Amalumbo

10 Mulandu nshi, mwe Yehova, mwimininina akatalamukila?+

Cinshi ico mufisamina mu nshita sha mafya?+

 2 Mu cilumba cakwe umubifi akonka cipyu cipyu uwacula;+

Bekatwa mu mapange ayo belengenye.+

 3 Pantu umubifi ailumbanishisha pa lunkumbwa lwakwe,+

Kabili uulesanga icibwesha+ icishalinga aipaala umwine;

נ [Nun]

Nasaalula Yehova.+

 4 Umubifi tafwayafwaya pa mulandu wa kuituntumba kwakwe;+

Ena amatontonkanyo yakwe yonse ya kuti: “Takwaba Lesa.”+

 5 Ifyo acita filatunguluka inshita fye yonse.+

Ifya bupingushi fyenu fili pa muulu apo ashingafika;+

Abalwani bakwe bonse, alabafyola.+

 6 Asosa mu mutima wakwe ati: “Nshakatelentenshiwe;+

Ku nkulo ne nkulo nshakatale mponenwapo no bubi.”+

 7 Mu kanwa kakwe mwaisula fye imilapo no bucenjeshi no mutitikisha.+

Mwi samba lya lulimi lwakwe muli ukucululusha no bunkalwe.+

 8 Abelamina abekala mu mishi;

Umwafisama e mo akepaila uwa kaele.+

ע [ʽAʹyin]

Amenso yakwe yalecebaceba ukufwaya uushikwete wa kumwafwa.+

 9 Alaalilila umwabelama kwati ni nkalamo iili umwafisama.+

Alaalilila+ ukufwaya ukusompola buluku buluku uwacula.

Asompola buluku buluku uwacula ilyo amwikata mwi sumbu lyakwe.+

10 Natitikishiwa, akontama,

Kabili ibumba lya bakungumana lyaikatwa ku maala yakwe ayakosa.+

11 Mu mutima wakwe atila:+ “Lesa alilabako.+

Alifisa icinso cakwe.+

Takamone nakalya.”+

12 Imeni,+ mwe Yehova. Mwe Lesa, imyeni ukuboko kwenu.+

Mwilaba abacula.+

13 Nga cinshi ico umubifi asaalwila Lesa ifi?+

Mu mutima wakwe aleti: “Tamwakalubulwishe.”+

14 Pantu imwe mwalimona ukucula no bulanda.

Mutwalilila ukulolesha, ukuti mufikate mu minwe yenu.+

Kuli imwe e ko uushakwata wa kumwafwa,+ umwana wa nshiwa, aituula.

Ni mwe mwaba kaafwa wakwe.+

15 Funeni ukuboko kwa mubifi no kwa wabipa.+

Fwailisheni ulubembu lwakwe ukufikila lwapwa.+

16 Yehova ni Mfumu umuyayaya umuyayaya.+

Inko nashiloba pe sonde lyakwe.+

17 Mukakutika ku kufwaya kwa bafuuka,+ mwe Yehova.

Mukateyanye mitima yabo.+

Mukapeepekako ukutwi kwenu,+

18 Ku kupingwila umwana wa nshiwa no watitikishiwa,+

Ukuti umwina kufwa uwa pano nse eba wa kututumya na kabili.+