Ulwa kwa Davidi.
26 Mpinguleni,+ mwe Yehova, pantu nyenda muli bukaele bwandi,+
Kabili natetekela Yehova, pa kuti nitalantanta.+
2 Nceeceeteni, mwe Yehova, kabili njesheni;+
Sangululeni imfyo shandi no mutima wandi.+
3 Pantu icikuuku cenu cili pa menso yandi,
Kabili naenda mu cine cenu.+
4 Nshaikala pamo na ba bufi;+
Kabili nshendela pamo na ba bumbimunda.+
5 Napata ulukuta lwa ncitatubi,+
Kabili nshikala pamo na babifi.+
6 Nkasamba iminwe yandi mu kaele,+
Kabili nkashinguluka iciipailo cenu, mwe Yehova,+
7 Ku kulenga ukutasha kumfwike sana,+
E lyo no kubila ifipesha amano fyenu fyonse.+
8 Mwe Yehova, nalitemwa ing’anda mwikalamo+
Ne cifulo ca bwikalo bwa bukata bwenu.+
9 Mwinjipaila pamo na babembu,+
Nangu ukunjipaila pamo na baba no mulandu wa mulopa,+
10 Abo mu minwe yabo mwaba imicitile yabipa,+
Kabili abo ukuboko kwabo ukwa ku kulyo kwaisulamo amafisakanwa.+
11 Lelo ine, nkenda muli bukaele bwandi.+
Iye ndubuleni+ kabili mbeleleni uluse.+
12 Ulukasa lwandi lukeminina apabatama;+
Pa kati ka mabumba ayalongene e po nkalumbanishisha Yehova.+