Iiba sa Pamibi Nindo an Pinepersegir na mga Kapwa Kristiyano

Ihinula kan Bibliya na pepersegiron kita ni Satanas para ulangon an satong ministeryo. (Ju 15:20; Kap 12:17) Paano ta matatabangan an satong mga kapwa Kristiyano na pinepersegir sa ibang mga nasyon? Puwede ta sindang ipamibi. “An pagngayo-ngayong ginigibo nin sarong matanos igwa nin dakulang epekto.”—San 5:16.

Ano an mga puwede tang ipamibi? Puwede kitang makiulay ki Jehova na lugod tawan niya nin kusog nin buot an satong mga tugang asin tabangan sindang dai matakot. (Isa 41:10-13) Puwede man na ipamibi niyato na dai pagkontrahon kan mga awtoridad an satong gibuhon na paghuhulit, “na sa siring makapagpadagos kitang mamuhay nin tiwasay asin tuninong.”—1Ti 2:1, 2.

Kan pinepersegir si Pablo asin Pedro, ipinamibi sinda kan inot na siglong mga Kristiyano asin sinambit mismo an mga pangaran ninda. (Gi 12:5; Ro 15:30, 31) Maski dai ta aram an mga pangaran kan gabos na pinepersegir ngunyan, puwede ta man sambiton an saindang kongregasyon, nasyon, o rehiyon.

Isurat an mga nasyon na may mga tugang na pinepersegir asin gusto mong ipamibi.