Yeremia
31 “Pali ilya nshita,” e fyo Yehova alanda, “nkaba Lesa wa ndupwa shonse isha kwa Israele; nabo bakaba abantu bandi.”+
2 Yehova alanda ati:
“Abantu abapuswike ku lupanga balibapaalile mu matololo,
Ilyo abena Israele baleya ku cifulo cabo ica kutuushishako.”
3 Yehova amoneke kuli ine ilyo nali ukutali sana kabili anjebele ati:
“Ukutemwa nakutemwa kwa muyayaya.
E co nakupalamikila kuli ine ukubomfya ukutemwa ukushipwa.*+
4 Nkakukuula cipya cipya, kabili ukaba uluko na kabili.+
We nacisungu Israele, ukabuula utuoma tobe utwa nyenjele na kabili.
5 Mukabyala imyangashi na kabili mu mpili sha mu Samaria.+
Abakabyala imyangashi bakalya ifisabo fya iko.+
6 Pantu ubushiku bukesa ilyo bamalonda ba mu mpili sha mu Efraimu bakabilikisha abati:
‘Imeni, natuleya ku Sione kuli Yehova Lesa wesu.’”+
7 Pantu Yehova alanda ati:
“Sanswileni Yakobo amashiwi ninshi mulesekelela.
Sansamukeni pantu namukwata amaka pa nko.+
Bilisheni, lumbanyeni Lesa amuti,
‘Mwe Yehova, pususheni abantu benu abashalapo pa bena Israele.’+
8 Nkababwesha ukufuma ku calo ca ku kapinda ka ku kuso.+
Kabili nkabalonganika ukufuma mu ncende ishaba ukutali pano isonde.+
Pali bena pakaba abashimona, abalemana,+
Abanakashi abaimita na bali mu kupaapa, bonse bakaba pamo.
Bakabwelela kuno ninshi bali ibumba ilikalamba.+
Nkabatungulula uku ninshi balempaapaata ukuti mbabelele uluse.
Nkabatwala ku milonga ya menshi,+
Bakapita mu nshila iisuma umo bashakaipunune.
Pantu nine Wishi wa kwa Israele kabili Efraimu e beli lyandi.”+
10 Umfweni amashiwi ya kwa Yehova mwe nko,
Kabili bilisheni amashiwi yakwe pa fishi ifyaba ukutali,+ amuti:
“Uwasalangenye Israele, akamulonganika pamo.
Kabili akamusunga nga filya kacema asunga impaanga shakwe.+
12 Bakesa no kwimba inyimbo sha kusekelela pa lupili lwa Sione,+
Kabili bakatemwa nga nshi pa busuma bwa kwa Yehova,*
Pa ngano, pa mwangashi uupya,+ pa mafuta,
Pa mpaanga ishana na pa ng’ombe.+
Nkalenga bakaleke ukuloosha, lelo bakalesekelela.+
Nkabasansamusha kabili nkalenga bakalesekelela mu cifulo ca kuba no bulanda.+
14 Nkapeela bashimapepo* ifya kulya ifingi,*
Kabili abantu bandi bakasansamuka pa mulandu wa busuma bwandi,”+ e fyo Yehova alanda.
15 “Yehova alanda ati:
‘Mu Rama+ muleumfwika ishiwi lya uleloosha no kulila nga nshi:
Rakele aleloosha abana bakwe abaume.*+
Nakaana ukumusansamusha pa bana bakwe abaume,
Pantu nabafwa.’”+
16 Yehova alanda ati:
“‘Kabili amenso yobe nayaleke ukuponya ifilamba,
Pantu nkakulambula pa fyo ucita,’ e fyo Yehova alanda.
‘Bakabwela ukufuma ku calo ca mulwani.’+
17 “‘Kabili ifintu fikakuwamina ku ntanshi,’+ e fyo Yehova alanda.
‘Abana bobe abaume bakabwelela ku calo cabo.’”+
18 “Ning’umfwa Efraimu aleloosha,
‘Namunungika kabili ninsambililako,
Nge ng’ombe iyana iyo bashasambilisha.
Mbwesheni, na ine nalapilibuka no kubwela,
Pantu nimwe Yehova Lesa wandi.
Ninshi ndi no bulanda kabili naliseebene,+
Pantu naliseebana pa mulandu ne fyo nalecita ilyo nali umwaice.’”
20 “Bushe Efraimu te mwana wandi uo natemwa nga nshi?+
Nangu ca kuti ndamukalipila imiku iingi, nshimulabako.+
E co mufulukila,*
Kabili nangu cibe shani nkamumfwila uluse,” e fyo Yehova alanda.+
Bika amano ku musebo uukalamba uo ufwile ukupitamo.+
Bwela nacisungu Israele. Bwelela kuli iyi misumba yobe.
22 Ni lilali ukaleka ukupitana, we mwana mwanakashi uushaba ne cishinka?
Pantu Yehova napanga icintu icipya mwi sonde:
Umwanakashi akalafwaisha umwaume.”
23 Yehova wa mabumba, Lesa wa kwa Israele alanda ati: “Ilyo nkabwesha bankole babo bakalanda aya mashiwi na kabili mu Yuda na mu misumba ya iko, abati: ‘Yehova nakupaale we cifulo ca kwikalamo icalungama,+ we lupili lwa mushilo.’+ 24 Kabili mu Yuda e mo abekala mu misumba, abalimi na bacema ifitekwa bakekala.+ 25 Pantu nkakosha abanaka,* kabili abashikwete amaka*+ nkabapeela ifyo balekabila.”
26 E ico nalishibwike no kulolesha, kabili utulo twaliweme.
27 “Moneni! Inshiku shileisa,” e fyo Yehova alanda, “ilyo nkabyala mu ng’anda ya kwa Israele na mu ng’anda ya kwa Yuda ulubuto* lwa muntu no lubuto lwa fitekwa.”+
28 “Kabili nga filya fine nabikileko amano pa kubanukula, pa kubawisha, pa kubabongolola, pa kubonaula na pa kubacita ifyabipa,+ e fyo nkabikako amano pa kuti nkabakuule no kubalimba,”+ e fyo Yehova alanda. 29 “Muli shilya nshiku tabakalande na kabili abati, ‘Bashibo e baliile imyangashi iibishi, lelo ameno ya bana babo e yawililemo.’*+ 30 Lelo umuntu onse akafwila pa lubembu lwakwe. Onse uwalya imyangashi iibishi, e o ameno yakawa.”
31 “Moneni! Inshiku shileisa,” e fyo Yehova alanda, “ilyo nkapangana icipangano icipya+ na ba mu ng’anda ya kwa Israele na ba mu ng’anda ya kwa Yuda. 32 Tacakabe nge cipangano napangene na bashibo mu bushiku naikete ukuboko kwabo pa kuti mbatungulule ukufuma mu calo ca Egupti,+ ‘icipangano ico batobele,+ nangu ca kuti nine fye nali shikulu wabo,’* e fyo Yehova alanda.”
33 “Pantu ici e cipangano ico nkapangana na ba mu ng’anda ya kwa Israele pa numa ya nshiku shilya,” e fyo Yehova alanda. “Nkabika amafunde yandi mu filundwa fyabo ifya mu kati,+ kabili nkayalemba mu mitima yabo.+ Nkaba Lesa wabo, nabo bakaba abantu bandi.”+
34 “Kabili umuntu onse takasambilishe umunankwe nangu munyina ati: ‘Ishiba Yehova!’+ pantu bonse bakanjishiba, ukufuma ku munono ukufika ku mukalamba,”+ e fyo Yehova alanda. “Pantu nkeleela ifilubo fyabo, kabili nshakebukishe imembu shabo.”+
35 Yehova uulenga akasuba kabalika mu nshita ya kasuba,
Uwapeela umweshi ne ntanda amafunde* ya kuti filesanika mu nshita ya bushiku,
Uulenga bemba yalulunkana kabili na mabimbi ya iko yaima,
Uo ishina lyakwe ni Yehova wa mabumba,+ alanda ati:
36 “‘Aya amafunde nga yaleka ukubomba,’ e fyo Yehova alanda,
‘Ninshi na bana ba kwa Israele bakaleka ukuba uluko pa ntanshi yandi umuyayaya.’”+
37 Yehova alanda ati: ‘Imyulu nga kuti baipima, no mufula we sonde nga kuti bawishiba ninshi na ine kuti nakaana abana ba kwa Israele bonse pa mulandu na fyonse ifyo bacita,’ e fyo Yehova alanda.”+
38 “Moneni! Inshiku shileisa,” e fyo Yehova alanda, “ilyo bakakuula+ umusumba wa kwa Yehova ukufuma ku Lupungu lwa kwa Hananele+ ukuyafika ku Mpongolo ya pa Koona.+ 39 Ne ntambo ya kupiminako+ bakaifungulula ikaya ku kapili ka Garebu, lyena ikaalukila ku Goa. 40 Kabili imipokapoka* yonse iya fitumbi ne ya mito,* na mabala yonse ukuyafika ku Mupokapoka wa Kidrone,+ e lyo no kuyafika pa koona ya Mpongolo ya Bakabalwe,+ ukulola ku kabanga, fikaba fya mushilo kuli Yehova.+ Umusumba tabakaunukule nelyo uku-ubongolola na kabili.