Kalata wa Bubili uwa kwa Yohane

1 Ine ne mukalamba+ nalembela nakulubantu+ uwasalwa, na bana bakwe, abo natemwa icine cine,+ kabili te ine neka nabatemwa iyo, lelo na bonse abaishiba icine balibatemwa,+ 2 pa mulandu wa cine icaba muli ifwe,+ kabili cakulaba na ifwe pe.+ 3 Icikuuku,+ uluse no mutende ukufuma kuli Lesa Shifwe+ na kuli Yesu Kristu Umwana wa kwa Shifwe fyakulaba na ifwe, pamo ne cine no kutemwa.+

4 Nalisansamuka nga nshi pa kusanga ukuti abana+ bobe bamo bale-enda mu cine,+ nga filya twapokelele ifunde kuli Shifwe.+ 5 E ico nomba ndekupapaata, we nakulubantu, ukuti tuletemwana.+ Ili te funde ilipya nakulembela iyo,+ lelo e lyo twakwata ukufuma fye pa kutendeka.+ 6 Kabili ukutemwa kwalola+ mu kuti tulecita ifintu ukulingana na mafunde yakwe.+ Ili e funde mufwile ukulakonka ilyo mwaumfwile ukufuma pa kutendeka.+ 7 Pantu bakabepa abengi nabasalanganina muli ici calo,+ abantu abashisumina ukuti Yesu Kristu alishile no kuba umuntunse.+ Uyu e kabepa+ kabili e mukaanya Kristu.+

8 Cenjeleni pa kuti mwikonaula ifyo twabombeele, lelo mukapokelele icilambu cenu conse.+ 9 Onse uupula+ mwi sambilisho lya kwa Kristu kabili uushikalililamo+ taba na Lesa.+ Uukonka ili sambilisho e mubomfi wa kwa Lesa kabili e musambi wa Mwana.+ 10 Umuntu nga aisa kuli imwe ne sambilisho ilyaibela, mwimupokelela mu mwenu+ nangu kumuposha.+ 11 Pantu uwamuposha ninshi akumako ku milimo yakwe iyabipa.+

12 Nangu ca kutila ndi ne fingi ifya kumulembela, nshilefwaya ukulemba pe pepala kuli inki,+ lelo ndesubila ukwisa kuli imwe no kulanda na imwe pa kanwa nkati,+ pa kuti mukasansamuke+ nga nshi.+

13 Abana ba kwa nkashi mbiyo, uwasalwa, bakuposha.+