10 Lyena mwacitile ifishibilo ne fipesha amano pa kuti mukande Farao na babomfi bakwe bonse e lyo na bantu bonse aba mu calo cakwe,+ pantu mwalishibe ukuti balicushishe+ abantu benu. Mwalengele ishina lyenu lyaishibikwa ica kuti na pali ino nshita lyalishibikwa.+ 11 Kabili mwa-akenye bemba ninshi balemonako, ica kuti ba-abwike pa mushili uwauma.+ Mwapoosele na balebakonka apashika, nga filya umuntu engapoosa ilibwe mu menshi ayalulunkene.+

20 Mwalicitile ifishibilo ne fipesha amano mu calo ca Egupti, ifyo abantu baishiba ukufika na lelo kabili ici calilenga mwaipangila ishina mu bena Israele na mu nko shimbi,+ nge fi fine caba na buno bushiku.