Ulwimbo lwa Baleninika.
126 Ilyo Yehova abweseshe bankole ba ku Sione+ ku mwabo,
Twamwene kwati tuleloota fye.
2 Pali ilya nshita mu kanwa kesu mwaiswile inseko,
No lulimi lwesu lwalesekelela.+
Pali ilya nshita inko shalandile ashiti:
“Yehova nabacitila ifintu ifikalamba.”+
3 Yehova natucitila ifintu ifikalamba.+
Kabili tulesekelela nga nshi.
4 Mwe Yehova bwesesheni bankole besu ku mwabo,
Nga filya imfula ilenga imimana ya mu Negebu yakwata amenshi na kabili.
5 Abatanda ninshi balelila
Bakalasekelela pa kusombola.
6 Uuya alelila
Ninshi nasenda umufuko wa mbuto,
Akesa alesekelela,+
Ninshi nasenda ifyo asombwele.+