LEKSIYON 20

Epektibong Kongklusyon

Parahulit 12:13, 14

SUMARYO: Sa mga huri mong sasabihon, dagkahon an mga nagdadangog na akuon asin iaplikar an saindang nanudan.

Ikonektar an saimong kongklusyon sa kabilugan kan saimong tema. Utruhon o sabihon sa ibang tataramon an panginot na mga punto asin tema.
Pahiruon an mga nagdadangog. Ipahiling sa mga nagdadangog kun ano an dapat nindang gibuhon asin kun taano ta dapat nindang gibuhon iyan. Magtaram na may pagkadesidido asin pagkakumbinsido.
Gibuhon na simple asin halipot an saimong kongklusyon. Dai maglaog nin bagong panginot na mga punto. Paagi sa dikit sanang tataramon sagkod na mapupuwede, sabihon an saimong huring mga tataramon sa paaging magdadagka sa mga nagdadangog na gumibo nin paghiro.

Dai maghidali sa saimong kongklusyon, asin dai basta na sana pawaraon an saimong boses. Sabihon an huri mong pirang mga sentence paagi sa tono na nagpaparisang patapos ka na sa saimong presentasyon.