Abapingushi
5 Pali bulya bwine bushiku, Debora+ pamo na Baraki+ umwana wa kwa Abinoamu baimbile ulwimbo abati:+
2 “Pa mulandu wa bashilika abakakwile umushishi* wabo mu Israele,
Pa mulandu wa kuitemenwa kwa bantu abene,+
Cindikeni Yehova!
3 Umfweni mwe shamfumu! Kutikeni mwe bakateka!
Nkembila Yehova.
Nkembila Yehova amalumbo,+ Lesa wa kwa Israele.+
4 Mwe Yehova, ilyo mwafumine mu Seiri,+
Ilyo mwafumine mu citungu ca kwa Edomu,
Isonde lyalitentele, kabili imyulu yafumfumwine imfula,
Amakumbi yapongolwele amenshi.
5 Impili shalisungulwike* pa cinso ca kwa Yehova,+
Nangu fye ni Sinai yalisungulwike pa cinso ca kwa Yehova,+ Lesa wa kwa Israele.+
6 Mu nshiku sha kwa Shamigari+ umwana wa kwa Anati,
Mu nshiku sha kwa Yaele,+ mu misebo tamwalepita abantu;
Abalendo balepita mu misebo imbi.
7 Mu mishi ya mu Israele tamwali abantu;
Tamwali abantu mpaka ne Debora+ naima,
Mpaka naima ne wali kwati ni nyina mu Israele.+
Inkwela tayalemoneka nakalya, nangu fye lifumo,
Pa bantu 40,000 mu Israele.
Cindikeni Yehova!
10 Mwe bendela pa mpunda ishakashikila,
Mwe bekala pa nsalu ishisuma,
Na mwe benda mu musebo,
Tontonkanyenipo!
11 Amashiwi ya batapila ifitekwa amenshi yaleumfwika pa ncende sha kunweseshapo ifitekwa amenshi;
Palya e po baleshimikila imilimo yalungama iya kwa Yehova,
Ifyalungama ifya bantu abekala mu mishi ya mu Israele.
Lyena abantu ba kwa Yehova baile ku mpongolo.
12 Buuka, buuka, iwe we Debora!+
Shibuka, shibuka, imba ulwimbo!+
Ima, iwe we Baraki!+ Tungulula bankole bobe, iwe we mwana wa kwa Abinoamu!
13 Lyena abashelepo baishile ku ntungulushi;
Abantu ba kwa Yehova baishile kuli ine pa kuti balwishe aba maka.
Ukufuma mu Makiri+ abakalamba ba bashilika balile,
Kabili ukufuma ku Sebuluni abengisha abantu ubushilika* nabo balile.
15 Bacilolo ba mu mukowa wa kwa Isakari baile na Debora,
Filya fine Isakari aile pamo na Debora, e fyo na Baraki+ aile pamo nankwe.
Mu mupokapoka* e mo aile na makasa.+
Aba mu mukowa wa kwa Rubene bali ne mitima ibili.*
16 Cinshi waikalile pa kati ka fya kwikalapo fibili ifya pa mpunda,
Ulekutika imitolilo iyo balelishisha imikuni?+
Pantu aba mu mukowa wa kwa Rubene bali ne mitima ibili.*
Ashere ena aikele fye mu lulamba lwa bemba,
Kabili ashele mupepi ne fyabu fyakwe.+
18 Abena Sebuluni baibikile mu kapoosa mweo;
19 Imfumu shalishile, shalilwile;
Lyena imfumu sha ku Kanaani shalilwile+
Mu Taanaki, mupepi no mulonga wa Megido.+
Tashapokele silfere nangu imo.+
20 Intanda ukufuma ku muulu shalilwile,
Ukufuma umo shipita shalwishishe Sisera.
Iwe wanyantawile aba maka, we mweo* wandi.
23 ‘Tiipeni Merose,’ e fyalandile malaika wa kwa Yehova,
‘Tiipeni abekalamo,
Pantu taba-afwile Yehova,
Taba-afwile Yehova pamo na ba maka.’
24 Umwanakashi uwapaalwa ukucila abanakashi bonse ni Yaele+
Muka Heberi+ umwina Keni;
Alipaalwa ukucila abanakashi bonse abekala mu matenti.
25 Alombele amenshi; amupeele umukaka.+
Mu mbale yafonka iikalamba iya bakankaala e mo amupeelele umukaka watikama.
26 Abuulile ulupoopo lwe tenti,
Abuulile sando ya mubomfi ku kuboko kwakwe ukwa ku kulyo.
Kabili apoopele Sisera, atobawile umutwe wakwe,
Kabili atobawile insensematwi shakwe kabili alishitulile.+
27 Ainyunshiile pa kati ka makasa ya kwa Yaele; alaala na panshi;
Ainyunshiile pa kati ka makasa ya kwa Yaele, kabili aliwile;
Afwilile apo ainyunshiile.
28 Umwanakashi alelengela pe windo,
Nyina wa kwa Sisera alengeele mu tupunda twa co bapikwila pe windo aleti,
‘Cinshi iceleta lyakwe ilya nkondo lyakokwela ukwisa?
Cinshi inshindo sha bakabalwe ba maceleta yakwe shacelelwa ifi?’+
29 Abanakashi abakwatisha amano pa banakashi bakwe abacindama balemwasuka;
Umwine na o aleisosha ati,
30 ‘Bafwile baleakana ifyo bapokolwele,
Umukashana* umo, abakashana* babili, cila mushilika,
Ica kufwala icisuma ico bapokolwele ca kwa Sisera, ica kufwala icisuma ico bapokolwele,
Ica kufwala ico bapikula, ico bawamya, ifya kufwala fibili ifyo bapikula
Ifya mu mikoshi ya baume abapokolwele ifipe.’
31 E ico lekeni abalwani benu bonse balobe+ mwe Yehova,
Lelo lekeni abamutemwa babe nga filya akasuba kabengeshima ilyo kaletula.”
Kabili mu calo mwali umutende pa myaka 40.+