Yeremia
Nomba cinshi ifyo ababifi bacita fyendela bwino,+
Kabili cinshi aba bucenjeshi bashisakamikilwa?
2 Mwalibalimbile kabili balilimba imishila.
Balikula, batwala ne fisabo.
Mwaba pa milomo yabo, lelo amatontonkanyo yabo+ ayashika* yalitaluka kuli imwe.
3 Lelo mwe Yehova+ mwalinjishiba bwino; kabili mulamona;
Mwaliceeceeta umutima wandi kabili mwasanga ukuti ndi wa cishinka kuli imwe.+
Bapaatuleni nge mpaanga isho baleya mu kwipaya,
Kabili basungileni ubushiku bwa kubepaya.
Pa mulandu wa fyabipa ifyo abekalamo bacita,
Inama ne fyuni nafiloba.
Pantu balanda abati: “Tamona ifikatucitikila.”
Nga umona ukuti walicingililwa mu calo ca mutende,
Ukacita shani ilyo ukaba mu mpanga iyaba mu mbali ya Yordani umwaba ifimuti ifyatitikana?
6 Pantu nangu ni bamunonko, aba mu ng’anda ya kwa wiso balikwalukila,
Balakupundilila ninshi balekukonka pa numa.+
Taufwile ukubacetekela,
Nangu bakweba ifisuma.
7 “Nindekelesha ing’anda yandi;+ ninsha ubupyani bwandi.+
Uo natemwa sana* nimupeela mu minwe ya balwani bakwe.+
8 Ubupyani bwandi buli nge nkalamo mu mpanga.
Alembulumina.
E ico nimupata.
9 Ubupyani bwandi buli nge cuni ca malangi ayengi* icikata ifyuni finankwe;
Ifyuni fimbi ifikata ifyuni finankwe fyacishinguluka kabili fyacisansa.+
Iseni mulongane mwe nama shonse isha mu mpanga,
Iseni mulye.+
Nabalenga impanga yandi iisuma yaba amatololo, umushaba nangu cimo.
11 Impanga nayonaika.
Impanga yonse ili icibolya.
Lelo tapali nangu umo uubikileko amano.+
12 Abonaula nabesa mu nshila shonse ishaonaika isha mu matololo,
Pantu ulupanga lwa kwa Yehova luleipaya ukufuma ku mpela imo iya calo ukufika ku mpela imbi.+
Takuli nangu umo* uuli no mutende.
13 Babyele ingano, lelo balesombola imyunga.+
Balabombesha kabili balanaka sana, lelo tapaba icisuma nangu cimo icifumamo.
Bakekatwa insoni pantu tabakasombole nangu cimo
Pa mulandu wa bukali bwa kwa Yehova ubulebilima ngo mulilo.”
14 Ifi e fyo Yehova asoka abena mupalamano bandi bonse abacita ifyabipa, abasansa ubupyani ubo nalengele abantu bandi abena Israele bakwata,+ atila: “Ndebanukula mu calo cabo,+ kabili nkanukula ne ng’anda ya kwa Yuda muli bena. 15 Lelo pa numa ya kubanukula, nkababelela uluse na kabili, kabili cila muntu nkamubwesesha ku bupyani bwakwe na ku mpanga yakwe.”
16 “Kabili nga bakasambilila ifyo abantu bandi bacita kabili nga bakalalapila mwi shina lyandi abati, ‘Na pali Yehova!’ nga filya fine basambilishe abantu bandi ukulapila mwi shina lya kwa Baali, ninshi nkalenga bakekale pamo na bantu bandi. 17 Lelo nga tabakomfwe, na ine nkanukula lulya uluko, nkalunukula no kulonaula,” e fyo Yehova alanda.+