9 E lyo Mose aebele Yoshua+ ati: “Sala abaume muleya mu kulwa na bena Amaleke. Mailo nkeminina pa muulu wa lupili kabili nkekata inkonto ya kwa Lesa wa cine.”

13 E ico Mose na Yoshua+ umubomfi wakwe balimine, kabili Mose aninine ulupili lwa kwa Lesa wa cine.+

11 Yehova alelanda na Mose icinso ne cinso,+ nga filya fine umuntu engalanda no muntu munankwe. Mose nga abwelela ku nkambi, Yoshua+ mwana Nuni umubomfi wakwe kabili uwalemwafwa,+ ena talefuma mwi tenti.

18 E ico Yehova aebele Mose ati: “Senda Yoshua mwana Nuni, umwaume wafikapo, kabili ubike iminwe yobe pali ena.+ 19 Lyena umwebe eminine pa ntanshi ya kwa Eleasari shimapepo na pa ntanshi ya lukuta lonse, kabili pa menso yabo umusonte abe intungulushi.+ 20 Ufwile ukumupeelapo amaka* yobe yamo,+ pa kuti ulukuta lonse ulwa bena Israele lulemumfwila.+

3 Yehova Lesa wenu e ulemutangilila pa kwabuka, kabili akamulofeshako ishi inko. Lyena mukatendeka ukwikala mu calo ca shiko.+ Yoshua e ukamutungulula pa kwabuka,+ nga filya fine Yehova alandile.