igwa nin dakulang kalaenan an apostatang Samaria sagkod an Jerusalem na sakop ni Ezequias. An falsong mga dios kan Samaria mayo nin kapangyarihan na iligtas an sampulong tribong kahadean. (2 Hade 17:7, 17, 18) Sa ibong na lado, an Jerusalem na sakop ni Ezequias tuminalikod sa falsong mga dios asin nagbalik sa paglilingkod ki Jehova. Minsan siring, an tolong representante kan Juda dai nagprobar na ipaliwanag ini ki Rabsaces. “Padagos sindang dai naggirong asin dai nagsimbag sa saiya ni sarong tataramon, huli ta an pagboot kan hade: ‘Dai kamo magsimbag sa saiya.’” (Isaias 36:21) Si Eliaquim, Sebna, asin Joa nagbalik ki Ezequias asin nagtao nin opisyal na report dapit sa mga tataramon ni Rabsaces.—Isaias 36:22.
Espirituwal na Kayamanan
it-TG “Renda” ¶4
Renda
Sinabi ni Jehova kay Haring Senakerib ng Asirya: “Ilalagay ko nga ang aking pangawit sa iyong ilong at ang aking renda sa pagitan ng iyong mga labi, at dadalhin nga kitang pabalik sa daan na iyong pinanggalingan.” (2Ha 19:28; Isa 37:29) Hindi kusang-loob kundi dahil sa kamay ni Jehova, napilitan si Senakerib na talikuran ang pagkubkob sa Jerusalem at bumalik sa Nineve, kung saan nang maglaon ay pinaslang siya ng kaniyang sariling mga anak. (2Ha 19:32-37; Isa 37:33-38) Ipinahihiwatig ng paglalagay ni Jehova ng renda sa mga panga ng mga kaaway na bayan na mapapasailalim sila sa lubusang pagkontrol kung paanong nasusupil ang mga hayop sa pamamagitan ng renda.—Isa 30:28.
PEBRERO 23–MARSO 1
KAYAMANAN NA YAON SA TATARAMON NIN DIYOS ISAIAS 38-40
“Siring sa Sarong Pastor Aatamanon Niya an Saiyang Aripumpon”
Kun Ano an Ihinahayag kan Bibliya Manungod sa Awtor Kaiyan
3 Basahon an Isaias 40:8. An Tataramon nin Diyos rinibong taon nang nagtatao nin marahay na paggiya sa maimbod na mga lalaki asin babayi. Paano iyan nagin posible? An Kasuratan haloy nang isinurat sa nararaot na materyales, kaya mayo talaga kita sa ngunyan nin ano man na orihinal na dokumento. Pero sinigurado ni Jehova na magkaigwa nin mga kopya kan banal na kasuratan. Minsan ngani bakong perpekto an mga parakopya, nagin maingat sindang marhay. Halimbawa, manungod sa Hebreong Kasuratan, sarong iskolar an nagsurat: “Tama sanang sabihon na dai nin ibang suanoy na libro an naipaabot sa sato nin arog kaiyan kaeksakto.” Kaya dawa naglihis an panahon, dawa nararaot an materyales na ginamit, asin dawa bakong perpekto an mga parakopya, makakapagtiwala kita na an mga tataramon na nababasa ta sa satong Bibliya ngunyan iyo an mga kaisipan kan Awtor kaiyan, si Jehova.
4 Si Jehova an Gikanan kan “lambang marahay na balaog asin [kan] lambang perpektong regalo.” (Sant. 1:17) An Bibliya iyo an saro sa pinakamarahay na regalo na itinao sa sato ni Jehova. An sarong regalo may ihinahayag sa sato manungod sa nagtao kaiyan—na talagang midbid niya kita asin na talagang aram niya an mga pangangaipo ta. Totoo man iyan manungod sa Kagtao kan Bibliya. Pag sinisiyasat ta an regalong iyan, dakul kitang naaaraman manungod ki Jehova. Naaaraman ta na talagang midbid niya kita asin na talagang aram niya an mga pangangaipo ta. Sa artikulong ini, pag-uulayan ta kun paano ipinapahiling kan Bibliya an tulo sa mga kuwalidad ni Jehova: an saiyang kadunungan, an saiyang hustisya, asin an saiyang pagkamuot. Inot tang pag-ulayan an mga paagi na ipinapahiling kan Bibliya an kadunungan nin Diyos.
Kapangyarihan na Magprotektar—“An Diyos Iyo an Satong Pailihan”
7 Paagi sa pagkumparar kan saiyang sadiri sa sarong pastor, inaasigurar kita ni Jehova na igwa siya nin udok sa pusong pagmawot na protektaran kita. (Ezekiel 34:11-16) Girumduma an paglaladawan ki Jehova sa Isaias 40:11, na tinukar sa Kapitulo 2 kan librong ini: “Siring sa sarong pastor aatamanon niya an saiyang aripumpon. Titipunon niya an mga kordero paagi kan saiyang takyag, asin kakargahon niya sinda sa saiyang daghan.” Paano napapaduman an sadit na kordero sa “daghan” kan pastor—an katiklupan kan pang-itaas niyang gubing? Tibaad rumani sa pastor an kordero, na nagsusurusaghid pa ngani sa saiyang tabay. Minsan siring, an pastor an kaipuhan na dumuko para alsahon an kordero asin may kabuutan na ibugtak sa may daghan niya. Sarong mapagpadangat nanggad na paglaladawan kan pagigin andam kan satong Dakulang Pastor na ingatan asin protektaran kita!
‘Nagtatao Siya nin Kusog sa Napapagal’
4 Basahon an Isaias 40:26. Mayo nin siisay man na makakabilang kan gabos na bituon sa bilog na uniberso. Naniniwala an mga siyentista na sa sato pa sanang galaksiyang Milky Way, posibleng may 400 na bilyon nang mga bituon. Pero kada saro sa mga bituon na iyan tinatawan ni Jehova nin pangaran o apod. Ano an manunudan niyato diyan? Kun interesado si Jehova dawa sa saiyang mga linalang na mayong buhay, gurano pa daw sa saimo na naglilingkod sa saiya, bako huling dinisenyo kang gibuhon iyan, kundi huling namumutan mo siya! (Sal. 19:1, 3, 14) Midbid kang marhay kan satong namumutan na Ama. “Maski an mga buhok sa [saimong] payo bilang [niya] gabos.” (Mat. 10:30) Asin sinisigurado sa sato kan salmista: “Aram ni Jehova an inaagihan kan mga daing katuyawan.” (Sal. 37:18, NW) Iyo, aram niya an inaatubang mong mga problema, asin kaya niyang tawan ka nin kusog tanganing matagalan mo an kada saro kaiyan.
5 Basahon an Isaias 40:28. Si Jehova an Gikanan nin gabos na enerhiya. Halimbawa, pag-isipan an enerhiyang itinatao niya sa satong saldang. Si David Bodanis na sarong parasurat dapit sa siyensiya, nagsabi na kada segundo, an saldang nagpoprodusir nin enerhiya na katumbas nin pagsabog nin binilyon na bomba atomika. Kinarkulo man nin saro pang parasiyasat na an enerhiyang ilinuluwas ngunyan kan saldang sa laog nin sarong segundo kayang susteniran an enerhiyang kaipuhan kan mga tawo sa laog nin 200,000 na taon! Kaya magdududa daw kita kun baga kaya kan Saro na “naggagatong” sa saldang na tawan kita kan kusog na kaipuhan tanganing makayanan ta an ano man na problema?
6 Basahon an Isaias 40:29. Nagtatao nin dakulang kaugmahan an paglilingkod ki Jehova. Sinabi ni Jesus sa saiyang mga disipulo: “Pasanon nindo an sakuyang sakal.” Asin sinabi pa niya: “Magiginhawahan kamo. Huli ta an sakuyang sakal komportable, asin an sakuyang pasan magian.” (Mat. 11:28-30) Totoong-totoo nanggad an mga tataramon na iyan! Kun minsan, tibaad pagal-pagal kita paghali ta sa harong tanganing umatender sa pagtiripon sa kongregasyon, o tanganing maghulit. Pero kumusta pag nakapuli na kita? May panibago nang kusog asin mas andam nang atubangon an mga kadipisilan sa buhay. Komportable nanggad an sakal ni Jesus!
Espirituwal na Kayamanan
“Rangaha Nindo an Sakuyang Banwaan”
7 An pagbabalik kan ikaanom na siglo B.C.E. bakong an solamenteng kaotoban kan hulang ini. Nagkaigwa man nin kaotoban kan enot na siglo C.E. Si Juan Bautista an tingog nin saro na “nagkukurahaw sa kaawagan,” bilang kaotoban kan Isaias 40:3. (Lucas 3:1-6) Nasa irarom nin pasabong, iinaplikar ni Juan sa saiyang sadiri an mga tataramon ni Isaias. (Juan 1:19-23) Poon kan 29 C.E., pinonan ni Juan na andamon an dalan para ki Jesu-Cristo. An patienot na pagbalangibog ni Juan nakapukaw sa mga tawo na hanapon an ipinanugang Mesiyas tangani na sinda man makapaghinanyog sa saiya asin sumunod sa saiya. (Lucas 1:13-17, 76) Paagi ki Jesus, gigiyahan ni Jehova an mga nagsosolsol pasiring sa katalingkasan na Kahadean nin Dios sana an makatatao—an pakabutas sa kaoripnan sa kasalan asin kagadanan. (Juan 1:29; 8:32) An mga tataramon ni Isaias igwa nin mas dakulang kaotoban sa pagkakalda kan natatada kan espirituwal na Israel hale sa Dakulang Babilonya kan 1919 asin sa pagbabalik sa sainda sa tunay na pagsamba.