Yeremia
22 Yehova alanda ati: “Kabiye ku ng’anda ya mfumu* ya mu Yuda, uye yeba aya mashiwi. 2 Uye yeba auti, ‘Umfwa amashiwi ya kwa Yehova, we mfumu ya mu Yuda, we waikala pa cipuna ca bufumu ica kwa Davidi, iwe na babomfi bobe na bantu bobe, abengilila pali ishi impongolo. 3 Yehova alanda ati: “Muleba no mulinganya kabili mulecita ifyalungama. Mulepokololako uo baibila mu kuboko kwa ncenjeshi. Mwilacusha uwa ku calo cimbi, mwilacusha umwana uushakwata bawishi* na mukamfwilwa.+ Mwilasumya umulopa wa kaele muli ici cifulo.+ 4 “‘“Pantu nga mwakulakonka bwino bwino aya mashiwi, ninshi imfumu ishikala pa cipuna ca bufumu ica kwa Davidi+ shikengilila pali ishi impongolo isha ino ng’anda, ninshi nashinina mu maceleta na pali bakabalwe, shena na babomfi ba shiko na bantu ba shiko.”’+
5 “‘Lelo nga tamwakalekonka aya mashiwi, nailapa ne mwine nati, ‘iyi ng’anda ikonaulwa’+ e fyo Yehova alanda.
6 “Pantu Yehova alanda pa ng’anda ya mfumu ya mu Yuda ati,
‘Waba nga Gileadi kuli ine,
Waba nga pa muulu wa Lebanone.
Lelo nkalenga ukabe amatololo;
Kabili mu misumba yobe yonse tamwakekale umuntu nangu umo.+
Bakatema ifimuti fyobe ifya mikedari ifyawamisha
Kabili bakalenga fikawile mu mulilo.+
8 “‘Kabili abantu ba mu nko ishingi bakapita pali uyu musumba kabili bakalaipushanya abati: “Cinshi Yehova acitile ifi uyu umusumba uukalamba?”+ 9 Kabili bakala-asuka abati: “Ni co balitobele icipangano ico bapangane na Yehova Lesa wabo kabili balekontamina tulesa tumbi no kutubombela.”’+
10 “Mwiloosha uwafwa,
Kabili mwimumfwila ubulanda.
Loosheni uuleya mu kuba nkole ku calo cimbi,
Pantu takabwele na kabili mu kumona icalo umo afyalilwe.
11 “Pantu ifi e fyo Yehova alanda pali Shalumu*+ umwana wa kwa Yoshia, imfumu ya mu Yuda uuleteka mu cifulo ca kuti Yoshia wishi+ aleteka, kabili uwafuma muli cino cifulo alanda ati: ‘Takabwelele ku calo cakwe na kabili. 12 Pantu ku calo uko bamusenda ukuyaba nkole e ko akafwila, kabili takamone cino calo na kabili.’+
13 “We bulanda ku ukuula ing’anda yakwe, lelo uushicita ifyalungama
Kabili uukuula imiputule ya pa muulu, lelo uushaba no mulinganya,
Uulenga umuntu munankwe alamubombela ukwabula ukumulipila,
Uukaana ukumulipila.+
14 Uulanda ati, ‘Ndi no kukuula ing’anda iikalamba
Iikakwata imiputule ya pa muulu iikalamba.
Kabili nkabikamo na mawindo
Ku cibumba ca iko nkabikako imbao sha mikedari kabili nkashipenta na penti yakashika.’
15 Bushe ukatwalilila fye ukuteka pa mulandu wa kuti wakuuliile isano lyobe ne mbao sha mikedari ishingi ukucila abantu bambi?
Wiso alelya no kunwa,
Lelo ali no mulinganya kabili alecita ifyalungama,+
Kabili ifintu fyalemwendela bwino.
16 Alepokololako abacula na bapiina ilyo alepingula umulandu wabo,
Ica kuti ifintu fyale-enda bwino.
‘Bushe umu te mo ukunjishiba kwalola?’ e fyo Yehova alanda.
17 ‘Lelo wabika amenso yobe no mutima obe pa kunonka ifyuma mu bucenjeshi,
Pa kusumya umulopa wa kaele,
Na pa kwibila abantu mu bucenjeshi no kubapokolola ifintu fyabo.’
18 “E ico Yehova alanda pali Yehoyakimu+ umwana wa kwa Yoshia, imfumu ya mu Yuda ati,
‘Tabakamulooshe abati:
“Iye munyinane! Iye nkashi yandi!”
Tabakamulooshe abati:
“Iye mwe shikulu! Iye kanabesa!”
19 Bakamushiika+ nga filya bashiika impunda,
Bakamukululula no kumupoosa,
Kunse ya mpongolo sha Yerusalemu.’+
20 “Nina uleya ku Lebanone kabili bilikisha,
Sansula ishiwi lyobe mu Bashani,
Kabili bilikisha mu Abarimu,+
Pantu bonse abakutemwa nababonaula.+
21 Nalilandile na iwe ilyo walemona ukuti naucingililwa.
Lelo walandile auti, ‘Nshamumfwile.’+
Ifi e fyo waba ukutula ku bwaice,
Pantu taukonka ifyo nkweba.+
Lyena ukekatwa insoni kabili ukaseebana pa mulandu ne fyabipa ifikakucitikila.
23 Imwe bonse mwe bekala mu Lebanone,+
Mwe bekala mu fimuti fya mikedari,+
Mukateta ilyo ubukali bukesa pali imwe,
Ubukali nga bulya umwanakashi omfwa pa kupaapa!”+
24 “‘Na pali ne mwine,’ e fyo Yehova alanda, ‘nangu iwe Konia*+ umwana wa kwa Yehoyakimu,+ imfumu ya mu Yuda, wingaba inindaminwe ya kufwatikilako ku kuboko kwandi ukwa ku kulyo, kuti nakufuulako! 25 Nkakupeela mu minwe ya bafwaya ukulofya umweo obe, mu minwe ya bo utiina, mu minwe ya kwa Nebukadnesari* imfumu ya ku Babiloni na mu minwe ya bena Kaldi.+ 26 Kabili iwe na noko nkamupoosa ku calo cimbi uko mushafyalilwe, kabili kulya e ko mukafwila. 27 Kabili tabakatale ababwelela ku calo ico bafuluka.*+
28 Bushe uyu Konia ni nongo fye iyatobeka iyo abantu basuula,
Icipe ico muntu nangu umo tafwaya?
Mulandu nshi ena na batuntuka muli ena ba baponeshe panshi
No kubapoosa ku calo ico tabaishiba?’+
29 “We calo, we calo, we calo, umfwa amashiwi ya kwa Yehova.
30 Yehova alanda ati: